Хятад улс хөлбөмбөгийн ДАШТ-ийг зохион байгуулах хүсэлтэй байгааг илэрхийлжээ

Нийтэлсэн: 2017-06-15 17:10:27

МОСКВА./TASS/. БНХАУ-ын дарга Ши Жиньпин Олон улсын хөлбөмбөгийн холбооны /ФИФА/ тэргүүн Жанни Инфантиног Бээжинд хүлээн авч уулзах үеэрээ "ирээдүйд хөлбөмбөгийн ДАШТ-ийг эх орондоо явуулна "гэдэгт найдаж байгаагаа илэрхийлжээ. Энэ тухай ФИФА-гийн албан ёсны цахим хуудсанд мэдээлсэн байна.
 
Уулзалт Тяньаньмэний талбайд байрлах Ардын хурлын ордонд болж, нэг цаг орчим үргэлжилжээ. Уулзалтаар мөн Хятадад хөлбөмбөг улам бүр түгэн дэлгэрч байгаа талаар ярилцсан байна. Ж.Инфантино хөлбөмбөгийг Хятадад түгээн дэлгэрүүлэх үйлсэд хувь нэмрээ оруулж байгаад нь Хятадын төрийн тэргүүнд талархал илэрхийлээд, хүн бүрт хүртээмжтэй хөлбөмбөгийн спорт нь нийгмийн болон соёлын ялгааг арилгахад чухал үүрэг гүйцэтгэдэг болохыг онцлон тэмдэглэжээ.
 
Хариуд нь, Ши Жиньпин Хятад улсад хөлбөмбөгийн ДАШТ-ийг зохион байгуулах гэсэн тус улсын хөгжөөн дэмжигчдийн мөрөөдөл биелнэ гэдэгт найдаж байгаагаа илэрхийлжээ.
 
Уулзалтын дараа Ж.Инфантино хэлэхдээ “Бид ирээдүйд хамтарсан олон төслүүдийг хэрэгжүүлэхийг тэсч ядан хүлээж байна” гэлээ.
 
Дашрамд дурдахад, одоогийн байдлаар хөлбөмбөгийн ДАШТ-2026-г зохион байгуулах хамтарсан мэдүүлгийг АНУ, Мексик, Канад улс өгөөд байгаа аж.
 
 
О.Барс 
Эх сурвалж: Монцамэ агентлаг
СУРТАЛЧИЛГАА :

3 сэтгэгдэл харуулж байна        

  1. Ойрхон болвол аштай юу даа. Манай фанатууд давхиж очоод үзхэд хямд.

    HM, 2017-06-16 07:00:33, 82.132.186.127Хариу бичих

  2. Таны нэр:

    Тайлбар:

  3. БНХАУ-г дэмжиж байна.Катар шиг юманд өгч болсон юм БНХАУ авахад саад байхгүй.Манай хэд ч очиж үзэхэд ойр дөт юм.

    зочин, 2017-06-16 16:33:05, 43.242.243.194Хариу бичих

  4. Таны нэр:

    Тайлбар:

  5. Хямд юманд бүү үхэлд.Үнэтэй юм сонирхох хэрэгтэй.Дандаа доошоо доошоо гээд байвал хулгайч болоод дуусна.

    Зочин, 2017-06-17 08:38:49, 27.123.214.82Хариу бичих

  6. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: