sonin.mn
Сэтгэгдэл (0)
"Гацуурт" компаний захирал Л.Чинбатыг Монгол Улсын Ерөнхийлөгчийн 2017 оны сонгуульд нэр дэвших санаатай байгаа тухай өнгөрсөн оны сүүлээр нэгэн эрхэм өөрийн сошиал сүлжээнд бичсэн юм.
 
Хүмүүс өөрийн сошиал сүлжээндээ янз бүрийн л юм бичиж байдаг, энэ нь нэг их ач холбогдолтой асуудал биш. Харин "Л.Чинбат Монгол Улсын Ерөнхийлөгчийн 2017 оны сонгуульд нэр дэвших санаатай байгаа" гэж бичсэн хүн МАН-ын удирдлагуудад улс төрийн тактик, пиарын зөвлөгөө өгдөг, маш ойрынх нь хүн байсан нь л сонирхолтой татаж байсан юм. Тэгвэл энэ яриа намжих нь бүү хэл улам хүчтэй улс төрийн орчинд яригдах болжээ. АН-ын даргын сунгааны уулзалтуудын үеэр гэхэд л  Ерөнхийлөгч Ц.Элбэгдорж  Л.Чинбатыг АН-аас Ерөнхийлөгчийн сонгуульд нэр дэвшүүлэхээр тохирсон юм гэнэ лээ гэж намынх нь гишүүд олонтаа ярилцаж буй аж.  Судлаач Д.Ганхуяг ч өөрийн бичсэн "Сунасаар сунасаар.." нэртэй өгүүлэлдээ: 
 
 “Олон улсын гэрээний тухай” хуулийн өөрчлөлтийг дэмжсэн ба эсэргүүцсэн жагсаалтыг ажиглавал хэн нь хэнийхээ талд байгааг харж болно. Ц.Нямдорж уу ? Хэрэв “М.Энхболд чанга унахаас айвал би дэвшинэ” гэсэн бодолтой л байгаа.
Харин үүний хариуд Ц.Элбэгдоржоос “Утаатай тэмцэх” ажлыг өргөн хүрээтэй эхлүүлсэн ба гудамжны дарамт шахалт МАН-ыг айлгаж, ичээв. Ингэхдээ АН-ын дарга миний хүн болбол өөрийг чинь Ерөнхийлөгчид дэвшүүлнэ гэсэн амлалтанд хөтлөгдөж яваа “Гацуурт”-ын Чинбатыг хошгоруулж, “Монгол HD” телевизтэй хамтарчаад, “Лхагваа Лхагваа…” гэж дуудсаар хамаг булхайгаа илчилж орхилоо. Харин ийм доромжлолыг М.Энхболд хэдий болтол тэсэх нь тодорхойгүй.." гэжээ.
 
Л.Чинбат нь 1962 оны 12-р сарын 16-нд Говь-Алтай аймгийн Бигэр суманд малчин ард Лхагвын 15 хүүхдийн тавдахь нь болон мэндэлсэн бөгөөд геологич мэргэжилтэй, ерээд оноос хойш тасралтгүй бизнес эрхэлж буй нэгэн юм.
 
П.Энхмандах