sonin.mn
Сэтгэгдэл (0)
БИШКЕК. /TASS/. Киргизстаны нийслэл Бишкек хот дахь БНХАУ-ын ЭСЯ-ны хашааны үүдэнд дэлбэрэлт болсны улмаас нэг хүн амь үрэгдлээ гэж Киргизстаны ЭМЯ мэдэгдлээ.
 
Харин хууль сахиулах байгууллагын албаны хүмүүсийн мэдэгдсэнээр, орон нутгийн цагаар өглөөний 10:00 цагийн үед "Мицүбиши" автомашин унасан үл таних нэгэн этгээд Бишкек хот дахь Хятад улсын ЭСЯ-ны байр руу автомашинтайгаа дайран орохыг оролдож, хашааны хаалгыг мөргөсний дараа дэлбэрэлт болжээ. Дэлбэрэлтийн чимээ Бишкек хотын бүх дүүрэгт сонсогдсон байна.
 
“Автомашинтай этгээд газар дээрээ нас барсан. ЭСЯ-ны хашааны хаалгыг мөргөсний улмаас автомашин дэлбэрсэн” гэж цагдаа нар мэдэгдлээ.
Урьдчилсан мэдээгээр, ЭСЯ-ны хоёр ажилтан шархаджээ.
 
Г.Доржханд
Эх сурвалж:“Монцамэ” агентлаг