Нийслэлийн хэмжээнд өдөр тутам 400 мянга гаруй тээврийн хэрэгсэл замын хөдөлгөөнд оролцдог бөгөөд замын ачаалал хэт ихсэж, түгжрэл үүссэнээр иргэдийг бухимдуулдаг. Эдгээр асуудлыг зохицуулах, холбогдох арга хэмжээг авах зорилгоор 2021 оны зургаадугаар сарын 22-нд Нийслэлийн Засаг даргын А/491 дүгээр захирамж гарч, Ажлын хэсэг байгуулан ажиллаж байна.
Уг Ажлын хэсэг "Замын хөдөлгөөн, тээврийн ухаалаг систем"-ийг нэвтрүүлэхээр тооцоо, судалгаа хийж байгаа юм. Тус судалгаа нь нийслэлийн зам, тээврийн асуудал хариуцсан төрийн байгууллагууд болон замын хөдөлгөөнд оролцогч талуудын харилцан уялдаа холбоог хангах, мэдээлэл солилцох чадварыг технологийн тусламжтайгаар сайжруулах зорилготой. Түүнчлэн чиг үүргийн байгууллагуудын үндсэн үйл ажиллагаанд орчин үеийн дэвшилтэт технологийн шийдлийг нэвтрүүлж, цаг хугацаа, зардал хэмнэх, тээврийн хэрэгслийн тоон өсөлтөөс хамааран гарах сөрөг үр дагавруудыг зохицуулах, тээврийн хэрэгслийн бүртгэлийн автоматжуулалт, хиймэл оюун ухаанд суурилан удирдаж, хянахаар зорьж байна.
Ажлын хэсгийн гишүүд аравдугаар сарын 18-нд ээлжит тавдугаар хуралдаанаа хийж, дээрх системийн дэд систем болох “RFID бүртгэлийн систем”-ийг нэвтрүүлэх талаар хэлэлцлээ. Ингэснээр нийслэлийн 161 цэгт буюу Улаанбаатар хотын авто замын уулзварууд болон шалган нэвтрүүлэх товчоон дээр RFID уншигч төхөөрөмжийг суурилуулах ажлыг зохион байгуулах юм. Үүнээс урьтаж "Авто замын хөдөлгөөн зохицуулалт, төлөвлөлтийн систем"-тэй холбоход шаардлагатай тооцоо, судалгааг хийж, ачаалал өндөртэй зарим цэгт хийсэн туршилтын ажлын талаар санал солилцож, холбогдох арга хэмжээг шат дараатай авч ажиллахаар тохиролцлоо.
Сэтгэгдэл0
Замын түгжрэл осол эндэгдэл утаа гээд сайн юм алга.
МАН-аас албан тушаал худалдаж авсан шахааны боловсролгүй өмхий махнууд арай барахгүй байлгүй..
хуучин баруунаас ирж байгаа автобусуудыг 40 мянгатын хуучин карма зогсоол нь байхад зогсоож өгөөчээ их дэлгүүр орос элчингээс урагшаа бүх цирк тойрсон айлууд машинаар хүүхдээ зүүн 4 замаас цаашхи бүх орос монгол сургуульд зөөж байна дөчин мянгатын аркан дээр автобус зогсоогоочээ Арай дэндэж байна шүү дөчин мянгатын дарга нараа-----------------------
Автобусыг ямар ч саадгүй явуул. Тэгсэний дараа хүмүүс машинаа тавиад автобусаао явсан нь дээр гэдгийг ойлгож эхлэнэ. Ингэж хий бантан хутгаж байхаар эхлээд гол нь автобусыг найдвартай унаа болго.
Хиймэл оюун ухаанд суурилан хийх тэр ажил чинь яаж түгжрэлийг бууруулах юм бэ?Ойлгомжтой тайлбарлаач!Хүмүүс ойлгохгүй,мэдэхгүй байна.Хийсэн үед нь л мэдэж,ойлгож авах байх!