Олон улсын олимпын хорооны Ерөнхийлөгч Томас Бах Германы “Welt am Sonntag” сонинд ярилцлага өгчээ. Энэ үеэрээ тэрээр тамирчид өвлийн олимпод оролцох эрх авахын төлөөх тэмцээнд оролцох үеэсээ л коронавирусийн халдварын нөхцөл байдалд уралдаан тэмцээнд хэрхэн оролцох вэ? гэдэгт хэдийн зохицсон гэжээ.
Тодруулбал Томас Бах: "Тамирчин, дасгалжуулагчид уралдаан тэмцээн дуусах хүртэл хаалттай бүсээс гарч болохгүй, "Ковид-19"-ыг шалгах систем чухал нөлөө үзүүлэх болно. Тухайн хүний шинжилгээ эерэг гарсан тохиолдолд дахин шинжилгээ өгнө. Үүний зэрэгцээ ойрын хавьтал болсон тамирчид дахин шинжилгээ өгснийхөө дараа л тэмцээнээ үргэлжлүүлнэ. Оролцогч бүхэн олимпын гэр бүлийн өмнө хариуцлага хүлээх хэрэгтэй. Одоогийн байдлаар өвлийн олимпын бойкотлоно гэж хэлсэн тамирчин нэг ч байхгүй. Хэрэв тамирчид өвлийн олимпод оролцохгүй гэж шийдвэл тухайн хувь хүний л сонголт. Үүнд би сэтгэл зовохгүй байна. Би тамирчид бүх хүчээ дайчлан олимпод бэлтгэж байхыг харсан. Тэд өвлийн олимпд орох эрх авах тэмцээний үеэс л халдварын байдалд хэрхэн уралдаан тэмцээнд оролцохоо мэдчихсэн. Энэ нь хэдийгээр тав тухгүй боловч халдварын байдалд эдгээр арга хэмжээг заавал авах ёстой гэдгийг тэд ойлгосон" гэсэн байна.
Г.Бямба
Сэтгэгдэл0
Байнга хамраа ухуулаад хаалттай байранд дэглүүлж тэмцээнд орно гэдэг нь аргагүй хятад олимп юм ! Хохь чинь яах гэж хятадад хийсэн юм ! Хаятадын хоригдсон хотын иргэд энэ олимпийг дотроо их үзэн ядаж байгаа нь тодорхой
тамирчид бойкотлоно гэх шиг огт санаанд ороогүй юмыг сануулаад бдаг тэнэг өвгөн бэ?