sonin.mn
Сэтгэгдэл (2)

8-р сарын 12-нд БНХАУ-ын дарга Ши Жиньпин Бразилийн Ерөнхийлөгч Луис Инасиу Лула да Силва нар утсаар ярив. 


Ши Жиньпин энэ үеэр: "Бразилийн ард түмэн үндэсний бүрэн эрхээ хамгаалж, Бразилийн тал өөрийн зүй ёсны эрх ашгийг хамгаалахыг Хятад улс дэмжиж байна. Бүх улс орон эв нэгдэж, ганц талт үзэл, ивээх үзлийг тууштай эсэргүүцэх ёстой. БРИКС-ийн механизм нь дэлхийн өмнөдийн нийтлэг ойлголтыг хуримтлуулах чухал платформ юм. БРИКС-ийн дээд хэмжээний уулзалтыг Бразил амжилттай зохион байгуулсанд баяр хүргэе. Дэлхийн өмнөдийн орнууд гар нийлэн олон улсын шударга ёсыг хамгаалж, олон улсын харилцааг зохицуулах үндсэн хэм хэмжээг хамгаалж, хөгжиж буй орнуудын хууль ёсны эрх ашгийг хамгаалах ёстой. Хятад, Бразил хоёр орон дэлхий дахины сорилтыг үргэлжлүүлэн хамтдаа зохицуулж, Белемд болох НҮБ-ын уур амьсгалын өөрчлөлтийн бага хурал амжилтад хүрэхийг баталгаажуулж, Украины хямралыг улс төрийн арга замаар зохицуулахад “Энх тайвны андууд” баг үүрэг гүйцэтгэхийг урагш ахиулах ёстой" гэжээ.


Лула да Силва хэлэхдээ, "Бразил Хятад улстай харилцах харилцаагаа дээд хэмжээнд чухалчлан үзэж, Хятад улстай хамтын ажиллагаагаа эрчимжүүлж, стратегийн хамтын ажиллагаагаа гүнзгийрүүлж, хоёр орны харилцааг улам бүр хөгжүүлэхийг хүсэж байна гэв. Тэрээр Бразил Америкийн харилцааны сүүлийн үеийн байдал хийгээд бие даасан бүрэн эрхээ тууштай хамгаалах талаар Бразилийн баримталж буй зарчмын байр суурийн талаар танилцуулж, Хятад улс олон талт үзлийг баримталж, чөлөөт худалдааны дүрмийг хамгаалж, олон улсын үйл хэрэгт хариуцлагатай үүрэг гүйцэтгэж буйг сайшаав. Бразил улс БРИКС зэрэг олон талт механизмын хүрээнд Хятад улстай харилцаа холбоо, зохицуулалтаа бэхжүүлж, ганц талын дээрэлхэх үйлдлийг эсэргүүцэн, бүх улс орны нийтлэг ашиг сонирхлыг хамгаалахад бэлэн байна" гэсэн байна.


Г.Бямба