ДАШТ-2022-ыг Катараас өөр оронд явуулах шаардлага тавив

Нийтэлсэн: 2017-07-16 11:50:47

МОСКВА./TASS/. Арабын зургаан орон 2022 онд болох ДАШТ-ийг Катараас өөр улсад явуулах шаардлагыг Олон улсын хөлбөмбөгийн холбоонд /ФИФА/ хүргүүлсэн байна.
 
The Local портал хуудсанд мэдээлснийг үзвэл, Саудын Арави, Йемен, Мавритани, АНЭУ, Бахрейн, Египет гэсэн зургаан улс дээрх шаардлага бүхий захидлыг ФИФА-д илгээжээ.
 
Захидалд өгүүлснийг үзвэл “Катар нь террористуудын бааз болж байгаа учраас хөгжөөн дэмжигчдийн аюулгүй байдлыг хангаж чадахгүй” гэсэн байна. Хэрвээ ФИФА шаардлагыг нь хүлээж авахгүй бол дээрх зургаан улс ДАШТ-ийг бойкотлох аж. 
 
Үүнтэй холбогдуулан ФИФА-гийн ерөнхийлөгч Жанни Инфантино мэдэгдэхдээ “эдгээр зургаан улс Катарт болох тэмцээний үеэр хөгжөөн дэмжигчид болон тоглогчдын хувьд эрсдэл үүсч болзошгүй гэдгийг бидэнд анхааруулсан” гэлээ.
 
Сануулан дурдахад, ДАШТ-ийг зохион байгуулах эрхийг Катар улс 2010 оны 12 дугаар сарын 2-нд авсан юм. Тэмцээнийг зохион байгуулах зардал 8-10 тэрбум болох төлөвтэй байгаа бөгөөд энэ мөнгөний ихэнхийг шинээр цэнгэлдэх хүрээлэн болон бэлтгэл сургуулилтын төвүүд барихад зарцуулж байгаа аж.
 
Катарын ДАШТ 2022 оны 11 дүгээр сарын 21-нээс 12 дугаар сарын 18-ныг хүртэлх хугацаанд тус улсын Доха, Лусаиль, Аль-Вакра, Аль-Хора, Аль-Райана, Умм-Салала болон Мадинат-аш-Шамаль гэсэн долоон хотод болно.
 
Х.Сарнай 
Эх сурвалж: Монцамэ агентлаг
СУРТАЛЧИЛГАА :

0 сэтгэгдэл харуулж байна        

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: