Андын холбоос архи биш гэсэн агуулгыг Монголчууд нийтээрээ ойлгох, дор бүрдээ ухамсарлахаас аргагүй цаг ирж. Алгуурлах хугацаа бараг үлдсэнгүй. Үгүй бол хэлж ирдэггүй өвчин, зовлонгоор биш архинаас болсон ахуйн ослоор л эрүүл чийрэг, ид насны иргэдээ хэдэн зуу, мянгаар нь зуурдаар алдаж дуусаж мэдэхээр боллоо. Нэг ёсондоо монголчууд аюулт өвчин биш архины өмнө хүчин мөхөстөж байгааг баримт хангалттай хэлж өгч байна.
Албан ёсны статистикаас харвал манай улсын 21-ээс дээш насны нэг иргэнд жилд 55 литр архи, согтууруулах ундаа ногдож байна. Бүр нарийвчилбал, үүний 12 литр нь хатуулаг өндөртэй буюу спирт, 42 литр нь шар айраг болон бусад согтууруулах ундаа байгаа нь дэлхийн дунджаас даруй хоёр дахин өндөр үзүүлэлт юм. Уг нь ДЭМБ-аас тухайн улс орны нэг хүнд ногдох согтууруулах ундаа 8-9 литр байхад л үндэсний аюулгүй байдалд аюул учирч байна гэж үздэг. Гэтэл манай улсынх 12 литрт хүрсэн нь онц ноцтой гэж улаанаар тэмдэглэхээс аргагүй болсныг мэргэжлийн байгууллагууд хөндсөөр байгаа.
Гурван сая иргэний 100 мянган хүн амд ноогдох тоогоор авч үзвэл архины шалтгаант нас баралтаар дэлхийд бид тэргүүлж байгаа. Өөрөөр хэлбэл, хамгийн өндөр хэрэглээтэй нь Беларусь, Монгол Улс болж архинаас шалтгаалж нас барахаас гадна зохисгүй хэрэглээгээрээ мөн л дэлхийд хар тамга даруулах хэмжээнд хүрчээ. Гэтэл энэ үзүүлэлт буурах нь битгий хэл согтууруулах ундааны хэрэглээ жил ирэх тусам нэмэгдэж байгаа нь үндэсний аюулгүй байдалд аюулын харанга дэлдэж, туйлдаа хүрчээ.
АРХИНААС БОЛСОН АХУЙН ОСЛООР 2800 ХҮН НАС БАРЖЭЭ
Монголчууд нийтээрээ нэг л том дайсантай болж. Түүнтэй ухамсар, хандлагаараа л тэмцэхгүй бол төр засаг архи уухыг мянга түмэн удаа хориглож төмөр нүүрээ харуулаад эцсийн шийдвэр иргэний “тархи”-нд л бий. Дээр хэлсэнчлэн, архи яагаад ардын дайсан болов гэж үү. Цагдаагийн байгууллагын бүртгэл дээрээс багахан тоо нэмж, хасахад л бидний өнөөгийн дүр зураг ядах юмгүй гараад ирнэ. Тодруулбал, архи, согтууруулах ундаа хэтрүүлэн хордлогод орж өдөрт нэг, сард 30, жилд 363 хүн амь насаа алдсаныг сүүлийн таван жилээр нь тоймлож харвал зөвхөн архины хордлогоор 1817 хүн нас барсан байна. Үүнээс гадна бас нэг харамсалтай тоо нь мөн л архи, согтууруулах ундаа хэтрүүлэн хэрэглэж сард долоо, жилд 89 хүн осгож амь насаа алдсан. Үүнийг сүүлийн таван жилээр нь харвал 447 хүн осгосон. Үүн дээр архи согтууруулах ундаа хэрэглэсэн үедээ замын хөдөлгөөнд оролцож амь насаа алдсан нь 600. Өөрөөр хэлбэл, 2864 хүн зөвхөн архитай холбоотой ахуйн ослоор амиа алдсан байх жишээтэй. Гэтэл тэдгээр хүмүүс хэн нэгэн шиг эдгэшгүй өвчин тусаж эмнэлгийн үүд сахиагүй. Ажил хөдөлмөр хийж амьдралын төлөө тэмцэж яваад үрэгдээгүй нь даанч харамсалтай. Эндээс харвал, архи хэтрүүлэн хэрэглэснээс болж хамгийн багаар бодоход арван мянган халуун ам бүлийн элэг эмтэрч, ах, дүү хамаатан садан нь гомдол, харуусал дүүрэн энэ хорвоод үлдэж байна. Архийг тааруулж хэрэглэсэн бол, огт хэрэглээгүй бол, магадгүй тэр өдөр найз нөхөд, ажлын хамтрагчид нь дуудаагүй бол гэсэн хэрвээгээр дүүрэн асуулттай хоцорч байна. Тэгвэл архи согтууруулах ундаа нас баралтад хүргээд байгаа шалтгааны талаар Аддиктологийн төвийн донтолтын эмч Т.Түвшинжаргал “Нас баралтын гол шалтгаан нь архины хордлого буюу нэг дор их хэмжээгээр уух. Дараа нь хөлдөлт, осголт орно. Архи, согтууруулах ундааг нэг дор их хэмжээгээр хэрэглэснээс цоо эрүүл хүн нас барж байна. Байнгын тогтмол хэрэглээтэй бол хавсарсан өвчин, жишээлбэл, чихрийн шижин өвчинтэй хүн архи хэтрүүлэн хэрэглэснээс цусан дахь сахарын хэмжээ багассанаас шоконд орж нас бардаг. Эсвэл амьсгал боогдоод зогсчихдог. Санамсаргүй тохиолдлын үед архи уухаараа ухаан алдсанаас бөөлжсөндөө огиж, хахна. Мөн тархи, зүрх, элэг зэрэг эд эрхтэн архинд хордсоноос дутагдалд ордог. Хүн хордлогод орсноор ухаан санаанд нь өөрчлөлт орж орон зай, орчноо мэдрэхээ больж ухаан алддаг. Олон төрлийн хордлого дундаас архиных маш хүчтэй, амь насанд хүрэх хэмжээний аюултай. Архины хордлогод орсон хүн эмнэлгийн тусламж үйлчилгээ аваад ч аврах боломж тааруу. Архи хүний эд эрхтнийг усгүйжүүлдэг учраас цусны өтгөрөл үүссэнээс цус харвах, зүрх зогсох өндөр эрсдэлтэй. Архи, согтууруулах ундаа хүний биед 60-70 өвчин үүсгэж байдаг. Эхэн үедээ мэдэгдэхгүй ч аажимдаа хордуулж, өвчин үүсгэдэг учраас хүмүүс мэддэггүй. Тэр бүр эмнэлэгт ханддаггүй” гэлээ.
ХАГАС САЯ ХҮН ЭРҮҮЛЖҮҮЛЭГДЭЖ, 160 МЯНГАН СОГТУУ ЖОЛООЧ БҮРТГЭГДЖЭЭ
Ардын дайсан архидалт гэдгийг хэлж өгөх хоёр дахь баримт. Залуучууд ид хийж бүтээх насаа торны цаана өнгөрүүлж байгаагийн ихэнх нь бас л архины хорлол. Архи, согтууруулах ундаа хэрэглэж, бусдын биед өдөрт ес, сард 277, жилд 3326 хүн гэмтэл учруулжээ. Таван жилд 16.634 хүн ажил хийж гэр бүлээ халамжлах, улс орондоо баялаг бүтээх цаг хугацаагаа хуулийн байгууллагын үүд сахиж өнгөрүүлж байна. Үүнээс гадна эрүүлжүүлэгдсэн хүний тоо мөн л цочирдом. Архи, согтууруулах ундаа хэтрүүлэн хэрэглэж өдөрт 231, сард 6935, жилд 83231 хүн эрүүлжүүлэгдсэнийг таван жилээр нь нэмбэл 416.159 хүн болж байна. Өөрөөр хэлбэл, хагас сая хүн халуун ам бүлтэйгээ биш хүйтэн торны цаана хоног төөрүүлжээ. Үүний цаана цагдаад бүртгэгдээгүй ч их бий. Үүн дээр архинаас үүдэлтэй осол гэмтлийн тоог нэмбэл муухайгаар зүйрлэвэл “дайн” самуунтай орон шиг л байна. Сүүлийн таван жилд согтуугаар тээврийн хэрэгсэл жолоодож зам тээврийн осол гаргасан хүн 5152, гэмтсэн 897, согтуугаар тээврийн хэрэгсэл жолоодсон 163582 байх юм. Энэ бүхнээс харвал монголчууд архинд живсэн гэж хэлэхэд ер хилсдэхээргүй болжээ. Хүний амь нас хохирсон, гэмт хэрэг үйлдсэн, эрүүлжүүлэгдсэн гээд архины хамаарлаас үүдэлтэй эдийн засгийн хохирлыг тооцож барахгүй биз.
Уг нь эрдэнэт хүний алтан амийг аюулт өвчин л дийлдэг бол одоо архи ядах юмгүй ялж, үлдсэнийх нь амьдралыг төмөр торны цаана суулгаж орвонгоор нь эргүүлж байна. Үндсэндээ нийтээрээ архийг жигшиж, бүр болохгүй юмаа гэхэд соёлтой боловсон хэрэглэж дадвал бидний хүсдэг аз жаргалтай нийгэм цогцлоход том ахиц гарахаар байна. Харин эцсийн эцэст амьдралаа бүтэн авч үлдэх ухаан хувь хүний зүрх сэтгэл, ухамсарт л бий. Өөр юунд ч найдаад нэмэргүй. Тиймээс ардын дайсан болсон архидалттай одоо л тэмцэхгүй бол хожимдох нь ээ.
Цагдаагийн байгууллагаас арваннэгдүгээр сар болон арванхоёрдугаар сарыг бүхэлд нь архи согтууруулах ундааны зохисгүй хэрэглээнээс үүдэлтэй хүн амын эрүүл мэнд, нийгмийн аюулгүй байдал, эдийн засагт үзүүлэх сөрөг нөлөөллийг бууруулах, хорт зуршлаас ангид шинэ үеийг төлөвшүүлэх зорилготой “Намайг алгас” аяныг зарлаад байна. Энэ хүрээнд хамт олон найз нөхдийн архидалт, хавтгайрсан хэрэглээнээс залуу үеийг татгалзах, чөлөөт цагаа зөв болсон өнгөрүүлж гэр бүлдээ зарцуулах. Түүнчлэн бүх нийтэд хэрэглээний зөв соёл, хандлага, сонголтыг уриалж буй юм. Мөн архи согтууруулах ундаатай тэмцэх Төрийн тэргүүний зарлиг гарсан. Энэ талаар Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан “Архидалт, ажилгүйдлээс үүдэж айл гэр, нийгмийн амьдралд гарч байгаа сөрөг үр дагаварыг бууруулахын тулд аль алиныг нь орхигдуулж болохгүй.Хамтад нь цогц байдлаар хийнэ. Согтууруулах ундааны хэрэглээтэй холбоотойгоор архинд донтсон хүмүүс 6.2 хувьтай байна. 21-ээс дээш насныхны тархалтыг тоогоор нь харвал 90 мянга орчим байна. Хүн амины хэргийг авч үзэхэд согтууруулах ундааны шалтгаант гэмт хэрэг дунджаар 60 хувьтай байсан бол 2022 онд 88.7 хувь болж өссөн. Үүний цаана ихэвчлэн 38-40 градусын хатуулаг өндөртэй согтууруулах ундаа хэрэглэсэн шалтгаан өндөр хувийг эзэлж байгаа нь аюул юм. Архидалттай тэмцэх 10 жилийн цогц арга хэмжээ зарлаж байна гэсэн үг. Энэ хугацаанд хатуулгийг жил бүр хоёр хувиар бууруулна. Мөн боловсролын сургалтын агуулгад тусгаж өгөх зэргээр бодлогын цогц арга хэмжээг хэрэгжүүлэх бодит хүлээлттэй байгаа” гэж манай сонинд ярилаа.
С.УЯНГА
Эх сурвалж: “Зууны мэдээ” сонин
Сэтгэгдэл0
Монголчууд аюулт өвчнөөс илүү Ардын намынхны авлига хулгай дээрмийн өмнө хүчин мөхөстөж байна .
Хүлцэнгүй эв нэгдэлгүй тархай бутархай харанхуй гэнэн монголчууд хүчин мөхөсдөх нь аргагүй.
Авилга хулгай дээрмийн жинхэнэ баатрууд бол ардчилагч нэртэй луйварчид.Эд нар ард иргэдийн итгэлийг дэндүү хөсөрдүүлж байж сонгуулиар навс цохиулж унасан. Эд нар хэзээ ч засрахгүй нийгмийн шаарууд гэдгийг ард иргэд мэдэх болсон.Бохир муухай ажиллагаанаасаа болж эд ард иргэдийн өмнө нэр төрөө барсан.Харин одоогийн төрд байгаа хүмүүс одоогийн учирч буй элдэв хүндрэлийг хохирол багатай даван туулж эдийн засаг бизнесийг сэргээх улсындансыг арвижуулах,ард иргэдийн амьдралыг хэвийн болгох, бага ч гэсэн юм бүтээх гэж чадлаараа зүтгэж байна. Манайд МАН-аас өөр улс орноо амжилттай аваад явах улс төрийн хүчин алга.
АЖИЛГҮЙ ХҮН ЧИНЬ АРХИ Л УУНА Ш ДЭЭ ӨӨР ЮУ ХИЙХ ВЭ ДЭЭ ИНГЭХЭД ТАНИЛ НЬ УЛСААС МӨНГӨ ХУСААД ХУЛГАЙЛААД БАЯЖААД БАЙГААГ ЧИ ҮХЭН ХАТАН АЖИЛ ХИЙГЭЭД ӨЛБӨРЧ ҮХЭХГҮЙ АМЬ ЗУУЖ БАЙГААГАА ХАРААД ГУТРААД АРХИ УУЖ СУУСАН НЬ ДЭЭР ГЭЖ ҮЗЭЭД БАЙГАА ЮМ БИШҮҮ
Харанхуй мунхаг монголчууд архи уугаад үхэцгээнэ биз хэнд хамаатай юм.
төрийн албан тушаалтан эрх мэлэлтэнүүд улс хөгжүүлэх мөнгөнд мөхөсдөж түүний доор амьдрагсад тэднии хорт архинд мөхөсдөж байгаа юм бишүү 6настай хүүхэдээ харж сумын төвд гэр бүл нь сууршиж ганц бие эр эхнэр хүүхэдээ сүү мах дөхүүлээд буцахдаа хужаа мотоуикль унаж хужа спирттэй хямд архи замдаа сөгнөж осолоор үхэж гэмтэж хүйтэн гэртээ уулын мухарт хужаа архиаараа бүлээцэж хүүхэд эь сумын төвд хугцаа хэтэрсэн буруу хадлгасан хужаа гоймон бэлэн хоол илэж эдгэшгүй өвчин олж мөхөж байна
arxiny uildveruudee xaaj xunsnii xangamjiin aguulax barymaar yum daa
Сумын төв аймгийн төвийн архичид ! Хотын гэр хороолол болон орон сууцны байнгын архичид гэсэн харьяалалтай идэвхтэй 120 мянган хүн байна ! Бүгд ажилгүй эсвэл аар саар жижиг ажил болон харуул маруул хийдэг ! Эд нарт архины мөнгө олдож л байвал өдрийн баясгалан !! Бёлорусь хүртэл манайд атаархаж байна ! Эд нарыг яах вэ ! Хүмүүжихээсээ өнгөрсөн хүмүүс !!
Дээрэмчин Америк сүүлийн 30 жилд Монголыг минь Ардчилал, хүний эрх гэдэг гоё үгээр хуурч, дэлхийд хосгүй Оюутолгойн ордыг минь дээрэмдлээ, Дэлхийн банк, Олон улсны Валютын сан гэж гоё үгээр хуурч, 0-100 насны хүн бүрийг 30 сая төгрөгийн гадаад өртэй болголоо, залуу үеийг маань ажил хөдөлмөр мэддэггүй, нийгмийн ямар ч баялаг бүтээдэггүй, зөвхөн бусдын бүтээсны цусладаг хувалзнууд болголоо, Прииус унаж хот, хөдөөгүй тэнэдэг, өдөржин шөнөжин гар утас мааждаг болголоо, боловсролгүй, харанхуй бүдүүлэг, шинжлэх ухааны ямар ч ойлголтгүй тас харанхуй болголоо, залуучуудын минь эх орон сэтгэлийг бүрэн устгаж, зөвхөн өөрийн утсан чинээ улаан амиа боддог бэртэгчингүүд болголоо, нам дагагсад, цүнх барисад, авилгалчид болголоо, охид, хүүхнүүдийг маань янханууд болголоо, ер нь ерөнхийд монголчуудыг маань хүн дүрстэй адгуусан амьтад болголоо.... Ер нь монголчууд дээрэмчин Америкаас салсан цагт л өндийх юм байна, хэрвээ энэ хэвээр дээрэмчин Америкийг дагаж далдагнаад байвал Монгол маань мөхөж устах юм
Монголд үйлдвэолэсэн архи хор ихтэй байна. Өвөрмонголчууд монголын архи огт хэрэглэдэггүй гэсэн. Манай үйлдвэрүүд Хятад хийлгүүлээд охуудж ирджш юм биш үү? хи шаальд хэдэг төгрөг атгуулаад гүйцээ. Архи уух гь эрх бхригчдад хэрэгтэй. Архиёид тэднийг шүүмжлэхгүй, соншуулиар санады нв хупалпаж авахад хямд тусдаг.
Манайд архийг хаанахын ямар спиртээр ямар технологоор хийж байдгийг тогтоох,Дэлгүүр мухлаг бүр архи зардаг,тэнд ньӨРГӨЛИЙН гэгдэх "шар тайлдаг" архи бэлэн байдаг.ТОНГОЛЫН архичид хаач явсан БААТАР мэд аашилдаг.Шуудхан хэлэхэд манайд ХҮНИЙ ЭРХ гэсэн хэиэрсэн зүйл зохихгүй байна.Хүний эрх ярисан түүгэр хооллодог ажитнууд барууныхны үгээр ашиг олж ард олныг улам ТЭРСҮҮД болгож байна.