1700 гаруй жилийн түүхтэй наран ургах зүгийн хүчирхэг гүрэн Японы үндсэний спорт сүмо бөхийн бүх цаг үеийн түүхэн дээд амжилтыг Монгол Улсын Далай даян дархан аварга Жигжигдийн Мөнхбатын отгон хүү Даваажаргал эвдэж бараг л “мөнхийн” гэж хэлж болохуйц амжилт тогтоолоо. Учир нь Япончуудын хувьд “Мөнхийн их аварга” хэмээн бурханчлан шүтдэг байсан 48 дахь их аварга Тайхогийн 1971 оны нэгдүгээр сарын башёд түрүүлэн тогтоосон 32 түрүүг 69 дэх их аварга М.Даваажаргал мөн л нэгдүгээр сарын башё дуусахаас хоёр хоногийн өмнө 13 даваагаар шинэчлэн тогтоож 33 болголоо.
Мэргэжлийн сүмогийн дээд зиндааны бүх цаг үеийн тэргүүн манлай ёстой л “мөнхийн” их амжилтын эзэн Хакухо Даваажаргалын энэхүү гайхамшигтай амжилт магадгүй 100 жил ч эвдэгдэхгүй байх боломжтой. Учир нь Япончуудын бурхан Тайхогийн 11 жилийн их хөдөлмөрийн үр дүнд тогтоосон “мөнхийн” 32 түрүүг найман жилд 33 болгон ахиулан тогтоогоод байгаа М.Даваажаргал их аварга маань энэ 2015 оны гуравдугаар сарын 11-нд 30 нас хүрэх идэр залуухан аварга билээ. Монголчууд “40 хүрсэн эр, дөрөө даах ат” хэмээдэг нь эр хүний нас, бяр 40 насанд ханадагийг илэрхийлсэн үг билээ.
Тэгвэл эр хүний ид дунд насанд хүрэхэд Хакухо Даваажаргал их аваргад дахиад 10 жилийн хугацаа байна гэсэн үг. Жилийн зургаан башёгаар тооцвол түүнд дахиад 40 башёд түрүүлэх өрсөлдөөнд зогсож байх бололцоо бий. М.Даваажаргал аварга Токио хот 2020 оны олимпийн их наадмын эрх авах үеэр “Аав минь 1964 оны Токиогийн олимпод барилдаж гурав ялаад дөрөвдүгээр тойрогт торгуулиар ялагдан долдугаар байранд орж байсан юм билээ. Тийм болохоор би 2020 оны Токиогийн олимп хүртэл барилдахыг хүсч байна” гэсэн байдаг.
Тэр болтол дахиад дор хаяж 30 башё бий. Хакухо Даваажаргал их аварга Токиогийн олимп хүртэл наад зах нь 10-15 түрүүлэх бүрэн боломжтой. Товчхондоо Токиогийн олимп эхлэх үед их аварга Хакухо дээд зиндаанд 45 түрүүлчихсэн ёстой л үлгэрийн гэмээр хойшид хэн ч эвдэх боломжгүй “мөнхийн” дээд амжилтаа тогтоочихсон байх бүрэн боломжтой. Анх 2001 оны гуравдугаар сарын башёгаас мэргэжлийн сүмод хүч үзэж эхэлсэн Хакухо Даваажаргал гурван жилийн дараа буюу 2004 оны тавдугаар сарын башёгаас дээд зиндаанд барилдаж эхэлсэн бол гуравхан жилийн дараа 2007 оны тавдугаар сарын 30-нд 22-хон насандаа мэргэжлийн сүмогийн Монголын хоёр дахь, гадаадын дөрөв дэх их аварга, ёкозүна цолтон болжээ.
Одоогоос 15 жилийн өмнө Японд хөл тавьсан М.Даваажаргал хүү мэргэжлийн сүмогийн 3-4 дэвжээнд шалгуулсан ч жин, өндөр нь хүрэхгүй гологдоод буцах гэж байхад нь Кёкүшюзан Д.Батбаяр Миягино дэвжээн дээр дагуулан очиж дэвжээнийх нь багшид хүчээр шахуу өгчихөөд явсан гэдэг. Гэтэл нөгөө гологдол нь гуравхан сарын дотор 25 кг жин нэмж, өндрөөшөө дөрвөн см өсч дэвжээний эзнийг төдийгүй дэвжээний найз, хамаг л зовлон жаргалаа хуваалцсан Рюүо Э.Санчирболдыг гайхшруулсан гэдэг.
Цолгүй шинэ залуу бөхийн хувьд ахмад бөхчүүдийнхээ хоолыг хийж, шал шавхайтай зууралдахын хажуугаар бэлтгэлээ хийж бусад цагт нь дэрэн дээр толгой тавингуут л хурхирч эхэлдэг М.Даваажаргал тэр цагаас эхлэн ёстой л үлгэрт гардаг баатар шиг цаг, өдрөөр өсч бяр тэнхээ нь жигдэрч эхэлжээ. Байнга л унтаж байдаг түүнийг зарим үед “Энэ одоо зүгээр байгаа даа” гэж Э.Санчирболд найз нь сэмээрхэн очиж чагнаж үздэг байсан гэдэг. Тэр үед 171 см өндөртэй байсан Хакухо эр өсч, эсгий сунадаг үгийг баталж өнөөдөр 193 см өндөр, 151 кг жинтэй аргагүй л энэ цагийн агуу аварга болжээ.
Өнөөдөр мэргэжлийн сүмогийн дээд зиндаанд 33 түрүүлэн түүхэн дээд амжилт тогтоохдоо 11 башёд уналгүй 15 давж түрүүлсэн амжилтаар нэгдүгээрт, долоон башёд дараалан түрүүлсэн амжилтаар бас л эхэнд нь гээд маш олон дээд амжилтыг Хакухо Даваажаргал ганцаараа эзэмшиж байна. Тэрээр хувийн дээд амжилтаа байнга ахиулахаас гадна 130 сая хүнтэй Японы уламжлалт соёл, сүмо бөх дэлхий даяар түгэн тэлгэрч бөмбөрцгийн өнцөг булангийн хүмүүс шимтэн үздэг болоход гол гавьяа байгуулсан гэдгийг заавал дурдах учиртай.
Түүний түүхэн дээд амжилтыг үзэхээр энэ сарын башёгийн 15 өдөр Токиогийн сүмогийн ордон үзэгчдээр дүүрэн байсан нь 18 жилийн дараа тохиож байгаа түүхэн үзүүлэлт ажээ. Мөн өчигдрийн хамгийн сүүлчийн барилдаан буюу Хакухо Даваажаргал, Какирюү Ананд нарын барилдаанд урьд өмнө тохиолдож байгаагүй хамгийн олон буюу 61 ширхэг бооцоо тавигдсан нь хөх Монголын хүчирхэг хөвгүүд мэргэжлийн сүмог ямархуу өрсөлдөөнтэй, үзүүштэй, сонирхолтой болгож байгаагийн хамгийн яруу тодорхой үзүүлэлт мөн.
Тэмцээний сүүлийн өдөр арлын Японд төдийгүй даян дэлхийд Монгол хүний нэр алдрыг дуурсган мандуулж яваа хүчирхэг хүүгийнхээ түүхэн амжилтын хөөр баярыг хуваалцахаар Токиод хүрэлцэн очсон Дархан аварга Ж.Мөнхбат энгэр дүүрэн одонгоо гялалзуулан суухыг харахад жинхэнэ Монгол омогшлоор цээж дүүрч байсан юм.
Монгол Улсын хөдөлмөрийн баатар, Далай даян дархан аварга Ж.Мөнхбатын отгон хүү Японы мэргэжлийн сүмогийн 69 дэх, бүх цаг үеийн хамгийн агуу аварга Хакухо Даваажаргалын даян дэлхийд Монгол Улсын нэр хүндийг өргөн мандуулж яваа их нэр хүнд, 1700 жилийн түүхтэй сүмо бөхийн ноён оргилыг өрсөлдөгчгүй ганцаараа эзэгнэж байгаа агуу их гавьяаг нь үнэлж Монгол Улсын хөдөлмөрийн баатрын алтан таван хошуугаар энгэрийг нь мялааж, хотол түмнийхээ хайр талархлыг илэрхийлэх цаг болжээ, эрхэм Ерөнхийлөгч Ц.Элбэгдорж оо. Тэрээр аргагүй л ХХI зууны их аварга, 130 сая хүнтэй их гүрнийг өмнөө толгой бөхийлгөсөн “мөнхийн” амжилтын эзэн хөх Монголын хүчирхэг хүү билээ.
Эх сурвалж:
Сэтгэгдэл0
www.amazon.cn bolon www.taobao.com www.alibaba.com internet delguurees baraa hudaldan avah huseltei humuust zuuchilna. Бид Хятадын бүх хотоос Монгол руу ачаа тээвэр хямд үнээр, түргэн шуурхай, найдвартай хийнэ. Манай компани Хятадаас бараа бүтээгдэхүүн, тоног төхөөрөмж худалдан авахад үйлдвэрлэгчтэй холбоо тогтооход зуучлах, хөрөнгө оруулагч олоход туслах, бараа бүтээгдэхүүн тоног төхөөрөмж худалдан авахад L/C үйлчилгээ үзүүлэх, Хятадад жуулчлах болон бусад шаардлагаар явахад орчуулгын үйлчилгээ үзүүлнэ. Жинчин Транс Олон Улсын Тээвэр Зуучийн Компани. Утас 98304871, 94066060 Бээжин дэх утас 86-010-84391096
ЭНЭ ИХ АМЖИЛТЫН АРД НҮСЭР ИХ ХӨДӨЛМӨР,ТЭВЧЭЭР,УХААН,ХАЛАМЖИТ ХАНЬ,ААВ,ЭЭЖ НЬ БАЙЛАА.АЙХТАР ХӨДӨЛМӨРЧ,УХААЛАГ,ДАРУУХАН ЗАЛУУ ЮМ.ДАРУУХАН,ЗӨВ БОДОЛТОЙ БАЙХАД ХҮН АМЖИЛТ ГАРГАХ НЬ ТОДОРХОЙ. ДАВААЖАРГАЛ АВАРГА ЯПОН,МОНГОЛЫН АЛЬ НЭГНИЙ ХАРЪЯАТ БАЙХ ГОЛ БИШ.ГОЛ НЬ АМЖИЛТАА АХИУЛАХ. ААТАЙ,ААГАЛЖ,ААРХАЖ БАРИЛДАЖ ДАВАХ БОЛГОНД ЧИНЬ ОМОГШИЖ,БАХАРХАЖ БАЙДАГ.ОЛОН БАШЁД ТҮРҮҮЛЖ МОНГОЛЧУУДАА БАЯРЛУУЛААРАЙ.АМЖИЛТ ХҮСЬЕ.
за битгий хийрхээд байцгаа ёопон орон ганц сумо юм уу?
ЭЗЭН ХИЧЭЭВЭЛ ЗАЯА ХИЧЭЭНЭ ГЭДЭГ ЭНЭ ДЭЭ.ДАВАГДОРЖ ДАРУУЛГАТАЙ БАЙСАН БОЛ БАС ИХ Л САЙХАН ЮМ ДУУЛГАХ БАЙСАН ДАА.
Aguu aguu baharhaj baina!
TER TAIHO GEED BGAA GAR CHIN TSEVER SAMURAI BISH ODOO ENE Hoorondoo baildaad bgaa mongoliin darlald bsan ukrain etsegtei yapon ehtei hun.
Bayar hurgei. Baharhaj bna
Сүүнд нэг дусал чернил хийхэд тэгээд л утгагүй. Япончуудыг бөхийлгөсөн гэдэг үг чинь утгагүй хийрхэл. Зүгээр л даруу хүмүүжилтэй соёлтой байлдаа. Жавхлан дэлхийн чихийг дэлдийлгэлээ ч гэх шиг солиорол огт хэрэггүй. Омогшиж бас хэрэггүй. Зүгээр л баярласнаа илэрхийлээд Даваажаргалдаа, бас Япончуудад талархал, Сүмо бөхөд амжилт ерөөх хэрэгтэй.
Augaa avarga mini uurd mandan badrag. Hurai hurai hurai.
ymr saihan ym be gaihaltai aaw eej eh oron mini iim sihan hvv turvvljee
хувилай хаан одонгоор шагнах хэрэгтэй . тэр хаан минь япон оронг зорисон боловч зорилгоо биелуулж амжаагуй билээ
Энэ хүн амжилт гаргаж байгаа нь гайхамшиг боловч түүнийг дагаад хөөрцөглөж байгаа нь гутамшиг. 45 интэр гээд амаараа донгодоход амархан боловч тэгж баридах нь маш хэцүү. Урьдчилан хэлэхэд бүр хэцүү.
Баяр хүргэж, бас амжилт хүсье. Япончуудыг бөхийлгэсэн гэх юмуу 45 түрүүлнэ ч гэх шиг элдэв хийрхэл хэрэггүй байхаа. Эзэн хичээвэл заяа хичээнэ гэдгийг санаж явбал амжилтаа ахиулах нь гарцаагүй.
Сайхан бна
bayar hugie. Ih avargadaa. Aatai avarga aavtai shu dee.Udam gej bna aa
Мөөеө аваргын хүү үнэхээр удамт бөх, сайхан аварга юм аа. Бахархаж байна. Одоо нэгмөсөн дээд амжилтийг тогтоосон дээрээ ханаж болохгүй цаашаа хэдэн жил тогтмол амжилттай барилдаж 40, 50 руу зүтгэхийг бодох хэрэгтэй. Бололцоо бол байна гэж бодож байна. Биеэ сайн бодоорой, цаашдаа улам сайн барилдаарай!
Japan bohiin avarga shyy dee. Yamar delhiin avarga bish mongold hakuhogoos chadaltai olon delhiin avarga aavin hyy baij lbaina
Setgeliin hoorloor nileed hiirhej dee ene setguulch. Mongol tuuh soeliin ulamjlaliig bohchuud tasraltgui abj irsen gedeg. Bohiin darhan abraga Monhbat guai otgon huuhdee humuujuulj chadaagui baihad hari huntei suulaa gej Mongol ahan duusee buu muultsgaa humuusee. Neg Mongol amjilt ebdee l biz, chamd nadad ymar hamaatai um ingehed. Ter hun l ooroo tsalin, sgagnalaa neg kopeik ch dutaalgui abj baibal ter hunii amidral, ah duust ni heregtei bizdee.
Монголын нэг ухаантай залуугийн бичсэн номонд "баяр" гэж юу вэ? гэдэг асуултад "Амжилт гаргасан нэгнийгээ амжилт гаргаагүй нь дагаж далдагнахыг хэлнэ" гэж бичсэн байна.энэ ер нь ортой үг шүү. Гэхдээ амжилт гаргасан нэгнийгээ тоохгүй бай гэсэн үш биш шүү.Баяр хүргэх хэрэгтэй. Далимдуулж ууж идэхийг л "далдагнах" гэж байгаа юм.
Сайн байцгаана уу? Сэтгүүлчид минь дээ, үг гээчийг хаана, юунд, хэзээ, яаж, ямраар хэрэглэх ашиглах хийгээд чухам гол нь гэвэл хэлж өгүүлэх гэсэн зүйлийн чинь хам шинжийн утгаасаа, агуулгаасаа, ухагдахуунаасаа, учраасаа, учгаасаа үүдээд энгүүн атал ижилгүй, хөлгүй, нарийн торгон явдал хэрэг гэж байх, чухам үүнийг л чавхайтал чандлан хас хаш илтгэж хэлэх нь эрхэм. "Япончуудыг бөхийлгөөд" байх нь ч хаашаа юмбэ, ... энэхүү хэл яриа чинь эндүү ташаа, хөөрөл дэврэл болчихоод эгэл нэгэн монгол гэгдэх би гээч этгээдийн бүү хэл, япончуудын эвгүйцлийг төрүүлэхээр л санагдах. Монгол хүмүүн сумод гаргасан амжилтыг үгүйсгэхгүй ч, сайхан явдал хэдий ч, аливаад жаахан ч атугай хамжааргатай байж, хэлэх ярих бичвэрлэхээ ухаанаараа, оюугаараа залж баримжаатай, цадигтай, хэмтэй, хэмжээтэй, ёстой, зүйтэй байвал яадаг юм болдоо.
сайн шүү
САЙХАН АМЖИЛТ ГАРГАЛАА. БАЯР ХҮРГЬЕ. ДАРУУХАН БАЙЖ УЛАМ ОЛОН АМЖИЛТЫГ ГАРГАХЫГ ХҮСЭН ЕРӨӨЕ. ЕР НЬ МОНГОЛЧУУД ЧИНЬ "ХИЧЭЭНЭЭ" ГЭЖ Л НАМУУХАН ХЭЛЖ ДОТРОО БОДДОГ, БУСАД НЬ ДОТРОО БАХАРХАЖ ЧИМЭЭГҮЙ ХАЙРЛАЖ, ДАРААГИЙН АМЖИЛТ ГАРГАХЫГ ХҮСЭН ЕРӨӨДӨГ АРД ТҮМЭН ШҮҮ ДЭЭ.
наадах чин япон иргэншилтэй болсон биш билүү эх орноо умартаж харь оронд элгэмссэн хүн сайхан монгол охинтой сууж Ж,МӨНХБАТ аварга шиг хүү төрүүлэх хэрэгтэй юм дааа dawaajargalaaaa