ВАШИНГТОН. /Си-Эн-Эн/. “Эхний бөмбөгийг хаях зайлшгүй нөхцөл байдал үүсэх хүртэл” Умард Солонгостой холбоотой хямралыг шийдвэрлэхийн тулд дипломат хүчин чармайлт гаргасаар байх болно гэж АНУ-ын Төрийн нарийн бичгийн дарга Рекс Тиллерсон мэдэгдсэнийг “Си-Эн-Эн” телевиз уламжилжээ.
Ням гарагт “Си-Эн-Эн” телевиз Р.Тиллерсоныг урин “Ерөнхийлөгч Дональд Трампын “Твиттер” хуудсаараа дамжуулан хийсэн тантай холбоотой мэдэгдэлд хариулт өгнө үү?” гэж асуусан байна.
Д.Трамп өнгөрсөн сард “Умард Солонгостой яриа хэлэлцээ хийх гэж цагаа дэмий үрэх хэрэггүй” гэж Р.Тиллерсонд хандан хэлсэн билээ.
Үүнтэй холбогдуулан Төрийн нарийн бичгийн дарга Р.Тиллерсон хэлэхдээ “Ерөнхийлөгч Д.Трамп Умард Солонгостой холбоотой хямралыг дипломат хүчин чармайлтаар шийдвэрлэхийг эрмэлзэж байгаа бөгөөд дайныг хүсэхгүй буйгаа надад тодорхой илэрхийлж байсан. Ерөнхийлөгчийн энэ мэдэгдэл бол зайлшгүй шаардлага гарсан тохиолдолд АНУ цэргийн ажиллагаа явуулахаас буцахгүй гэж Умард Солонгосын удирдагч Ким Жөн Унд өгсөн анхааруулга юм. Бид асуудлыг яриа хэлэлцээ хийх замаар шийдвэрлэхийн тулд хүчин чармайлт гаргасаар байх болно” гэжээ.
Г.Доржханд
Эх сурвалж: Монцамэ агентлаг
Сэтгэгдэл0
АНУ зөвхөн өөрийн эрх ашгийн төлөө дэлхийн 2 том хотыг хүн амтай нь газрын хөрснөөс арчиж хүн төрлөхтөнд айдас төрүүлж бага буурай оруудыг дээрэмдэх ажиллагааг хэрэгжүүлж бага буурай орнуудын иргэдийг олон нам гэдгээр дотор нь хагаралдуулж зэвүүцэл төрүүлэн хоёр талд зэвсэг нийлүүлж баяжсан нүгэл нь дэлхийн зөв сэтгэгчийн ухаарлыг нээж АНУ-г жигшин зэвүүцэгчид өдрөөр биш цагаар өсөн нэмэгдэж байна. гэтэл манай ойворгон дураараа дургигч АНУ-ын талыг баримлагчид улс орноо дээрэмдүүлж байхад энэ дарангуйлалыг эсэргүүцэн зогсогч солоносын цодгор хүүг эсэргүүцэж тэнэгтэх юм. АНУ-ын хүн төрлөхтөнд учруулсан болон учруулж болох гамшгийг өөрсдөд амсуулж мэдэрүүлэхийг зорьсон цодгор хүүг бахархаж талархмаар юм
Хойт Солонгос бол Америкаас илүү ардчилсан орон юм. Америк бол ерөнхийлөгчөө нохой шиг буудаж алдаг ардчилсан гэх орон шүү дээ. Америкийн ардчилалын жишээ дагаж болохгүй.
Ai yah l bol doo