ВАШИНГТОН. /New York Times/. АНУ-ын Ерөнхийлөгч Ж.Байден хэлэхдээ, “ард иргэд үнийн өсөлтөд нэрвэгдээд байгааг мэдэж байгаа бөгөөд инфляцийн эсрэг тэмцэх нь миний дотоодод хийх нэн тэргүүний зорилт” гэв. Тэрбээр мягмар гарагт Цагаан ордонд хэлсэн үгэндээ, Холбооны нөөцийн сан уг асуудлыг шийдвэрлэхийн тулд шаргуу ажилж байгааг онцолсон байна.
Мөн барааны үнийг бууруулахын тулд Д.Трамп БНХАУ-д ногдуулсан татварыг цуцлах талаар бодож байгаагаа мэдэгджээ. Гэвч одоогоор ямар нэгэн шийдвэр гаргаагүй байгаа юм.
АНУ-ын Хөдөлмөрийн Статистикийн газраас лхагва гарагт хэрэглээний үнийн индексийн /ХҮИ/ хамгийн сүүлийн үеийн мэдээллийг зарлах бөгөөд 4 дүгээр сарын үзүүлэлт өндөр хэвээр байх төлөвтэй байна. Гуравдугаар сард АНУ-ын ХҮИ өмнөх сараас 1.2 хувиар, өмнөх оны мөн үеэс 8.5 хувиар өссөн. Жилийн өмнөх өсөлт нь 1981 оны 12 дугаар сараас хойших хамгийн өндөр өсөлт болжээ. “Reuters” агентлагаас явуулсан санал асуулгаар АНУ-ын насанд хүрэгчдийн 42 хувь нь Ж.Байдены ажлын гүйцэтгэлийг сайшааж байгаа ба судалгаанд оролцогчид эдийн засгийг тус улсын хамгийн чухал асуудал гэж үзсэн байна.
А.Анхбаяр
Эх сурвалж: "Монцамэ" агентлаг
Сэтгэгдэл0
Укрианд цөмийн бөмбөг өгч чадахгүй харамлаад ёрдийн зэвсэг өгнө гэж балайрч байхаар дотоодын үнийн өсөлттөө анхаарч байсан нь өөрт чинь өлзийтэй байх шүү өвгөөн !
Бүхэл бүтэн улсыг тоглоом болгон золиосолж тусгаар тогтнолыг нь мөхөөж,газар нутгийг нь польш мэтийнй цөөврүүдэд тарааж өгч байгаа байж хэдхэн доллар хялайлгахаа болих хэрэгтэй.Өдөр бүр 3 тэрбум доллар Украйнд төлөх ёстой. Хараал идмэрүүд. Сатана язгууртай садист янкууд үйлийн үрээ эдэлнэ.