Украинд цэргийн тусгай ажиллагаа Орос явуулж байгаатай холбогдуулан мэдээллийн тэнцвэртэй байдал хангах үүднээс америкийн цэргийн шинжээч Филип Василевскийн (Philip Wasielewski) ярьснаас сэдэвлэн Украины жанжин штаб, оросын цэргийн зарим шинжээчдийн мэдээнээс түүвэрлэн хөрвүүлэн сонирхуулъя. Энд sonin.mn сайтын байр суурь тусгагдаагүй болно.
Мотив, мотивация гэсэн орчуулмааргүй үг байна. Учир шалтгаан гэж буулгадаг. Гэхдээ Украины дайн дээр тэр чигээр нь авчихмаар. Украинчуудын мотивация нь эх орноо хамгаалах, газар нутгаа хамгаалах. Харин тийшээ дайлж орсон оросуудын мотивация нь харийн нутгийг эзлэн авч ОХУ-д хүчээр нэгтгэж, ОХУ-ын нутаг дэвсгэрийг тэлэх. Эх орны сөөм, алга дарам газрын төлөө украины зэвсэгт хүчин 6 дахь сардаа байлдаж байна. Харин Украиныг буулгаж, эзэлж авч Оросын дагуул болгох гэсэн оросын цэрэг нь мотивацаа хүлээн зөвшөөрч чадахгүй, юуны төлөө хэний төлөө Украины шороон дээр үхдэл болох ёстой вэ гэсэн асуултыг Кремль рүү тавьдаг болоод байна.
Оросын бие бүрэлдэхүүн маш их хохирч хорогдлоо. Хуурай замын цэргийнхээ 30 хувийг үр дүнгүй ашиглаад дуусгажээ. 1700 танкаа устгуулсан дайн үүнийг илтгэнэ. Фронтын авиац гэж салшгүй төрөл мэргэжлийн цэрэг нь алга боллоо. 450 нисэх онгоц, нисдэг тэргээ сөнөөлгөөд одоо зориглон нисэх нисэгч олдохоо болилоо.
Серби ардын цэцэн үг байна: Дайнд улс төрчид сум, баячууд хүнс, харин ядуус хөвгүүдээ өгдөг. Дайн дуусдаг, улс төрчид гар барин мэдчилнэ, баячууд хүнснийхээ үнийг нэмнэ, харин ядуус хөвгүүдийнхээ шарилын эрэлд гарна.
Украин дахь Оросын дайн өнөөдөр сербийн үлгэрийг санагдуулна. Оросын өдөөсөн дайны золиос нь оросууд өөрсдөө л боллоо. Филип Василевски ингэж ярьжээ: Донбасст үргэлжилж буй дайндаа Орос тактикийн зарим нэг ялалт, харин суртал нэвтрүүлгийн маш том ялалт байгууллаа. Харамсалтай нь стратегийн ялалт ганцыг ч байгуулж чадаагүй байж байгаад давших хүчнээ барчихлаа. Давшилтад оруулах цэрэг маш ихээр дутав.
Ялж чадаагүйн гол шалтгаан нь түрэмгийлэгч армийнх нь байдал төрх юм. Оросын арми дотроо гурван төрлийн “арми”-аас бүрдэж байна. Нэгдүгээрх нь элит буюу десанчид, тэнгисийн явган цэрэг, тусгай хүчин, хувийн цэргийн компаниуд юм. Эд бол сайн дураараа бүрдсэн, байнгын бэлэн байдалтай, одоо ч давших эрмэлзэлтэй. Гэтэл элит арми нь асар их хохирол амссан, хохирлыг нөхөхийн тулд дахин шинээр бүрдүүлж бүтэн жил сургуулилах ёстой, гэтэл бүх зүйлийг “0”-оос эхлэхтэй адил украины фронт дээр үй олноороо хохирч сүйрсэн дүнтэй байна.
Филип Василевскийн үзэж байгаагаар оросын армийн хоёрдахь хэсэг нь буюу “хоёрдугаар арми” нь байнгын цэрэг буюу гэрээт ба хугацаат цэрэг. Татлагаар аваачсан хугацаат цэрэг байхгүй гэж Орос өөрөө няцааж байгаа ч Украинд очсон нь их байна. Тэд бол фронтод сэтгэл зүйн бэлтгэлгүй, бүх шатанд командлал нь сул дорой, ложистик гэж бараг байхгүй. Их бууны ангиуд нь Кремлийг баярлуулахаар байлдаж байгаа гэж ярьдаг ч мэргэжлийн түвшинд украины ангиудаас илүү гарч чадахгүй нь харагдсан. Тооны хувьд хохирлын үлэмж хэсгийг оросын энэ хоёрдахь “арми” өөртөө хүлээнэ. Ихэнхи нь явган цэрэг тул украины галд өртөх нь илүү. Агаараас эсэргүүцэх, танк, их бууны ангид нь оросууд, давшдаг явган цэрэг нь буриад, дагестан, хакас, алтай, тува, халимаг, мордов зэрэг жижиг үндэстнүүд байдаг ба оросууд нь бага үрэгдэж, жижиг үндэстэн нь олноороо алуулжээ. Донбасст ялалтыг үүрсэн хэмээн Орост энэ хоёрдахь армийг үздэг ч тэр “тооны ялалт” болохоос “чанарын ялалт” биш ажээ.
Оросын армийн гуравдахь “анги салбарууд”-ыг туслах хүчин гэж нэрлэдэг. Оросын армийн ар талд хангалт үйлчилгээ, хамгаалалт, залхан цээрлүүлэлт хариуцдаг ангиудыг тэгж нэрлэнэ. ДНР, ЛНР гэдэг тоглоомын хоёр улсын үндсэн иргэд, дээр нь Рамзан Кадыровт үнэнч чеченийн отрядуудаас бүрддэг. Тоглоомын хоёр БНУ-ын цэрэг гэж их бууны зууш, амьд бамбай, зарлагын материал, тэднийг Донбасст нь маш сайн ашиглаж, тэд ч маш ихээр хохирч үрэгдэж байна. Тэдний ихэнхи нь албадлагаар цэрэг явсан, цэргийн бэлтгэл сургуулилалт хийгээгүй, зэвсэглэл муутай, ихэнхи нь II дайны үеийн винтовоор байлдаж буй, давших байлдаанд нэмэргүй, гэхдээ байлдахаас татгалзвал чеченийн залхаан цээрлүүлэгчдийн “заградотряд”-ын отолт, харгислал ард нь хүлээж байдаг, чечениүд нь Эх орны дайны үеийн НКВД-гийн (ДЯЯ) цэргийн ангиудын үүрэгтэй байна.
Филип Василевскийн энэ яриа үнэний ортойгоор барахгүй бараг үнэн болж таарсан. Орос маягийн ротаци–эзэлж авсан нутгийнхаа украин иргэдийг (65 хүртэл насны бүх эрчүүд) албадан, хуу дайчлан байлдуулах, оросын орон нутгийн шоронгуудын ялтангуудыг ялаас чөлөөлөх, сарын 130 мянган рублиэр цалинжуулах нэрээр цэрэгт татаж Украин руу илгээх гэх мэт аргаар хиар цохиулсан армиа Орос нөхөж байгаа нь америк судлаачийн хэлсэн үнэнийг батлаж байна.
Оросын дайны арга тактик тодорхой харагдаж байна. Украины хотуудыг эзлэн авмагц суртал ухуулгын асар их ажил явуулна. Киевт дургүй хүмүүсийн эрэлд гарна, эсвэл гудамжнаас, ажлын байрнаас нь шууд баривчлан авч явж цэрэгт албадан элсүүлээд, сургуулилгүй фронт руу илгээнэ. Гэвч Оросын төлөө, Путины төлөө явж амиа өргөх солиотон тун цөөхөн, бараг олдохгүй. Ёстой аргацаан окопны мухарт амиа хаацайлан хэвтэцгээнэ.
Юуны төлөө, ямар ирээдүйн төлөө төрөлх Украинаасаа салан тусгаарлах гэв, ингэж хядуулахын төлөө юу, оросын их бууны зууш болохын төлөө юу? Тэдний хувьд дайн л хурдхан дуусаасай гэсэн хүслээ нууна. Аймхай хулчгар, бас оросын суртал нэвтрүүлэгт 8 жил тархиа угаалгасандаа гутарч үхнэ.
Дээрх гурван төрлийн армиас гадна “отказники” буюу оргон зайлагчдын томхон арми байна. Тэднийг баривчлан “ЛНР”-т подвалд хорьж байгаа, маш олуулаа болсон гэсэн мэдээ Current Time-сайтад тавигджээ.
Орос нь албан ёсоор Украинд дайн зарлаад, албан ёсоор бүх ард түмнээ дайнд уриалаад, бүх нийтийн дайчилгаа явуулбал Украиныг сөхрүүлнэ гэсэн хийрхэл Донбасст хэргээр дэгдээсэн. Москвад ч тэгж ярьдаг улс төрчид бий. Гэвч Кремль түүнд нь хүч зориг хүрэхгүй, цэргийн тусгай ажиллагааныхаа ажиллах газар зүйг тэлэх тухай хий ярина. Хэрэв дайн зарлаад бүх нийтийн дайчилгаа явуулна гэвэл ОХУ өөрөө элдэв эрсдэлд өртөх нь мэдээж. Албан ёсоор “түрэмгийлэгч” гэдэг хаяг Орост очно, НҮБ-д тэгж томъёолж албажуулна, ОХУ-д өөрт нь иргэд маш олон асуулт тавина. Бүх нийтийн цэрэг татлага явуулахгүй мэргэжлийн цэргийн хүчээр “Цэргийн тусгай ажиллагаа” явуулаад бүтэлгүйтлээ гэдгээ өөрсдөө хүлээн зөвшөөрсөн хэрэг болно, оросын ард түмэн тэгж асуух болно.
Бүх нийтийн болон хэсэгчилсэн дайчилгааны оронд сайн дурын дайчдын батальонууд байгуулж Украины фронт руу илгээхийг Кремль бүс нутгууддаа үүрэг болгож эхэллээ. Ажилгүйчүүдээ фронтод уриалдаг боллоо. Ажил олгодог байгууллагууд 300 мянган рублиэр цалинжуулан Украинд очиж байлдах (ажлын байр) санал улайм цайм тавьж байна. Хоригдол ялтангууд түрүүчээсээ цэргийн ангиудад хуваарилагдлаа. Tэднийгээ эмхэлж цэргийн анги болгохын тулд оперативын пауз авна гэдэг жүжиг дэглэнэ. Пауз авснаа дараа нь гэнэт хол давших мэтээр сурталдана.
Ийм хөгийн байдалд Оросын арми орчихсон байхад Оросын ба Кремлийн суртал ухуулагчид бүр ч ихээр уриалан дуудаж, бүтэхгүй ялалтаараа ард түмнээ гэгээрүүлнэ. Игорь Коротченко гэдэг нөхөр Оросын ТВ-ийн “60 минут”-аар ингэж ярив. Украины зэвсэгт хүчин Херсон дахь оросын байрлалыг галлаж байгаа юм биш, Орос руу галлаж байгаа юм. Яагаад гэвэл Херсон муж гэдэг чинь – энэ бол Орос мэдэв үү. Запорож муж – энэ бол Орос, Харьков муж – энэ бол Орос, Одесса, Николаев – энэ бүгд Орос, тэд бидэн рүү галлаж байна, мэдэв үү!
Баруунаас зэвсэг нийлүүлдэгийг нь одоо шийдчих, энэ бол хамгийн радикал, энгийн арга. Баруун талд байгаа төмөр замын дэд бүтцийн гол гол объектуудыг нь л сөнөөчих. Тэгвэл Польш, Румынээс цэргийн тээвэр ирэхгүй болно. Днепр мөрөн дээрх гүүрүүдийг устгах цаг нэгэнтээ болсон баймаар юм. Херсон, Шинэ Каховка руу өгч байгаа цохилт болгоных нь тоолонд Днепр дээрх гүүрүүдийг устгаад бай. Юунд нь нэрлэхэх вэ? Яагаад алгуурлана вэ? Энэ бол байлдааны хууль ёсны бай шүү дээ. Киевт доншуучлан ирээд байгаа барууны гийчид бүр эрээ цээрээ алдаж гүйцжээ. Тэд нэгдүгээрт айж эмээх ёстой. Хоёрдугаарт тэд Киевт агаараар ч, төмөр замаар ч ирэх бодит боломжоо алдах ёстой. Иймд өргөн хүрээтэй онилсон пуужингийн цохилтоо үргэлжлүүлбэл украины эрх баригчдыг бууж өгөхөд хүргэж магадгүй хэмээн оросын армийн хурандаа, оросын ТВ-ийн суртал нэвтрүүлэгч Коротченко минчийтлээ уурлан хашгична.
Оросын зохиолч Борис Акунин ингэж хэлэв: -Украиныг ялахын төлөө ерөөсөө хамаагаа алджээ. Гэхдээ хэзээ ч ялахгүй. Ухрах газаргүй болчихсон учраас ерөөсөө украинчуудыг тайван байлгахгүй, хэвийн амьдруулахгүй гэсэндээ л Украины эсрэг дайтаж байна. Олон улсын эрх зүйн ийм нэр томъёо өгч болно. “Пуужингийн геноцид”, “Пуужингийн террор”, “Залхаан цээрлүүлэх акц”, “Украинчуудыг тайван амьдруулахгүй гэсэн сэтгэл зүйн террор” буюу Дэлхийн II дайны үед нацистын германы хэрэглэж байсан арга гэжээ.
Англи, Орос хэлнээс түүвэрлэн хөрвүүлсэн Д.Номиндарь
Сэтгэгдэл0
Яг л байна даа. Бодитой мэдээлэл бололтой.
Ulsaa sunuuchihuud teneg teneg yum yarihiim aa.Ukrain dahin sergehgui.Suirsen
ӨМХИЙ ПУТЛЕРЧИН ПСДААКУУДАА ОРОС АХ ЧИНЬ БУУ ЗЭВСЭГТЭЙГЭЭ ОРООД ИРЧЛЭЭ.....ЯВЖ ОЧООД САЛАА САЛААГААР БОМБООНУУДЫГ НЬ ГӨХӨӨЧ ЭЭ.....ҮХТЛЭЭ ГӨБСДҮҮЛЭЭД НЭВШИРТЭЛ ЗОДУУЛААД ШАГНАЛД НЬ ГАНЦ САМОГОН ОЛЖ АВЦГАА...ХА ХА ХА
Монголд Д.Номиндарь л ганцаараа Украйны ард түмний тэмцлийн талаар бодит байдлыг бичдэг боловч бас дуугүй дэмжигчид ажиглагдана
Аль эрт Киёвийг эзлэх ёстой юман дээр цэргээ ухрааж татаж балайраад энэ Путин ! Одоо энгийн зэвсэг энгийн байлдаан хэрэггүй ! Цөмийн зэвсэг рү гээ яаралтай ор ! Киёвт цөмийн цохилт өг ! Өөр арга алга !
Киевийг , Черниговийг угаасаа л барахгүй нь тодорхой болсон шүү дээ
Хэрэв Украйнд цөмийн зэвсэг хэрэглэвэл үр уршиг нь монголд ч тусна цөмийн цохилт өг гэж турхирч буй чамд, чиний үр хүүхэд, аав ээж, ах дүү чинь ч өртөнө шдээ юу бичиж уриалаад байгаагаа ойлгохгүй байгаа бололтой савсганасан нөхөр вэ чи...
Ёстой нүдэнд харагдтал бичжээ. Хөөрхий тэр бага ястан залуучууд дарангуйлагчийн бүтэлгүй дайны улмаас амиа алдах гэж. Зориглон босоод дарангуйлагчаа зайлуулбал таарна
Хийрхүү Орос Украйнчуудын хямдхан шоу жүжгэнд оросжсон Монголчуудаас өөр дэлхийд хэн ч тэр тусмаа прагматик Ази итгэдэггүй.
үнэн бодит байдал өөр байна үнэндээ тэд удахгүй дуусахгүй гэж бодож байвал хэлэлцээр хийх тэгэхгүй бол зүүнгар шиг болж магадгүй хэвлэл мэдээлэлээр барууныхантай нийлж бодит бус хийхээ болих хэрэгтэй үнэндээ украины байдал маш муу байна гадаадын хүчирхэг зэвсэгт найдаж байгаа ч тоо нь цөөн байна тээвэрлэлт муу байна сургалт муу байна бодитой юм бичих хэрэгтэй байна даа
Халх Манжид дагаар орсны дараа 60 жил тусгаар байсан Зүүнгарыг хамгийн сүүлд Манж Халхын гараар үнэн алдартны Орос Украйнчууд устгасан. Оросууд эхлээд Түрэгүүдийг 16 зуунд Ойрдуудын эсрэг тусламж амлан турхирч байлдуулаад аль алиныг устгаж Төв Азид эзэн суусан. Дараа нь 17 зуунд амьд үлдсэн Ойрадуудад тусламж амалж байлдуулан Манжийн эсрэг турхирч устгасан.
Оросууд ч үнэхээр цаасан бар байж дээ хөөрхий зайлуул.
vnendee odoo ukrainuud armi zevseg tehnik geh zvils vldsengui vgui dee. orosuud hvn hvchee gamnaj ehelj ih buu puujingiin shuurgan galaar esergvvtseliig darj baij ybgan tseregee oruulij bna.orosuud odort 40000-50000 udaa buudaj bhad ni harin ukrainuud 3000-4000 l udaa buudaj ingej bhad henii tal hohiroh ni oligomjtoi sh de.ukrainii armiin angi salbaruud tulaldaand oroogui bhadaa l barag 30-45 hubia aldaj bna. front deer sum zevseg heregsel bhgui gej bnga medee ogj bna.orosuuud odor bvr l hot tosgodiig choloolj abch bna.getel ukrainuud 1 say tseregeer herson mujiig choloolj abanaa geed 20 garui honoj bgaa mortoloo neg km gazar ahij chadaagui l de. ukraind tank hyagt ih buu bhgui agaart noerhoj chadahgui baij sorog davshilt hiin gej yaj baih be dee.ukrianuud udahgui ylagdaj duusah oilgomjtoi do. nomuundaria ingej hudalaa medeelel ogood bhaa boliy.amerikuud tseregiin shinjeech nariin dvgneltiig orchiluulaad vz za.say germanii generail hvn orosiin noots bol
chi tiim mundag heltei ustai yum bol amerikiin tseregiin shinjeech Skott rutter iin dvgneltiig orchuulij tabiachee. ter hvn bol amerikiin armiin tseregiin shinjeech hurandaa tsoltoi bas nato-d ajillaj baisan geed l. odoo ter hvn orosuudiig ylj ukrainuud svirch baruun amerikiin tolovolgoo bvren svirsen tuhai dandaa amerikiin Tv -geer yrij bichij bnaa.orosoor sh zondoo youtube-d orchuulaad tavisan bna. tegeed amerikiin sorog vzeltei vneniig heldeg hvnii materialiig vzeed daraa ooriihoo hudalaa materialuud haraad dvgnelt hii l dee..
украйн ялж байгаа юм байна энэ тухай мэдээ оруулсан Номиндарьдаа баярлалаа
Орос нэг л бишээ угаасаа ийм улс байж
НОМИНДАРЬ , ДО.СҮХБААТАРЫН ЭЭЛЖИЛТ ЗАХИАЛАГАТ МӨНГӨНИЙ НИЙТЛЭЛҮҮД ЦУВРАН ГАРЛАА. ХӨЛСНИЙ БИЧЭЭЧИД. ТЭГЭЭД ЭНЭ 2 ХҮНИЙГ ХӨРШТЭЙГЭЭ ТААРАМЖ МУУТАЙ АЙЛ МЭР СЭР БАЙДАГТАЙ АДИЛТГАЖ БАЙНА . БУСДААС ЧАДАЛ ДОРОЙ МӨРТЛӨӨ ХАЖУУ ХӨРШТЭЙГЭЭ БАЙНГА МУУДАЛЦДАГ 2 ХҮН БАЙНА .ЭНЭ 2 ХҮНИЙГ ГЭР БОЛГОЖ БАЙГААД УКРАЙНЫ ДАЙНД ИЛГЭЭЧИХМЭЭР БАЙНА.ДО.СҮХБААТАР , НОМИН ДАРЬ НАР ХӨРШӨӨСӨӨ ЯАЖ ХОЛДОХ НҮҮХ ТУХАЙ ЗӨВЛӨЛГӨӨ ӨГВӨЛ ДЭЭР ЮМ БИШ ҮҮ.ТҮҮНЭЭС БИШ ГАЛД ШАР ТОС НЭМЭХ ХЭРЭГГҮЙ ЭЭ
өнөөдөх орсын цэргийн ажиллагаа одесс хот тариа будаа зөөх минжүүлэлтийг авахгүй байснаас хотын тэнгэсийн минжүүлэлтийг буудсанаас рнгрц нь хөнгөн гэмтэл авчээ будаа нийлүүлэх хаалга гаргаж украйн өхгүй байна
Orosuud turemgiilel uildej baigaa ni unen biz dee
Зөв, Амжилт!
УКРАЙН НУТГИЙНХАА 20% ИЙГ АЛДЖЭЭ.ТЭГЭХЭЭР ЧАНАРТАЙ ДАЙРАЛТ ЧАНАРГҮЙ ДАЙРАЛТ ГЭЖ ЮУГ ХЭЛЭЭД БАЙГАА ЮМ БЭ.НОМИНДАРЬ ДО.СҮХБААТАР НАР БАРУУНААР ТАРХИА УГААЛГААД БАС БОЛООГҮЙ ХӨЛСНИЙ БИЧЭЭЧ БОЛЖ МОНГОЛЧУУДЫНХАА ТАРХИЙГ УГААХААР ТЭНЭГ ТЭНЭГ ЮМ БИЧИХ БОЛЛОО
ӨМХИЙ ПУТЛЕРЧИН ПСДААКУУДАА ОРОС АХ ЧИНЬ БУУ ЗЭВСЭГТЭЙГЭЭ ОРООД ИРЧЛЭЭ.....ЯВЖ ОЧООД САЛАА САЛААГААР БОМБООНУУДЫГ НЬ ГӨХӨӨЧ ЭЭ.....ҮХТЛЭЭ ГӨБСДҮҮЛЭЭД НЭВШИРТЭЛ ЗОДУУЛААД ШАГНАЛД НЬ ГАНЦ САМОГОН ОЛЖ АВЦГАА...ХА ХА ХА
Спасибо за хорошую новость.Слава Украине