Мягмар - 04 сарын 16,
2024
Бээжингийн 2022 оны өвлийн олимп ойртож байна. Өвлийн олимпын 24-р наадмын бүх төрлийн бэлтгэл ч ажил хурдан шуурхай, үр дүнтэй хийгдэж буй ажээ. Тодруулбал “Ногоон олимп” зохион байгуулах нь Бээжингийн өвлийн олимпын чухал үзэл баримтлал байх бөгөөд үүний хүрээнд нийт талбай заалын цахилгааныг 100 хувь сэргээгдэх эрчим хүчээр хангах гэж буй нь олимпын түүхэнд анхны тохиолдол болж байна.
Эх үүсвэрийг нь Жанбэйгийн сэргээгдэх эрчим хүчний бааз- VSC-HVDC төсөл хангах аж.БНХАУ-ын Жанбэй хотод салхи, нарны энергиэр 85 сая киловатт цахилгаан гаргах хүчин чадал бүхий Хятадын том оврын нөхөн сэргээгдэх эрчим хүчний бааз байдаг.
Хятадын Үндэсний цахилгаан сүлжээний Умардын цахилгаан эрчим хүчний компанийн бүтээн байгуулалтын газрын дарга Тянь Шэнлинь энэ тухай: "Жанбэйгийн VSC-HVDC төсөл орон нутгийн шинэ эрчим хүчийг гадагш нийлүүлэх хүчин чадлыг дээшлүүлсэн. Уг төсөл жил бүр Бээжинд 14 сая киловатт цахилгаан нийлүүлж, Бээжин хотын цахилгаан эрчим хүчний 10 хуваасны 1 хувийг хангана. Үүнд Бээжингийн өвлийн олимпын "Бээжин", "Яньчин" гэсэн ордны цахилгаан эрчим хүчийг бүрэн хангаж, Бээжингийн өвлийн олимпын талбай заалын цахилгааныг анх удаа 100 хувь ногоон эрчим хүчээр хангах зорилтыг биелүүлэх болно" гэжээ.
Уг төслийг 2018 оны 2-р сард эхлүүлж байсан бол 2019 оны 12-р сард бүтээн байгуулалтын ажлыг дуусгажээ. Улмаар 168 цаг туршилтын журмаар ажилласны эцэст өнгөрсөн оны 6-р сарын 29-нд албан ёсоор ашиглалтад орсон байна.
Жанбэйгийн VSC-HVDC төсөлд нийт 12.5 тэрбум юанийн хөрөнгө оруулж, Жанбэй, Канбао, Фэннин, Бээжин гэх 500 киловаттын дөрвөн дэд станц байгуулж, 666 километр цахилгаан шугам татах гэнэ.
Уг төсөл хэрэгжиж эхэлсний дараа 7 сая киловатт сэргээгдэх эрчим хүч үйлдвэрлэж, жил бүр 4.9 сая тон нүүрс хэмнэн, нүүрстөрөгчийн давхар ислийг 128 сая тонноор бага ялгаруулах ажээ.
Г.Бямба
Сэтгэгдэл0
Хүн төрөлхтөний ялгаруулж буй хүлэмжийн хий бол дэлхийн дулаарал явагдаж байгаагийн үндсэн шалтгаан юм. Дэлхийн дулаарлаас үүдсэн сүйрэл гамшгууд улам бүр ноцтой аюултай болсоор байна. Олон улсын эрчим хүчний агентлагийн мэдээлснээр 2050 он хүртэл энэ хэвээрээ үргэлжилсээр байвал, хүлэмжийн хийн ялгарал 130 хувьд хүрэх төлөвтэй байна. Эдгээр бохирдол ихтэй улс орнууд хийн ялгарлыг багасгах үүрэгтэйгээ ойлгож байгаа мэт хэдий ч киотогийн протокол зэрэг гэрээ хэлэлцээрээс бусдаар хийсэн зүйлгүй, хүлэмжийн хийн хэмжээ өссөөр байгаа юм. Дэлхийн бүх л улс орнууд дулаарал явагдаж байгаад тодорхой хэмжээгээр буруутай хэдий ч доорх таван орон хамгийн ихээр нөлөөлж байгаа аж. 5. Япон. ашигт малтмалын гаралтай түлшний хэрэглээгээрээ дэлхийд тэргүүлдэг ба хүлэмжийн хийн ялгаруулалтаараа тавдугаар байранд жагсдаг.
Япон улс нь дэлхийн нийт хүлэмжийн хийн ялгаруулалтын 4%-ийг дангаараа эзэлдэг. Энэ нь хотжилт аж үйлдвэрлэлийн хөгжилдөө хэт их анхаар хандуулж байгаль орчны асуудлыг орхигдуулснаас шалтгаалжээ. 4. ОХУ. Дэлхийн хамгийн том газар нутагтай ОХУ нүүрс шатахуун ашигт малтмалын түлшний өндөр хэрэглээний улмаас энэхүү жагсаалтанд багтаад байна. Мөн өнгөрсөн хугацаанд нүүрлэсэн хэд хэдэн байгалийн гамшигт үзэгдэл ойн модыг их хэмжээгээр устгах ан агнах зэргээс үүдэн тус улс нийт хүлэмжийн хийн 5%-ийг ялгаруулж байна. 3. Энэтхэг. Дэлхийн хамгийн их бохирдолтой арван таван хотын арван дөрвөн нь энэтхэгт байдаг хэмээн дэлхийн эрүүл мэндийн байгууллагаас мэдээлж байна. 1981 оноос агаарын бохирдолтой тэмцэх асуудлыг хуульчлан арга хэмжээ авсаар байгаа ч чулуужсан түлшний хэрэглээ тогтмол нэмэгдсээр байгаагаас үүдэн энэтхэг улс хамгийн их бохирдолтой улсын гуравт жагссанаас гадна нийт хүлэмжийн хийн 7%-ийг ялгаруулж байна. 2 АНУ. Дэлхийн аж үйлдвэрлэл болон худалдаа үйлчилгээний төв болох АНУ нь нийт хүлэмжийн хийн ялгаруулалтын 15%-ийг эзэлж байна. Сүүлийн жилүүдэд цаг уурын өөрчлөлттэй тэмцэх талаар олон санаачлага гаргаад байгаа хэдий ч төдийлөн бодит үр дүн гарахгүй байгаа юм. Зөвхөн том хотууд төдийгүй хөдөөгийн бүс нутгийн агаарын бохирдлын хэмжээ мэдэгдэхүйц нэмэгдсээр байна. 1. Хятад. Дэлхийн гадаад худалдааны томоохон зах зээл болох хятад улсад аж үйлдвэрлэл хөгжихийн хэрээр байгаль орчны асуудал хурцадмал түвшинд хүрээд байна. Тус улс дэлхийн нийт хүлэмжийн хийн 30%-ийг дангаараа ялгаруулж байгаа бөгөөд ялангуяа үйлдвэржүүлэлт ихээр төвлөрсөн таван мужид гэхэд дэлхийн аль ч улс орноос илүү их хэмжээний хүлэмжийн хий ялгарч байна.
Ирэх жил 2022 онд Бээжинд өвлийн олимп болохнээ. Хамгийн ойрхон ГОЁ гоё үзнээ