Мэргэжлийн хяналтын ерөнхий газраас Хөдөө Аж Ахуйн Их Сургууль болон түүний харьяа бүрэлдэхүүн сургуулиудын өмч хөрөнгийн бүрдүүлэлт, зарцуулалтд болон санхүүгийн үйл ажиллагаанд хяналт шалгалт хийжээ.
Уг шалгалтаар төсөвт төлөх төлбөр, хураамжийг бүрэн тооцож төсөвт төвлөрүүлээгүй, хөрөнгө мөнгийг үргүй, зориулалт бусаар зарцуулсан, томилолтоор ажилласан хоногийг буруу тооцон томилолтын зардал илүү олгосон, гэрээний үнийн дүнгээс илүү мөнгө шилжүүлсэн, анхан шатны баримтгүй ажил гүйлгээг нягтлан бодох бүртгэлд тусгасан байжээ.
Мөн бараа материал худалдан авах болон засварын зардалд “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийг мөрдөж ажиллаагүй, “Нягтлан бодох бүртгэлийн тухай хууль”-ийг зөрчин байгууллага хоорондын тооцоогоор баталгаажаагүй байсан нь шалгалтаар илэрсэн аж.
Түүнчлэн авлагыг тайлан тэнцэлд буруу тусгасан, түрээсийн орлогын 20 хувийг төсөвт төвлөрүүлээгүй, төсвөөс гадуур хандивийн данс нээж орлого, зардлын гүйлгээ гаргасан, хөрөнгийн орлого зарлагыг тайланд бүрэн тусгадаггүй зэрэг багагүй зөрчлүүд энэ удаагийн шалгалтаар илэрчээ.
Тухайлбал санхүүгийн шалгалтаар илэрсэн зөрчилд 11 актаар 130.142.5 мянган төгрөг, 14270 долларын акт тогтоосны 13.013.1 мянган төгрөгийг улсын төсөвт, 117.129.4 мянган төгрөг, 14270 ам.долларыг тухайн байгууллагад нь оруулахаар, дөрвөн албан шаардлагаар 803.897.1 мянган төгрөг, 8890 ам.долларыг тухайн албан байгууллагад, нийт 934.039.6 мянган төгрөг, 23160 ам.долларын төлбөр зөрчлийг илрүүлжээ.
Эх сурвалж:
Сэтгэгдэл0
Ter Byambaag endees zailuuaagui ued ene baidal arilahugui dee. Ter bol jinkhene hulgaich daa