Улаанбаатар /МОНЦАМЭ/. АНУ-ын Юта мужийн Солт Лэйк хотноо Олон улсын тэшүүрийн холбооны /ISU/ Дэлхийн цомын аварга шалгаруулах тэмцээний энэ улирлын 3 дахь гараа энэ сарын 3-5-нд болж өндөрлөв.
"Бээжин -2022" өвлийн олимпын эрхийн оноо олгох энэхүү тэмцээнд 36 орны эрэгтэй 187, эмэгтэй 127 тэшүүрчин хурдаа сорьсон бөгөөд Монголоос 2 тамирчин өрсөлдлөө. Эрэгтэй бөөн гараанд Ялалтын Зоригтбаатар масс гарааны 2 дахь хагас шигшээд уралдаж 7:07.490 амжилтаар /17 оноо/ 24 дүгээрт /25/ бичигдэв. Дэлхийн цомын гурван гараанаас 2 гараанд уралдаж нийлбэр оноогоор 34 оноотой 53 тамирчнаас 44 дүгээрт бичигдэж байна.
Эмэгтэй бөөн гараанд Алтан-очирын Зул 7:29.560 амжилтаар хагас шигшээ хэсэгтээ 19 /21/ дүгээр байрт бичигдэж, 22 оноо авлаа. Дэлхийн цомын нийлбэр дүнгээр А.Зул 46 оноотой 41 тамирчнаас 33 дугаарт эрэмбэлэгдэв.
"Монголын энэ 2 тэшүүрчин Канадын Калгарид болох Дэлхийн цомын АШТ-ий 4 дэх гараанд оролцохоор "Агч модны орныг" зорилоо" гэж АНУ-аас спортын сэтгүүлч Ц.Энхтүвшин /Таван цагариг/ мэдээллээ.
Д.Өлзийсайхан
Эх сурвалж: Монцамэ агентлаг
Сэтгэгдэл0
Tesyyreer bl yabahgyi ee!!syyleesee heded be?geh baih syy!!!yahab yraldaan temzeen yzej yabah ni zeb!!!amjilt hysye!
Manaihan ene bid nar chadahgui, yavahgui, amjilt olohgui ugaasaa barahgui geh met setgehguigee dan sport deer bish bvhii l zuil deer or undeseer n oorchlohgui bol ch hol yavahgui dee.
Ганц морьт уралдаан гэдэг шиг, цөөн хэдэн монголчууд маань мөн ч тэмцээнд орох юм даа. Ямар ч хэрэгтэй?
Цана, тэшүүрээр дэлхийд байр эзэлнэ гэж байхгүй гэдгийг залуучууд маань мэддэг бололтой. Энэ төрлөөр манайд ямар ч уламжлал байхгүй нь шууд илэрдэг юм.Монгол хүний нуруу намхан, чац богино.