Улаанбаатар /МОНЦАМЭ/. Сонирхогчдын бодибилдинг фитнесийн дэлхийн аварга шалгаруулах ес дэх удаагийн тэмцээн энэ сарын 6-8-нд “Улаанбаатар палас”-ын их танхимд болж шилдгүүдээ тодрууллаа.
Энэ жилийн дэлхийн аваргын тэмцээнд дэлхийн хошой аварга Г.Угалзцэцэг дахин тэргүүн байр эзэлж, гурав дахь удаагаа Дэлхийн аваргын алтан медаль хүртсэн байна. Монголын эмэгтэй тамирчид багаараа түрүүлж, алтан медаль хүртсэн бахдам амжилт үзүүллээ.
Энэ удаагийн ДАШТ-д 40 орны 400 гаруй тамирчин, 100 гаруй албан төлөөлөгч, шүүгч, зохион байгуулах баг бүрэлдэхүүнтэй оролцжээ. Тамирчид залуучууд, насанд хүрэгчид, ахмад гэсэн гурван насны 42 ангиллаар өрсөлдөж, аваргуудаа шалгаруулсан байна.
Тухайлбал, эрэгтэй, эмэгтэй фитнес, бодибилдинг модель, үнэмлэхүй аварга буюу “Mr.Universe-2017”-гийн эздийг тодруулсан юм. Бодибилдинг, фитнесийн ДАШТ-д манай баг тамирчид нийтдээ найман алтан медаль хүртжээ.
Д.Өлзий
Эх сурвалж: Монцамэ агентлаг
Сэтгэгдэл0
Бүсгүйчүүд маань ч чангарч байна шүү. Эрчүүд маань л сандал ширээгээ булаацалдсаар энэ намрыг үдлээ. Ичмээр юм
Энэ сайхан хөдөлмөрч хүчирхэг эмэгтэйд баяр хүргэё амжилт хүсье.
Энэ олон удаагийн амжилтийг манай төр үнэлж, ямар шагнал гардуулах бол оо? Энэ эмэгтэй маш их хөдөлмөрч, тэвчээртэй бүсгүй юм даа, баяр хүргэе, баярлалаа