ПЁНЬЯН. /Kyodo/. “БНАСАУ өнөө өглөө баллистик байх магадлалтай хоёр пуужин харвалаа. Тэдгээрийг Японы эдийн засгийн онцгой бүсийн гадна далайд унасан хэмээн үзэж байна” гэж Японы Засгийн газар мэдэгдэв.
МОСКВА. /Anadolu/. ОХУ хөрш Беларусь улсад тактикийн цөмийн зэвсгийн тусгай агуулахаа барьж дуусгана гэж ОХУ-ын Ерөнхийлөгч Владимир Путин мэдэгджээ.
ЛОНДОН. /Reuters/. Английн банк бодлогын хүүгээ 25 суурь нэгжээр өсгөснөөр 2021 оны 12 дугаар сараас хойш 11 дэх удаагаа дараалан хүүгээ өсгөлөө.
МОНАКО. /BBC/. Олон улсын хөнгөн атлетикийн холбоо /IAAF/ трансжендер эмэгтэйчүүдийг олон улсын тэмцээнд оролцохыг хориглохоор болжээ.
ТОКИО. /TASS/. БНАСАУ гуравдугаар сарын 21-23-ны хооронд дэлбэрснийнх нь дараа "асар хүчтэй цацраг идэвхт цунами" үүсэж болзошгүй цөмийн цэнэгт хошуу тээх чадалтай шумбагч дрон туршлаа гэж тус улсын “Солонгосын дуу хоолой” радио мэдээлжээ.
ВАШИНГТОН. /RT/. АНУ-ын тэргүүлж буй терроризмтой тэмцэх олон улсын эвслийн бааз руу Иран нисгэгчгүй онгоцоор дайрсны хариуд тус улсын Зэвсэгт хүчний элит анги нэгтгэл болох Лалын хувьсгалыг хамгаалагчдын корпусын Сири дэх байгууламжуудад агаараас цохилт өглөө гэж Пентагоны хэвлэлийн алба мэдээлэв.
ТОКИО. /Kyodo/. Японы Гадаад хэргийн сайд Хаяши Ёшимаса, БНСУ-ын Үндэстнээ нэгтгэх яамны сайд Квон Ён Се нар БНАСАУ-аас учрах пуужингийн болон цөмийн аюул заналтай тэмцэхэд нягт хамтран ажиллахаар тохиролцов.
ПАРИС. /RT/. Францад тэтгэврийн шинэчлэлийг эсэргүүцсэн жагсаал пүрэв гарагт дахин болж, нэг сая гаруй хүн оролцлоо гэж "Monde" сонин тус улсын Дотоод хэргийн яамнаас эш татан мэдээлэв.
САЙТАМА. /TASS/. Японы уран гулгагч Рикү Миүра, Рюичи Кихара нар Уран гулгалтын дэлхийн аварга шалгаруулах тэмцээний спортын хосын төрөлд түрүүллээ.
БЭЭЖИН. /Reuters/. Хятадын нийслэл Бээжин хотод 2022 онд нас баралтын түвшин төрөлтийн түвшнээс давснаар хүн амын ердийн өсөлт 2003 оноос хойш анх удаагаа буурсан үзүүлэлттэй гарчээ.
БЕРЛИН. /DW/. Европын хамгийн том эдийн засаг болох Германы эдийн засгийн богино хугацааны төлөв сүүлийн саруудад сайжирсныг тус улсын Эдийн засгийн шинжээчдийн зөвлөлийн лхагва гарагт танилцуулсан тайлан харууллаа.
ВАШИНГТОН. /The Information/. Саудын Араб, Арабын Нэгдсэн Эмирт Улс /АНЭУ/ Америкийн тэрбумтан, бизнес эрхлэгч Илон Маскийн “SpaceX” хувийн компанид хөрөнгө оруулахаар төлөвлөж байна гэж “The information” мэдээллийн цахим хуудас эх сурвалжуудаас эш татан мэдээлжээ.
ЖЕНЕВ. /TASS/. Холер буюу булчин задрах тахал дэлхий даяар цаашид тархах эрсдэл маш их байгааг Дэлхийн эрүүл мэндийн байгууллага /ДЭМБ/ анхаарууллаа.
ПАРИС. /France24/. Францад маргаан дагуулаад байгаа тэтгэврийн шинэчлэл нь хүн ам зүйн байдал өөрчлөгдөж байгаа нөхцөлд тэтгэврийн тогтолцоог ойрын жилүүдэд тэнцвэржүүлэхэд "шаардлагатай" гэж Ерөнхийлөгч Эмманюэль Макрон мэдэгдлээ.
АНКАРА. /Anadolu/. Туркийн Ерөнхийлөгч Режеп Тайип Эрдоган Хар тэнгисээр үр тариа тээвэрлэх гэрээний талаар ОХУ-ын төрийн тэргүүн Владимир Путинтэй ойрын өдрүүдэд утсаар ярина гэдгээ лхагва гарагт мэдэгдлээ.