Үндсэн хуулийн өөрчлөлт зайлшгүй болоод түүнийг хийхээр нэгэнт шийдэв бололтой. Ийм шинэчлэлтийг шаардсаар даруй арав гаруй жил иргэний нийгмийн тэмцэл хөдөлгөөн өрнүүлсэн хүний хувьд талархууштай хэрэг мөн боловч ухан бодвол бас л талархаж чадахгүй байна.
Хийхээр завдан буй Үндсэн хуулийн өөрчлөлт нь Монгол Улсын өмнө тулгараад байгаа үндсэн өөрчлөлтийг шийдвэрлэж чадахгүй гэж санагдаж байна. Учир нь Үндсэн хуулийг шинэчлэн найруулах нөр их ажлаас залхаж хуулийн хүрээнд 34 хувьд нь нэмэлт өөрчлөлт хийнэ гэх боллоо. Үндсэн хуулийн өөрчлөлтийн асуудлыг нэг нам дангаар үнэмлэхүй олонх болсон парламент шийдвэрлэх нь нийгмийн зөвшлийг хангаж чадахгүй гэдэг нь хэнд ч тодорхой. Тэр бол нэг намын л хэрэг болно. Ийм эндэгдлээс зайлсхийж буй арга нь мөнхүү 34 хувь бололтой.
Хоёрдугаарт, дээрх алдааг нөхөх нэг арга нь "Ард нийтийн санал асуулга" мөн. Удахгүй болох Ерөнхийлөгчийн сонгуультай түүнийг хамтатгахаар яригдаж байна. Өмнөх парламентад энэ талаар идэвхтэй яриа хэлэлцээр хэд хэд өрнөсөн бөгөөд Ард нийтийн санал асуулга явуулахад асуудал тулгарсан билээ. Юуны өмнө хийх гэж гэж байгаа өөрчлөлт бүхнээ ард түмнээс асуух боломж хомс, 6 бүлэг 70 зүйл 199 заалтын 34 хувийн өөрчлөлт наад зах нь 70аад зүйл заалт өөрчлөлтийг нэг бүрчлэн ард түмнээс асуух техникийн боломж байхгүй бөгөөд ингэх нь ч утгагүй. Эсвэл "Үндсэн хуулийг өөрчлөх нь зөв үү?" гэх буюу эсвэл зөвхөн засаглалын хэлбэрийг ард олноороо шийдүүлье гэх мэт ерөнхий асуудлуудаар асуулга явуулъя гэвэл өнөөгийн бодат шаардлагыг хангаж чадахгүйд хүрэх юм. Учир нь ард олныг асуудлыг шийдэгчийн байр сууринд бус, хэлбэрийн төдий оролцогчийн байр сууринд тавих болчихоод байгаа юм. Ингэх нь мөнөөх л нийгмийн зөвшилцөл гэсэн үндсэн шаардлагаа хангаж чадахгүйд хүрнэ.
Агуулгын хувьд гол өөрчлөлтийг засаглалын хэлбэрийг өөрчлөх хүрээнд хийхээр төлөвлөжээ. Засгийн газрыг илүү тогтвортой ажиллуулах, илүү эрх мэдэл өгөх чиглэлийг баримтлах юм байна. Энэ зөв. Хийх ёстой өөрчлөлт гарцаагүй мөн. Гэхдээ... Засгийн газар олон солигдож, төр тогтворгүй байсан нь суурь асуудал байсан уу, суурь буруу тавигдсанаас үүдсэн үр дагавар байсан уу гэдгийг нягталбал өөр дүр зураг харагдана. Парламент зүгээр нэг зугаагаа гаргах гээд Засгийн газрыг сольж байсангүй, тодорхой эрх ашгаа гүйцэлдүүлэх бүлэглэлүүдийн санаархал нь ЗГ-уудыг унагааж байсан юм. Тодорхой төслүүдийг явуулах, эсвэл гацаах, үүнээс үүдэн бүлэглэл эрх ашгаа хангах, Эрдэнэтийг хувьд авах, Оюутолгойд нэмж зээл авах, Тавантолгойг өрийн барьцаанд тавих эсэх гэх мэт асуудлууд л засгийн хувь заяаг нааш цааш хөдөлгөж байсан нь нууц биш юм. Харин одоо ЗГ-ыг илүү тогтвортой болгож, Парламентын засгийг хөндөх эрхийг хязгаарласнаараа тулгамдсан энэ бэрхшээлээс ангижирч бид чадах уу гэдэгт л асуудлын гол байна. Яг өнөөдрийн тухайд бол ийм "сайхан" өөрчлөлтийг далимдуулаад нэгэнт хүчирхэгжсэн бүлэглэл засгийн эрхэнд нэгэнт бөх бат сууж авах сайхан нөхцөл бүрдэж байна.
Гэтэл нэгэнт хүчирхэгжин биежсэн энэхүү эдийн засаг-санхүүгийн хүчтэй бүлэглэлүүдийг хэрхэхийг Үндсэн хуулийн засаглалын хэлбэр шийдэж хараахан чадахгүй нь хэмээн санаа зовниж сууна. Бүлэглэлийн хоолойд углачихаад байгаа дүүжлүүрийн олс болсон гадаадад төлөх өрийг мөнөөх "тогтвортой засаглал" дураар шийдэх арга замыг шинэ Үндсэн хуулиар нэгэнт хангаж өгөх нь гэж хардаж сууна. Өнөөдрийн Монгол Улсын 22-23 тэрбум долларын өрийн ердөө 8 орчим нь л Засгийн газрын өр буюу бүх монголчуудад хамаатай өр бөгөөд үлдсэн өр нь хувийн компаниудын тавьсан өр билээ. Хэрэв бүлэглэл тодорхой эрхийг гартаа тодорхой хугацаанд бат тогтвортой олж авбал энэ өр хувь хүмүүсийн өр биш бидэнд хамаатай өр болж хувирна. Үгүйдээ л бидний амьдралыг дээрдүүлж чадах байсан ордууд тэдний өрийн төлбөрт явна гэсэн үг болно. Наад зах нь энэ бидний болгоомжлол. Хувийн компаниудын өрөнд баялаг томоохон ордуудыг зүгээр өгөөд нөгөө компани ч, улс ч дампуурах уу, эсвэл өөр зохицуулалт шаардлагатай юу? Миний бие УИХ-ын гишүүнээр ажиллаж байхдаа бидний өмнө тулгарсан энэ томоохон асуудлыг компанийн эзэд, захирлуудтай нь хамт чуулганы танхимд дундаа тавьж байгаад хэлэлцэж ярья, гарах гарц хайя, шийдвэрлэе гэдэг саналыг тавьсан юм.
Ийм компани манай аж ахуйн нэгжүүдийн гарын арван хуруунд багтах хэсэг нь болохоос бүхэлдээ ч бас биш. Бид том компаниуд эдийн засгаа чирч явдаг гэж ойлгосоор ирсэн бол өдгөө манай "томчууд" улсаа татаж унагаж байна. Энэ бол аюул. Эдэнтэй юу юугүй хариуцлага тооцож бүгдийг нь дампууруулах хувьсгалч сонголтыг эн тэргүүнд шүүрч авамгүй байгаа юм. Ийм байдлаас бидний хэн нь ч хожихгүй. Өнгөрсөн 30аад жилд "эхний мянгаа хулгайгаар олоод" томоохон хэмжээнд хүрч, одоо л нэг олон улсын тавцанд бусадтай яриа хэлэлцээр хийх чадавхи сууж байж мэдэх компаниуд, тэдний алдаж унаж, тэнцэж боссон, сургамж, наад зах нь боловсон хүчний нөөц, удирдлагын менежмент энэ бүхнийг хамт дампууруулах нь мөнөөх шүүмжлээд байгаа 27 жилийн өмнө цоо шинэ нийгэм байгуулна гээд байгаа бүхнээ нураасан алдааг давтсантай ижил болно.
Бид ихээхэн аз сорьсон, өндөр өртөгтэй том туршилтыг өнгөрсөн 27 жилд хийлээ. Ерөнхийдөө амжилт муутайхан болсон ч тэглээ гээд олсон өчүүхэн ч гэсэн амжилт байгаа бол түүнийгээ таягдан хаях хэрэггүй юм. Тиймээс энэ үзэл санааг минь том компаниудыг өмгөөлсөн мэтээр гуйвуулж дүйвүүлэх гэх хэрэггүй биз ээ. Бид аливааг дүйвүүлэхдээ гарамгай улс.
Манай олонх иргэдийн там тумхан ойлголтод олигарх гэдэг бол баян хүн, мөнгөтэй хүн гэсэн хялбарчилсан ухагдахуун баттай суусан. Баян хоосны хэтийдсэн ялгаа зааг нь нийгмийн томоохон анги давхаргыг бий болгож, бие биеэ үл ойлгох, үл ойшоох, бүр үзэн ядах, цаашилбал эдгээр ангиудын дунд тулгарал бий болоход ч бэлэн болсныг бас олж харж ихээхэн ухаалгаар, үзэл суртлын зэвсгийг зөвөөр ашиглаж "аврах ажиллагаа" явуулах шаардлагатай гэж харж байна.
Энэ бүхэнтэй уялдуулан компани бүрийн тулгарсан асуудлыг нямбайлан авч хэлэлцэх шаардлагатай. Уул уурхайн бүтээгдэхүүний экспортын удирдлагыг төвлөрүүлэн зангидах, түүхий эд нийлүүлэгч улс орныхоо засгийн газартай төрийн түвшинд урт хугацааны тогтвортой гэрээ хэлэлцээр хийх, зарим том төслүүдийг хамтран хэрэгжүүлэх замаар зарим асуудлыг төр өөр дээрээ татан авч шийдвэрлэх ч бололцоотой. Дотооддоо компаниудтайгаа хатуу чанд хуваарь бүхий гэрээ байгуулж, татварын хөнгөлөлт, чөлөөлөлт үзүүлэхийн хамт санхүү-мөнгөний хамтарсан удирдлагыг хэсэг хугацаанд хэрэгжүүлэх буюу ерөөс төрийн өмчит хамтарсан компани болгон шинээр зохион байгуулж болно гэж боддог. Ийм байдлаар ойлголцол-хэлэлцээр-зөвшлийн замаар хүндрэлээс гарах боломж байх ёстой гэж харж байна. Гагцхүү хүндрэлээс гарах энэ бүх хугацаанд түүний удирдлагыг хэрэгжүүлэх баг тогтвортой, дотоодын элдвийн "дайн"-д татагдан орох, "эрсдэх" байдлаас ангид байж үүнийг хийх бололцоотой болно.
Холион бантан, жонхуу болсон энэ байдлыг зөвхөн айдас хүйдсээр яаран даван туулахгүй. Үүнийгээ яаж ийгээд маш хурдан өөрсдөө л цэгцлээдхэе гэсэн айдас балмагдлаар биш, түүнд орооцолдсон, гардан хийлцсэн хүмүүсийн сандрал, сүйтгэлээр биш илүү ухаалгаар, залуу үедээ итгэж хамтран шийдвэрлэх ёстой юм. Залуу үедээ ачаа үүрүүлэх, тэдэнтэйгээ хамт шийдвэрлэх явцдаа тулгамдсан асуудлынг ойлгуулах, алдаа эндэгдэл, ололт амжилтыг олж харах, ийм хүндрэлээс хамтран гарч чадвал дараа үеийнхэндээ улс орны ирээдүйг даатгаж орхиход ч сэтгэл амар байх биш үү.
Тиймээс энэ бүхнийг гүйцэлдүүүлэхийн тулд л Үндсэн хууль НИЙГМИЙН ЗӨВШИЛЦӨЛ байх учиртай юм. Нийгмээрээ зөвшөөгүй, зөвшилдсөн мэт дүр үзүүлсэн өөрчлөлт дотоодын байдлыг цэгцлэхгүй, харин ч улам үймрээнт байдал руу түлхэнэ. Тэгж дүр үзүүлж өөрсдийгөө хуурах шаардлага ч үгүй юм. Хэдий зовлонтой ч процессийг гүйцэлдүүлэх, оролцоог хангах нь хамгийн чухал. Энэ бол том ачаа. Үүнийг үүрэхээс залхах хэрэггүй ээ. Гагцхүү нийгмийн зөвшлийг хангаж чадсан тохиолдолд л дараагийн Үндсэн хууль ямраар ч батлагдсан хэсэг хугацаанд бат тогтвортой үйлчлэх бололцоог хангах суурь үндэс нь юм.
Тэгвэл Үндсэн хуулийг өөрчлөх үйл явц ямар байдалтай байж болох вэ гэдэг асуулт гарч ирнэ. Энэ удаадаа агуулгыг түр орхиод ямар арга замаар нийгмийн зөвшлийг хангаж болох талаар саналаа хуваалцая.
Ийм санал байна. Их хурал тарах гэх мэт нийгмийн огцом хувиралгүйгээр 2020 оны сонгууль хүртэл бэлтгэл хийх хэрэгтэй. 2020 онд АИХ байгуулах сонгууль явуулъя.
Харин АИХ-ын гишүүнийг сонгох сонгуульд улстөрийн нам, улстөрийн хөдөлгөөн, төрийн бус байгууллагууд, хувь хүн, хэн ч нэрээ дэвшүүлэх эрхтэй байг. Тэд хот хөдөөгийн хүн амын төлөөллийг харгалзан квот тогтоосон хэмжээгээр оршин суудаг сум, дүүрэг, хорооноосоо нэр дэвшиж өрсөлдөх болно. Хүн амын тоонд харгалзан нэг суманд, нэг хороонд хэдэн гишүүн оногдож байна, тэр мандатаар Үндсэн хууль батлах Их хурлын гишүүн сонгогдох юм. 1992 оны Үндсэн хуулийг 430 гаруй депутат баталсан. Өдгөө хүн амын өсөлтийг тэр үеийнхтэй харьцуулан тооцоод багадаа 500- 600 гишүүний оролцоотой шинэ Үндсэн хуулийг баталъя. УБ хотын 180 орчим хорооны хороо тус бүр нэг гишүүн сонгож болно. 330 сум мөн төдий тоотой гишүүн сум тус бүрээсээ сонгох болно. Санал хураалт зөвхөн нэг хороо, сум гэсэн жижиг нэгжийн хүрээнд явагдах тул саналыг илээр, гараар тоолно. Жилийн хугацаанд Үндсэн хуулийг шинэчлэн батлахаар сум, хороо бүрээсээ томилогдсон эдгээр гишүүдээс бүрдсэн АИХ дотроосоо Түр засгийн газар байгуулан ирэх жилийн төсвийг баталж өгөөд үүнээс цааш зөвхөн шинэ Үндсэн Хуулийн хэлэлцүүлгийг хийх юм.
Энэ Засгийн газар Шинэ Үндсэн хууль батлагдах хүртэл улс орны өдөр тутмын үйл ажиллагааг эрхлэн явуулна. Энэ бол шилжилтийн үеийн ТҮР ЗАСГИЙН ГАЗАР байх бөгөөд Шинэ ҮХ батлагдах хүртэл тэд батлагдсан төсвийн хэмжээнд зохицуулалт, хуваарилалт хийхээс өөр том хөдөлгөөн хийхгүй. Тэр байтугай төрийн мэргэшсэн албан хаагчдыг халах солих эрхгүйгээр ажиллах ёстой.
2020 онд АИХын сонгуулийг зохион байгуулахад шаардлагатай хуулиудыг боловсруулж батлах, улмаар АИХ-ын ажиллах дотоод зохион байгуулалт, нарийн дэг зэрэг шаардлагатай хууль тогтоолуудыг 2020 он хүртэлх хугацаанд эмхэлж боловсруулсан байвал зохино. Энэхүү бэлтгэлийг хангасан байх байнгын ажлын хэсгийг одоо улстөрийн намууд зөвшилцөн зохион байгуулах хэрэгтэй байна. Тэрхүү ажлын хэсэг сонгууль зохион байгуулах дэг журам, эмх цэгцийг тогтоосон хууль, тогтоол, шийдвэрийн төслүүдийг бэлтгэн боловсруулж, 2020 оны сонгуулиас өмнө УИХ-д танилцуулан, хэлэлцүүлж батлуулах ажлыг хийх үүрэгтэй түр ажлын хэсэг байх болно.
Түр ЗГ улс орны өдөр тутмын үйл ажиллагааг эмхлэн явуулж, шинээр бүрдсэн АИХ нэг жилийн дотор шинэ Үндсэн хуулийг хэлэлцэж батална. Үндсэн хуулийн хүрээнд харьцангуй тогтвортой үйлчлах Улстөрийн намын тухай болон Сонгуулийн тухай хуулийг энэхүү их хурал батална. Шинэ Улстөрийн намын тухай хууль батлагдмагц бүх намуудыг татан буулгаж шинээр бүртгэх ажлыг нэн даруй хийх шаардлагатай болно.
Шинэ Үндсэн хуулийн дагуу, шинээр дахин хуваарилалтад орсон улстөрийн намууд шинэ сонгуулийн хуулиар төр засгийг шинээр эмхлэн зохион байгуулах шаардлагатай болно. 2021 оны сонгууль энэ зохион байгуулалтыг хийх сонгууль болог. Сонгуулиуд өмнө л болдог хугацаандаа болно. Дунд нь хийдэл, завсардал, үймээн бужигнаан байхгүй, тайван байдлаар системээ өөрчлөх ийм аргачлал, хувилбарыг санал болгож байна.
Үндсэн хуулийн үндсэн асуудлуудаар өөрийн болон, намын нөхөдтэйгээ хамтран хэлэлцсэн саналуудаа цувралаар нийтлэх болно
ТТЭНН-ын дарга Гантөмөрийн УЯНГА
Сэтгэгдэл0
МАНАН үүсээд байгаа учир шалтгаан, олигархи гэдэг хэн болохыг сайн ойлгохоор хэлжээ.Мэдээлэлд ойр хүний үгийг бас сонсож байх хэрэгтэй юм. Тэгээд өөрөө сэтгэдэг ойлгодог толгойтой бол дүгнэлт хийгээрэй!
Наад нам чинь чамайг даргаасаа огцруулсан биз дээ. Гэхдээ Уянгын ярьж байгаа үнэн. Харамсалтай нь АН, МАН, МАХН бол энэ хүүхэнд байтугай ард түмэнд дийлдэхгүй хар мангас шүү дээ.
Өөхөнд ороовч нохой тоож шиншлэхгүй дээ..
Маш том бүлэглэл ч гэх юм уу бүлгийн "үүрийг" бут авлаа даа.Жэнко Алтхуяг нямдорж нарын мөнгөөр ажиллдаг уянга,нөхөр нь,судлаач нар сонгууль ойртуулж байгаад Жавхланг татаж элсүүлэн намынхаа нэрээр тагнуулч нямка эсвэл бусад нь ерөнхийлөгчд дэвших гэж байсаныг зогсоож чадлаа. дээрх гурав намаасаа дэвшиж чадахгүй тул уянгын намыг ашиглах гэж байжээ.Манай томчуудын "зодоон" айхтар юмаа.Уянгын жирэмсэн нтр бол худлаа,нөхөр нь баахан пааник үүсгэж байсан,судлаач нь "түргэн" авч бичвэр сэлтээ гаргаж байсан зэрэг нь зохион байгууллтай халхавч төдий жүжиг л байж. Уянгаа угаасаа худалч,утсаа алдсан зэргээ 3-4 янзаар намаржин өвөлжин хаваржин яриа биз дээ. 9 долоо хоног буюу 2 сартай жирэмсэн гэдэг нь үлгэр ажээ.Дээрх мөнгөтэй хамсаатнуудаараа ямар л бол ямар ч эмчийн бичиг хийлгэнэ. Үнэгэн зальт авгай жирэмсн нтр гэж эмэгтэй хүнийхээ давуу байдлыг ч ашиглаж. Мөнгөний хүүхэнд зөвхөн мөнгө л зүүдлэгдэнэ. Ер нь ажаад байхад энэ судлаач гэх шизо 2 намынхныг муулж бичдэг атлаа дээрх гурвыг шүүмжилдэггүй харин ч тусгайлан магтаж бичээд байдаг нь илт байдаг.Юм хийдэг болхоор нь, нийгмээ өөрчлөх гэдэг болхоор нь ерөнхийлөгчийг газар дор ортол нь гоочилж,боорлон дайрдаг.Нямка алтанхуяг хоёр урд хөрштэй лаг,юун сайндаа л тагнуул гэгдээд явах вэ дээ ЭНЭ ҮНЭН БАЙХ
УЯНГА ГАНХУЯГ ХОЁР ГЭЖ ТААРЧИХСАН ХОЁР НӨХӨР УЛС ТӨРЧ ЮМ БИЗДЭЭ ХА ХА ХА ӨНГӨРСӨН СОНГУУЛИАР МАХН- ЭВСЭЭД МАНАН ГЭЭД БАЙГАА НӨХДИЙНХӨӨ ЭСРЭГ ТЭМЦЭХГҮЙ ЯАСАН ЮМ БЭЭ АШИГЛАСАН НӨГӨӨ ЮУ ШИГ БОЛЖ ХОЦОРЧИХООД УРД НЬ ЭНХБАЯРЫН ХҮЧИНД 4 ЖИЛ СУУСНАА БИТГИЙ ИХ ЮМАН САНА ДАА
Хөөрхий дөө, саяхан намаа булаалгаад үрээ алдаад, нялх биетэй мөртлөө бас ийм юм сэтгээд бичээд л сууж байдаг. Дэндүү хайрламаар бүсгүй юм даа, чи. Уянгаа шиг нэг эр ч гэсэн байдаг болоосой. Санаагаар болдогсон бол Ерөнхийлөгч болгочихдог ч болоосой доо
ва ха ха еёоо ёоо
болно
Another flip flop, darling Uangaa? I thought you are nearly on death-bed according to yr sayings. Mind dear, the Mongolian Constitution is too above of yr head. So you have to be screwed n scrapped right now otherwise things would get a whole lot worse and even a whole lot quicker when it is not an easy time of period. You lost yr political position.I still do doubt, was it a "de jure" thing or "de facto" thing while the entire mongolian people have lost faith in our political status quo at large. I admit oftentimes that you are a Bona Fide lier,spoils people's aspirations, holds fierce "anti-everything" position, throws a dirty bonanza of blusters along with zero credibility capacity. Just chill. Get prepared to kick a can or too down the road passing yr farts.
90 онд л ХУ намыг татан буулгасан бол өдийд хамаагүй дээр байх байсан. Даан ч түүхэнд хэрвээ гэж байхгүй нь харамсалтай. Одоо ч оройтоогүй л байна. Энэ улсыг дампууралд хөтөлсөн хариуцлага бол яах аргагүй энэ 2 нам л хариуцлага үүрэх ёстой.
энэ нээрээ мундаг хүүхэн шүү. Энэ цагийн Мандхай л юм даа.
ваа ха ха ёоо ёоо
Ер нь бол монгол улсын ийм мянга мянган иргэдийн санал бол байгаа ТҮгжил юунаас дутахав өлсөөд байгаа бололтой дог. Эсгий хийх газар нохой Уянга хэрэггүй ээ гэж. Монгол улс чамаар дутах биш үнэндээ тоож харахгүй дээ. Түгжил минь
Эсгий хийх газар нохой Уянга хэрэггүй ээ гэж...
Уянгын саналтай санал нэг байна. Гэхдээ энэ санал нэг их явахгүй байхаа. УЧИР НЬ Одоогийн эрх мэдлээ энэ дээдэсүүд алдахгүйн тулд зүсэн бүрийн муу зүйлээ янз бүрийн шугмаар явуулах ба гадаад нар нь ч эдэнд сайн туслах байхдаа.Ард түмний дунд зөв ухуулга сайн хийх хэрэгтэй л байхдаа.Үүнд л хүч гаргах хэрэгтэй байна даа.
Үндсэн хуудийн хэлэлцүүлэг болоод эхэлцэн юм бишүү өнөөдөр ховдоос 20-иод хүн ирсэн санамсаргүй түүврийн аргаар сонгогдсон гэсэн миний танил ах сонгогдсон гээд ирлээ
Үндсэн хууль өөрчлөх нь Уянгаад арай томдсон яриа. Хэдэн жилийн өмнөөс ийм том юм ярьсаар одоо дуусаж байна. Үйлийн үр гэдэг энэ.
dald or ooo
НАМГҮЙ БОЛСОН БИЗ ДЭЭ. ӨЧИГДӨР ҮХЛЭЭ ГЭЭД БИЗ ДЭЭ
Ул бутэх л юм ярих юм даа АН сонгууульд ялаад оорийнхоо хуссэгээр Ундсэн хуульд. Оорчлолт хийнэ гэж тооцоолж байв Тэр нь бутэлгуй болсон Харин МАН одоо оорийнхоо хуссэнээр хийх гэж байна Нийгэм хэруул тэмцэлтэй зовшилцож чадахгуй байгаа уед оорчлолт хийж болохгуй ээ Эмх замбараагуй байдал л ууснэ Одоо оорчлолт хийхийг татгалзаж байна гэж хариулах л улдэж байна Еронхий сайд засгийн газрын эрх мэдэл дутаад байгаа юм байхгуй ээ Хувь хунээс л шалтгаалж байгаа юм
Mash zuv sanal
үндсэн хуульд оруулах өөрчлөлтийг ерөнхийлөгчийн сонгууль хийсний дараа уужуу тайван хийе. эхлээд эдийн засгийн алуурч бүлэглэл мафийн толгойлогч элбэгдоржоос салаад авья. Энхболд, элбэгдорж нар иргэдийн тархийг угаах гэж зөвлөлдөх уулзалт нэртэй тойрон хүрээлэгчдийнхээ хүрээнд явуулж байгаа жүжиг.
Parlament hoer tanhimtai bolchihvol tanhimaa olonhooroo omoorno
УХ- ийн ОоРЧИЛОЛТИЙГ еронхийлогчийн СОНягУУЛЬТАЙ давхцуулан хийхгэж байгаа нь торийн эргэлтийн шинжтэй ТОМ АЮУЛ ! Ер нь суулийун уед ЭгЗЭГТЭЙ шийдэлуудийг баяр еслол , нийтийг хамарсан арга хэмжээнуудийн АР ХУДАРГААР амжуулж гаршаад байгаа ...
Таныг би Монгол улсын иргэн байх гэж итгээд энэхүү тайлбарыг бичиж сууна. Бүгдээрээ эргэн тойрноо нэг анхааралтай харъя. Танд юу ажиглагдаж байна. Надад бол түмэн олныхоо төлөө нэгэн үзүүрт сэтгэлээр(2 үзүүртэй биш шүү) тэмцэж байгаа хүмүүс тунч цөөхөн чамлалтай харагдаж байна. Эрх барьж байгаа бульхайтай баячуудын нууцыг дэлгэх гэсэн, гадныхны луйварыг илрүүлж олон түмэнд зарлах гэж чадан ядан зүтгэсэн бүх хүмүүс нэг бол алуулж, нэг бол хорт хавдар, онош нь тодрохгүй өвчнөөр цагаасаа өмнө хорвоог орхиж цогтой эх орончид улам бүр цөөрч өдрийн цалин, хоногийн хоолныхоо төлөө зүтгэхээс хэтрэхгүй мань мэт нь Уянга үнэн зүйл хэлж байна, Ганбаатар хөдөлшгүй баримт дэлгэж байна. Ашгүйдээ эд нар хол явахгүй ч гэсэн бидэнд мэдээлэл ядахдаа өгч байна. Амьдрал цаашдаа эрхбиш сайжрах боловуу гэж мангартан дүйнгэтсээр 27 жил өнгөрч. Жирийн хүмүүсийн амьдрал улам бүр дордож байгаа нь бодитой үнэн гэдэгтэй хэнч маргахгүй. Бараа бүтээгдэхүүний үнэ өдөр ирэх тусам нэмэгдэж төгрөгний ханш гэрлийн хурдаар унаж байхад ямар тэнэг нь амьдрал сайн байна гэж илбэ жилбийн худлаа хоосон зүйл яриад тархи угаагаад байгаа юм бэ? Эрчүүд нь улс орноо удирдаж чадахгүй байна шүүдээ. Урьд хамаг алтаа Лондонд хүргүүлсэн, банкуудыг зориуд дампууруулж мөнгийг нь залилж баяжсан, 20-р тогтоолыг асар их зээл аваад зориуд санаачилсан, Оюу толгойн хохиролтой гэрээг үзэглэсэн, бондын мөнгийг эргээд хэзээч төлөгдөхгүй нөхцөлөөр буруу зүйлд зарцуулж хувиа бодож мөнгө угаасан, төсвөөс асар их мөнгө гаргуулж чанаргүй зам барьж мөнгө луйвардсан, зөвхөн нам бүлэглэл болон хар амиа хоохойлсон монголын дайснуудтай хэн нь хариуцлага тооцох болж байна вэ? Бид олигархуудын туршилтын цагаан хулгана болж бүрэн дуусч байна. Тэмцэх гэсэн Уянга, Ганбаатар, олонд учир шалтгааныг нь углуургаар нь тайлбарлахыг хичээсэн Ганхуяг нарыг дайсан мэт үзэж бүгдээрээ даапаалж хөгийн юм ярьж тэнэгтэхээ хэзээ болих юм бэ? Дэндүү харамсалтай тэнэг, гэнэн байнадаа.
Үнэн, даанч ингэж хардаг хүн цөөхөн байна.
Niislel hotgui bol peodal gesen ug yag uuntei ijil ardiin zasag mal shig ardaa omoorno
Дээр ямар нийслэл гээд байгаа тэнэг хүн хаанаас гараад ирвээ?
Ard tumnii zasgiig ard tumen baiguulna gej baihgui chadah ch ugui
Гайхах гаслах хэрэггүй ээ. Эх орноо гэсэн эх хүн л санаа бодлоо бичсэн байна. Хүн бүхэн мэдэмхийрэх бус хүчин зүтгэх хэрэгтэй бус уу.