Сагсан бөмбөгийн дээд лигийн тэмцээн хэзээ эхлэх нь тодорхойгүй байна

Нийтэлсэн: 2017-01-10 16:05:50

Монголын Үндэсний Сагсан бөмбөгийн Холбоо /МҮСБХ/-ноос гаргасан “Спортын төв ордон заал өгөхгүй байгаа учраас лигийн тэмцээн явуулах боломжгүй” гэсэн мэдээллийн мөрөөр Биеийн тамир Спортын газраас  үгүйсгэсэн тайлбар хийв.
 
Мөн үеэр МҮСБХ-ны менежер С.Тулга хэвлэлийнхэнд мөн мэдээлэл  өгсөн юм.
 
Спортын төв ордон/СТО/-ы менежер Г.Нямдорж“МҮСБХ-г шахаж, гадуурхсан зүйлгүй. Есдүгээр сард “Монголын сагсан бөмбөгийн холбооны “Чингис хаан” тэмцээн хуваарийн дагуу есдүгээр сарын 7-16-ны өдрүүдэд болсон. Дараа нь есдүгээр сарын 16-21-ны өдрүүдэд МҮСБХ-ны ерөнхий нарийн бичгийн дарга С.Тулга  Зүүн Азийн аварга шалгаруулах тэмцээний бэлтгэл хийх хүсэлт ирүүлсэний дагуу заал өгсөн.  Нийслэл ганцхан Спортын төв ордонтой учраас олон байгууллагууд манайд ханддаг. Одоогийн байдлаар 20 гаруй байгууллагаас хүсэлт ирсэн байгаа учир гэрээ хийж чадахгүй байна” гэлээ.
 
Харин МҮСБХ-ны ерөнхий нарийн бичгийн дарга С.Тулга ийнхүү ярилаа.
 
 
 “Манай холбоо жил бүрийн 11 дүгээр сард Сагсан бөмбөгийн үндэсний дээд лигийн тэмцээнийг зохион байгуулдаг уламжлалтай. Өнгөрөгч оны 12 дугаар сард бид энэхүү тэмцээнийг зохион байгуулах хүсэлтээ БТСГ-ын бичиг хэрэгт хүрүүлсэн. Гэвч одоо хүртэл хариу өгөхгүй, гэрээ хийхгүй байна. Одоо Спортын төв ордонд зөвхөн 21 аймгийн лигийн тэмцээн л явагдаж байна. Асуудлаа шийдүүлэх гэж бид олон удаа хандсан ч тус газрын дарга Ц.Шаравжамц, Г.Нямдорж нар хүлээн авч уулзахгүй байсаар өдий хүрлээ.
 
Бид сүүлийн дөрвөн жилийн туршид 200 гаруй сая төгрөгийг Спортын Төв Ордонд төлсөн. Улсад жилд 40 сая төгрөгийн татвар төлдөг. Энэ газрын өмнөх дарга нартай он дуустал гэрээ хийсэн  ч лигийн тэмцээн зохион байгуулах заал өгөхгүй байгааг гайхаж байна. Спортын төв ордны заалыг сагсчид  даваа, лхагва, баасан гарагийн орой 18.00-22.00 цагийн хооронд ашигладаг. Ойлголцоод шийдэл хүрэх гэсэн болов ч одоо хүртэл дарга нар нь олдохгүй байна” хэмээв.
 
М.Аминаа
 
Эх сурвалж: “Монцамэ”агентлаг 
СУРТАЛЧИЛГАА :

2 сэтгэгдэл харуулж байна        

  1. Чөлөөтийн Наранбаатарыг дарга байхад яаж луйвар хийж мөнгө төлөхгүй Coca cola-с авсан их мөнгийг хувааж идэж байлаа. Одоо аудит оруулах хэрэгтэй. БАС ГАЗРЫН санхүүд. Их луйвар бий дээ. Тусгай сууна бариулж охидын биеийг үнэлүүлж мөрийтэй покер тоглодог байсандаа. Цагаанбаатар Бадарууган жүжигчин Цоомоо нтр гээд. Камерын өмнө болохоор үнэнч шудрагын туйлууд. Далд болохоор бүх л бузрыг хийдэг байсан даа

    Зочин, 2017-01-11 00:13:40, 85.179.25.197Хариу бичих

  2. Таны нэр:

    Тайлбар:

  3. Tulgaa uuduu hayasan chuluu uuriin tolgoi deer gedeg de. Odoo yahav deed liggui bolloo. Umnuh holboog yaj jiij gaduurhaj bailaa hariugaa hurteh tsag bolsoon yum eeljtei. Gonshigonoh yum bhgui e aimgiin lig chamd hangalttai

    sagsnii margaan, 2017-01-12 09:55:24, 202.70.46.237Хариу бичих

  4. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: