Монгол Улсын Их Хурал, Мексикийн Нэгдсэн Улсын Конгресс дахь парламентын найрамдлын бүлгийн гишүүд өчигдөр (2022.11.09) цахим уулзалт хийж, энэ үеэр Мексикийн Нэгдсэн Улсын Конгресст Мексик-Монголын парламентын бүлэг байгуулсныг албан ёсоор зарлах ёслолын ажиллагаа боллоо.
Цахим уулзалтад Монголын талаас Улсын Их Хурлын гишүүн, Улсын Их Хурал дахь Монгол-Мексикийн парламентын бүлгийн дарга Т.Доржханд, Улсын Их Хурлын гишүүн, тус бүлгийн гишүүн Г.Мөнхцэцэг, Монгол Улсаас Мексикийн Нэгдсэн Улсад суугаа Онц бөгөөд Бүрэн эрхт Элчин сайд Ө.Батбаяр, Мексикийн талаас Мексикийн Нэгдсэн Улсын Конгресс дэх Мексик-Монголын парламентын найрамдлын бүлгийн дарга Мануэль Гулермо Чапман Морено, тус бүлгийн гишүүн Фернандез, Зуньига, Давила, Зетина, Кабрера нар оролцсон юм.
Улсын Их Хурлын гишүүн, Улсын Их Хурал дахь Монгол-Мексикийн парламентын бүлгийн дарга Т.Доржханд хэлсэн үгэндээ, Монгол Улс, Мексикийн Нэгдсэн Улстай тогтоосон дипломат харилцаа идэвхжин хөгжиж, боловсрол,соёл, урлаг, биеийн тамир, спорт, гамшгийн эрсдэлийг бууруулах зэрэг салбарт тодорхой ахиц дэвшил гарч ирсэн. Хоёр улсын парламент 2004 оноос парламент дахь найрамдлын бүлгийг харилцан байгуулж эхэлснийг тэмдэглээд, цаашид парламент хоорондын хамтын ажиллагааг улам өргөжүүлэх, эдийн засгийн харилцааг хөгжүүлэхийн чухлыг онцоллоо.
Мексикийн Нэгдсэн Улсын Конгресс дахь Мексик-Монголын парламентын найрамдлын бүлгийн дарга Мануэль Гулермо Чапман Морено Монгол Улсын Их Хуралтай хамтын ажиллагаагаа өргөжүүлэх эрмэлзэлтэй буйгаа илэрхийлж, хууль тогтоох чиглэлээр харилцан туршлага, мэдээлэл солилцох, улмаар хоёр улсын худалдаа, эдийн засаг, соёлын салбарын хамтын ажиллагааг хөгжүүлэх сонирхолтой байгаагаа тэмдэглэв.
Энэ онд Монгол Улс, Мексикийн Нэгдсэн Улстай дипломат харилцаа тогтоосны 47 жилийн ой тохиож буйг Монгол Улсаас Мексикийн Нэгдсэн Улсад суугаа Онц бөгөөд Бүрэн эрхт Элчин сайд Ө.Батбаяр хэлсэн үгэндээ дурдаад цаашид хоёр улсын харилцаа, хамтын ажиллагаагаа гүнзгийрүүлэн хөгжүүлэх, тэр дундаа улс төр, эдийн засаг, хөдөө аж ахуй, аялал жуулчлал, соёл, боловсрол зэрэг салбарт хамтын ажиллагааг өргөжүүлэхэд хүчин чармайлт гаргах ажиллахаа илэрхийлсэн юм.
Мөн хоёр улсын парламент хоорондын хамтын ажиллагааг өргөжүүлэн эрчимжүүлэх үүднээс парламентын дарга, гишүүдийн харилцан айлчлалын давтамжийг тогтмолжуулах, хоёр талын холбогдох байгууллагуудын харилцаа, хамтын ажиллагааг бүхий л хэлбэрээр дэмжин ажиллана гэлээ.
Мексикийн Нэгдсэн Улсын Конгресст Мексик-Монголын парламентын бүлэг байгуулсныг албан ёсоор зарлах ёслолын ажиллагааны үеэр тус улсын Конгрессын Төлөөлөгчдийн танхимд Мексик-Монголын Парламентын найрамдлын бүлэг байгуулагдсаныг нотлох баримтад бүлгийн дарга, гишүүд гарын үсэг зурлаа хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.
Сэтгэгдэл0
заваан бангладэш ч юув бэ
чи орк бангладеш гэж улс хаана байдгийг ч мэдхгүй шүү дээ. Хаа очиж тэр бангладешчууд чинь чи бид хоёрын дэргэд англиар чөлөөтэй ярьдаг хүмүүс.
Тэр алиа салбадай шиг элчингээ татаач
Монголд Синало картелиин салбар нээнэ хамтарч ажиллах хувь хун албан баигуулгыг урьж баина
Hahaha Mexican???
Цаадул нь биднийг тоож харагдаач. Мексиктэй ямарч харилцаа байхгуй. Харин бид элдэв бүлэг ганцаараа байгуулаад л. Хэнд хэрэгтэй юм. Шал инээдтэй...
Үгүй дээ, тэнэг байхаа барууны улсууд мексикээр монголтой ойртож ажиллаадах, тэгвэл танайд өөр нэг асуудлыг чинь шийдэж өгнө гэж амалдаг байхгүй юу. Энэ амлалтыг америкаас мексикт өгсөн тул Монголтой харилцаж байна. Дэлхий улсуудыг бүү жижигхэн монгол шигээ бод. Тэд хаана юу хийж, ямар хуйвалдаан хийж байгааг яаж мэдэх вэ дээ.
мексик бол маф хар тамхиний орон