сонин mn
Сэтгэгдэл (41)
Сая юу болоод ѳнгѳрѳв ѳѳ??? Дэлхий даяар цар тахал, дайны түгшүүртэй байгаа энэ цаг үед дэлхийн томчууд ээлж дараалан Монголд айлчлав. Оросын гадаад харилцааны сайд С.Лавров, Хятадын гадаад харилцааны сайд Ван И, НҮБ-ын Ерѳнхий нарийн бичгийн дарга А.Гутерреш нар Монголд айлчлахдаа гадаад нѳхцѳл байдлаас шалтгаалан гацаж байсан Монголын хэд хэдэн тѳслүүдийг хѳдѳлгѳх боломжийг бүрдүүллээ. 
 
1.Олон жил гацсан Эрдэнэбүрэнгийн усан цахилгаан станцыг эхлүүлэхээр болов
2.Боомтуудын хүчин чадлыг өргөжүүлж нүүрс тээвэрлэлтийн хэмжээг нэмэгдүүлнэ
3.Монголын нутагт баригдаж буй тѳмѳр замын байгууламжуудыг Хятад, Оросын тѳмѳр замтай холбох
4.Хятад улстай нүүрсний экспортыг урт хугацаанд тогтвортой хѳгжүүлэх гэрээ
 
 
Яг үнэндээ Монголын эдийн засаг хямарч, хүнд байдалд орж болзошгүй энэ цаг үед энэ бол маш зоригтой хийгээд зѳв алхам. Бид ѳнѳѳгийн нѳхцѳлд гацсан тѳслүүдээ хѳдѳлгѳж, эдийн засгийн үр нѳлѳѳгѳѳ хоёр дахин нэмэгдүүлж байж цаашдын хѳгжлийн талаар ярьж болно.
 
 
Энэ бүхнийг энэ ЗГ-ыг тэргүүлж буй Ерѳнхий сайд Л.Оюун-Эрдэнэтэй холбож ярих гэхээр “Дѳрвѳн зуун сая жуулчин”… Андлалын хѳшѳѳ”… энэ тэр бла бла бла… Л.Оюун-Эрдэнийг магтвал нийгэмд адлагдана гэдэг айдас, хий үзэгдэл шиг Монголоор тэнүүчилж явна. Л.Оюун-Эрдэнэ залуу хүн, түүнд зѳндѳѳ алдаа бий. Алдаж хэлсэн нь буй ч мушгиж гуйвуулж байгаа нь ч бий. Гэхдээ залуу хүний алдаагаар ололтыг нь нулимж болохгүй л дээ. Мөнгөөр худалдагдсан сошиал троллуудын гай энэ. Бас Монголын хѳгжлийг хувийн эрх ашгийнхаа тѳлѳѳ гацааж, бүлэглэлийн хэмжээнд ашиг горьдож буй егзѳр улстѳрчдийн тоглолт ч энд байгаа. Л.Оюун-Эрдэнэ Монголын тѳрийн хэмжээнд гажуудсан тогтолцооны эсрэг боломжоороо л тэмцэж байна.
 
1.Оюу толгойн гэрээг Монголын талд бага боловч ашигтай байхаар шийдэлд хүргэлээ
2.“Хѳгжлийн Банк” ны хууль бус завшилуудыг илрүүлж ѳрийг тѳлүүлж эхэллээ
3.Алдагдсан боломжуудын ѳртгийг буруутай этгээдүүдээр нѳхѳн хариуцлага тооцох шийдвэрийг гаргалаа
4.Тѳрийн албанд шинэ үеийн залуусыг ажиллуулж, тэднийг дадлагажуулж байна
5.Монголын гадаад харилцаан дээр шинэ алхмуудыг хийж, нэр хүндээ дэлхийн хэмжээнд ѳсгѳхийг хичээж буй
 
Алдагдсан боломж гэдэг бол гуравхан сая хүнтэй, асар их баялагтай Монгол орны хѳгжлийг хувийн ѳчүүхэн эрх ашгийн тѳлѳѳ, хувиа хичээсэн бэртэгчин шуналынхаа тѳлѳѳ, атгаг шуналынхаа тѳлѳѳ ѳѳр хоорондоо нэгдэж бие биенээ барьцаалсан, шударга бус үйлдлийг хайцаалсан тэнэг улстѳрчдийн үйлдэл юм. Түүнээс шалтгаалан Монголд баян ядуугийн хэт ялгарал, үзэн ядалт, зусардалт, тэнэглэл хэрээс хэтэрч буй. Монголын ЗГ-ын үүрэг хариуцлага үүн дээр чиглэх ёстой. Улс тѳрийн намуудын тогтолцооны гажиг ч түүнийг “хавчиж” байгаа байх. Гэхдээ тэр сайн ажиллаж байгаа.
 
Харвардын Их Сургуулийн “Кеннедийн хѳтѳлбѳр” бол дэлхийн хэмжээнд ирээдүйтэй улс тѳрчдийг хѳгжүүлэх зорилготой. Нэгхэн жилийн хугацаатай энэ хѳтѳлбѳр дэлхийн ирээдүйтэй улстѳрчдийг хооронд нь танилцуулах геополитикийн зорилготой ч, улс орныхоо хѳгжлийг дэлхийн хэмжээнд харж, түүнтэй уялдуулах боломжийг олгодог юм билээ. Харвардад элсэхээсээ ѳмнѳ бичиж байсан “Алсын хараа” номоо Монгол улсын хѳгжлийн тѳсѳѳлѳл болох “Алсын хараа 2050” хѳтѳлбѳр болгосон нь түүний гавьяа.
 
Монголын түүхэн дэх хамгийн залуу сайд болох түүнд зѳндѳѳ алдаа оноо байгаа. Бизнес хийж үзээгүй, улстѳрѳѳр дагнан явсан болохоор амьдралаас хѳндий шийдвэр гаргаж байж магад. Гэхдээ шийдвэрийг багаар гаргадаг болохоор эргэн тойронд нь байгаа хүмүүст бас л хамаарна. Ер нь тэгээд албан тушаалд заавартайгаа очдоггүй болохоор алдаж байж л туршлага суудаг. Хамгийн гол нь сэтгэл болон хандлага нь зѳв байх ёстой. Америкт байхаасаа л нѳхѳрлѳсѳн олон жилийн нѳхѳрлѳл биднийг холбодог. Бидний хооронд ах дүүгийн холбоос л бий. Түүний алдаанд нь шаналж, ололтод нь баярладаг хүний  нэг нь би. Монголын хѳгжлийг шинэ үеийн залуус л түүчээлнэ. Ирж буй шинэ цагийн сайхан дууг бидний хѳгшчүүд дуулдаггүй юм, харин залуус түрж дуулдаг юм. Аль болох олон залуус түүнийг дэмжиж нэгдээсэй гэж би чин сэтгэлээсээ хүсдэг.
 
Энэ бичвэрийг уншаад намайг харааж зүхэх гэж байгааг тань ойлгож байнаа. Гэхдээ бидэнд олны олон нэг хүнийг барьж идэхээс илүүтэй Монголын хѳгжил хамгаас чухал байна. Тэр нь надад бас чамд хамаатай. Бид урагшилсаар л байгаа шүү, ѳѳдрѳгѳѳр харвал. Нарыг алгаараа хааавал харанхуй харагдана, харин алгаа холдуулбал бүх ертѳнц гэрэлтэй харагддаг.
 
                                   
 
 
 Харнууд овгийн Гомбосүрэнгийн Галбадрах