МОСКВА. /TASS/. ОХУ-ын газрын тосны экспортод тавьсан барууны хориг 12 дугаар 5-ны даваа гаргаас буюу өнөөдрөөс албан ёсоор хэрэгжиж эхэллээ.
Тодруулбал, Европын Холбоо /ЕХ/ ОХУ-аас далайгаар экспортолдог газрын тосыг хүлээн авахаа зогсоож байгаа бол далайгаар тээвэрлэдэг Оросын газрын тосны үнийг нэг торх тутамд 60 ам.доллароор хязгаарлах “Долоогийн бүлэг”-ийн орнууд, Австрали болон ЕХ-ны шийдвэр хэрэгжиж эхэлсэн байна.
ОХУ нь Европт газрын тос нийлүүлэгч гол орон байсан бөгөөд Европын газрын тосны хэрэгцээний 20 орчим хувийг хангадаг байв. Гэвч Украинд явуулсан тусгай ажиллагааных нь хариуд барууны орнууд хориг арга хэмжээ авч эхэлсэн бөгөөд энэ нь газрын тосны экспортоос олох орлогыг нь хязгаарлах зорилготой юм.
ЕХ өнгөрсөн зургаадугаар сард ОХУ-ын эсрэг зургаа дахь багц хориг арга хэмжээг баталж, далайн тээврээр орж буй ОХУ-ын газрын тосны импортыг 12 дугаар сарын 5-наас, газрын тосны бүтээгдэхүүнийг хоёрдугаар сарын 5-наас хориглох талаар тусгасан бол "Долоогийн бүлэг"-ийн орнууд, ЕХ болон Австрали ОХУ-ын газрын тосонд үнийн дээд хязгаар тогтоох тохиролцоонд өнгөрсөн баасан гарагт хүрчээ.
Д.Жаргал
Эх сурвалж: "Монцамэ" агентлаг
Сэтгэгдэл0
укрхйн орсын крантуудыг хаалгасаар байна хрущев сталиныг шүүмжилж крымийг украйнд өгсөн үеээс эхлээд ёвропчууд америкууд сөргөлдөж эхэлсэн ялангуяа америк атомын бөмбөг хийж японыг бөмбөгдсөнөөс дэлхийн улс орнууд зэвсэглэлээр хөөцөлдсэн хрущев шүүмжилсээр горбачёв ЗХУ-ыг задалж устгаснаар фашист украйн үүсч улс бүр украйныг ашгилж орсыг доройтуулахыг хүсэж боож хаана бүүрэлхэнэ евразийн орос хятад улсууд дэлхийн тэргүүн улсууд болж чадна хятад хрущев шиг шүүмжлүүлээгүй задраагүй монголд цэдэнбалыг шүүмжлээд задраад юу ч гүй сөнөсөн украйнд цэргийн ажиллагааг идэвхжүүлэх нь гарцаагүй