Монгол Улсын Ерөнхийлөгч Х.Баттулгад Саудын Арабын Вант Улсын Эрхэм дээд хунтайж бараалхав

Нийтэлсэн: 2017-08-22 17:44:01

Монгол Улсын Ерөнхийлөгч Х.Баттулгад Саудын Арабын Вант Улсын Эрхэм дээд хунтайж Абдула бин Абдулрахман бин Абдулазиз Аль-Сауд өнөөдөр бараалхав.
 
Уулзалтын эхэнд Монгол Улсын Ерөнхийлөгч Х.Баттулга хунтайжийн эцэг өнгөрсөн долдугаар сард таалал төгссөнд эмгэнэл илэрхийлсэн юм. Эрхэм дээд хунтайж Абдула бин Абдулрахман бин Абдулазиз Аль-Сауд ийнхүү эмгэнэл илэрхийлсэнд нь хариу талархал илэрхийлээд хоёр талын харилцааг өргөжүүлэн хөгжүүлэх талаар Монгол Улсын Ерөнхийлөгч Х.Баттулга анхаарал тавьж байгаад баяртай байна гэлээ.
 
Эрхэм зочин Монгол Улсын Их Хурлын урилгаар Монгол Улсад айлчилж байгаа бөгөөд энэ хугацаанд Монгол Улсын ХХААХҮЯ, Уул уурхай, хүнд үйлдвэрийн яамдад зочилж харилцаа, хамтын ажиллагааны талаар санал солилцон ярилцсанаа уулзалтын үеэр дурдлаа.
 
Монгол Улсын Ерөнхийлөгч Х.Баттулга хоёр орны хувьд хоёулаа нүүдэлчин удамтай, мөн Монгол орны урд хэсгээр элсэн говь, цөл байдаг зэрэг ижил төстэй талууд байдгийг дурдаад, газрын баялгаа зөв зүйтэй ашиглаж, улс орноо хурдацтай хөгжүүлсэн Саудын Арабын туршлагаас судлах зүйл бийг тэмдэглэлээ.
 
Уулзалтын үеэр талууд уул уурхай, хөдөө аж ахуйн салбарт хамтран ажиллах сонирхолтой байгаа талаараа санал солилцлоо. Мөн шинэ хот байгуулах, шинэ төмөр зам тавих зэрэг том төслүүд хөрөнгө оруулагчдаа хүлээж буйг Монгол Улсын Ерөнхийлөгч Х.Баттулга дурдаж байсан юм.
 
 
СУРТАЛЧИЛГАА :

1 сэтгэгдэл харуулж байна        

  1. Saudyn Aravid 5000 orchim huntaij Al Saudyn ger buliinkhen baidag gesen biz ee, ene chuham hed dekh ni bol Gadaad yam hariu bichikh baikh

    amgalan, 2017-08-22 23:53:41, 182.160.3.105Хариу бичих

  2. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: