Энэ жил Туул голын эрэг дагуух 3.68 га талбай болон Дугуй цагаан хүртэлх уулын алхалтын 35 га талбайг тохижуулах ажлыг эхлүүлнэ. Тодруулбал, Баянзүрх дүүрэг 11-р хорооны нутаг дэвсгэрт хамаарах Бага тэнгэрийн ам, Туул гол дагуух амралт зугаалгын цогцолборын тохижилтыг 3.68 га талбайд хийх юм.
Тохижилтын ажлын хүрээнд явган зам, талбай, дугуйн зам, дугуйн болон автомашины зогсоол, амфитеатр, үйлчилгээний талбай, хүүхдийн тоглоомын талбай, ногоон байгууламж зэрэг бүтээн байгуулалтыг хийнэ. “Туул гол дагуу амралт, зугаалгын цогцолбор” байгуулах үзэл баримтлал, загвар зураг боловсруулах уралдааны тэргүүн байранд шалгарсан бүтээлээр тохижилтын ажлыг хийх юм.
Бүтээн байгуулалтын ажилд “Эйч Ар Ви констракшн” ХХК шалгарсан бөгөөд одоогоор гэрээ байгуулах, эрх олгох үйл ажиллагааны шатанд явж байгааг Нийслэлийн Худалдан авах ажиллагааны газраас мэдээллээ.
Энэ мэтчилэн Туул гол дагуух таван байршлын нийт 48.88 га талбайг үе шаттай тохижуулан, иргэдийн амарч зугаалах орчин, нөхцөлийг сайжруулахад нийслэлийн удирдлагууд анхааран ажиллаж байна.
Мөн Богд уулын алхалтын замын тохижилтыг хийхээр гүйцэтгэгч компанийг шалгарууллаа. Тодруулбал, Хан-Уул дүүргийн 11 дүгээр хорооны нутаг дэвсгэрт хамаарах Ар Зайсангийн гудамжнаас Дугуй цагаан хүртэлх уулын алхалтын зам буюу нийт 35 га талбайн тохижилтын ажлын зураг төслийг өнгөрсөн оны наймдугаар сард баталсан. Мөн оны арванхоёрдугаар сард Ажлын зурагт магадлал хийсэн байдаг. Тэгвэл тус байршил дахь тохижилтын ажлын гүйцэтгэгчээр “Энигмаконстракшн” ХХК шалгарчээ. Уулын алхалтын замын тохижилтод ариун цэврийн түр байгууламж, тоглоомын талбай, амралтын цэг, худалдаа, үйлчилгээний талбай, авто зогсоол, хогийн цэг зэргийг байгуулна.
Нийслэлийн Засаг дарга бөгөөд Улаанбаатар хотын Захирагч Д.Сумъяабазар 2022 оныг “Иргэний жил” болгон зарласан. Үүний хүрээнд нийслэлийн иргэдийн амьдрах орчныг сайжруулж, эрүүл мэндийг анхаарах, аюулгүй байдлыг хангахад чиглэсэн бодит үр дүнтэй ажлуудыг санаачлан, шат дараатайгаар зохион байгуулахад нийслэлийн бүх шатны байгууллагууд анхааран ажиллана.
Сэтгэгдэл0
МАН-ын мянгуужингийн үлгэр.Үүнд итгэдэг өмхий малууд олон байгаа нь Монголын эмгэнэл.
ам, зурагаар хуурахгүй шүү
Байгаа хэвээр нь орхио, харин хогийг нь түүж цэвэрлэвэл болоо
Нөгөө Бат-Үүл баатрын Арслантай гүүрэн дээр "бүтээн байгуулсан" усан хөшигний үлгэр үргэлжлэвэй
Лаг лаг зураг үзүүлээд, ингэхээрээ мянгуужингийн үлгэр эсвэл усан паркийн араас орно. Бид хардах, сэрдэх эрхтэй. Хэрэв мянгуужингийг үлгэр биш юмаа гэвэл Яагаад Богд уул талдаа? Доромжлоод байгаа юмуу, эсвэл Туул голын цаана амьдардаг хүмүүст зориулаад байгаа юмуу. Туул голын гүүр, уулын замд нэмж бөглөрөө үүсгэчихээд, дараа нь шийдэх гэж бөөн толглйны өвчин, дагаад бизнес. Зүгээр туул голынхоо хойд буюу хот талдаа төлөвлөмөөр л санагдах.
Түрүүчийн тохижилтын түүхийг харахад зөвхөн төр засгаа шүүмжлэхээс биш өөрсдөө өдөр цаг бүр улсаа хорлон сүйтгэх ажиллагаа явуулдаг хүн төрхтэй ч мал тархитай ард түмэн хог хаях, эвдлэн сүйтгэх үйлсийг өрнөн дэлгэр хийж төсвийн хөрөнгийг дайсан мэт сүйтгэсэн. Хараал идмэрүүд.
Усан завь явдаг байгууламж хийнэ гээд тэнэгтээд байсан. Мөнгө идэж болох бүх л аргыг хэрэглэж төсвийн мөнгийг идэж байх юм даа
Сэлбэ голоо эхлээд тохижуулчихаа
Хотын дундуур гол урсгаж усан тээвэр хөгжүүлнэ гэж байхын оронд харин туул голын дагуу тохижилт хийж туул голоор дээш доошоо явдаг усан тээвэртэй болсон нь дээр дээ.