Р.Федерер 90 дэх удаагаа тэмцээний түрүүг авлаа

Нийтэлсэн: 2017-03-20 10:46:38

МОСКВА./TASS/.Швейцарийн тамирчин Рожер Федерер Америкийн Индиан-Уэллс хотод болсон 7 сая долларын шагналын сантай Мэргэжлийн теннисчдийн холбооны тэмцээний шувтаргын тоглолтонд эх орон нэгтэн Стэн Вавринка-г хожлоо.
 
Федерер 6:4, 7:5-ын харьцаагаар өрсөлдөгчөө ялжээ.
 
Өдгөө 35 настай Р. Федерерийн хувьд энэхүү тэмцээнд түрүүлснээр 90 дэх удаагаа түрүү авч байгаа бөгөөд үүнээс "Их дуулга"-ын цуврал тэмцээнд 18 удаа түрүүлжээ. Индиан-Уэльс-д Швейцарийн тамирчин тавдахь удаагаа ялж байгаа бол хоёр ч удаа шувтаргын тоглолтонд хожигдож байжээ.
 
Өдгөө 31 настай Вавринка-гийн хувьд анх удаагаа Индиан-Уэльс-д финалд үлдсэн юм. Тэрбээр нийтдээ Мэргэжлийн теннисчдийн холбооны тэмцээнүүдэд 15 удаа түрүүлж байснаас Их дуулгын тэмцээнд гурван удаа аваргалсан байна.
 
О.Барс
 
Эх сурвалж: “Монцамэ”агентлаг
СУРТАЛЧИЛГАА :

0 сэтгэгдэл харуулж байна        

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: