БЭЭЖИН. /Kyodo/. “Бээжин-2008” зуны Олимпын наадамд оролцсон тамирчдаас авсан дээжийг дахин шинжлэн судлахад уг Олимпоос медаль хүртсэн 23 тамирчны сэргээшийн шинжилгээний хариу эерэг гарчээ.
Сүүлд болсон хоёр Олимп буюу Бээжин болон Лондоны Олимпын наадамд оролцсон тамирчдаас авсан дээжийг Олон улсын Олимпын хороо /ОУОХ/ Дэлхийн сэргээшийн эсрэг агентлагтай хамтран хамгийн сүүлийн үеийн дэвшилтэт технологийг ашиглан энэ оны гуравдугаар сараас хойш дахин шинжилж байгаа билээ.
Бээжингийн Олимпын 386 тамирчны сэргээшийн шинжилгээний хариуг ОУОХ өчигдөр гаргажээ. Тус хороо мэдэгдэхдээ “спортын дөрвөн төрлийн 30 тамирчин сэргээшийн шинжилгээнд унасан. Эдгээр тамирчны 23 нь “Бээжин-2008”-аас медаль хүртсэн тамирчид” гэв.
Мөн Лондоны Олимпод оролцсон 138 тамирчны сэргээшийн шинжилгээний дүнг ОУОХ танилцуулан “спортын хоёр төрлийн 15 тамирчны шинжилгээний хариу эерэг гарсан” гэлээ.
Сэргээшийн шинжилгээнд унасан тамирчдын нэрс болон аль улсын тамирчид болохыг ОУОХ мэдэгдсэнгүй. Харин холбогдох улсуудын Олимпын хороонд шинжилгээний дүнг мэдэгдсэн байна.
Шинжилгээний хариу нь эерэг гарсан тамирчид Риогийн Олимпод оролцох боломжгүй юм. Нийтдээ Бээжингийн Олимпод оролцсон 60, Лондоны Олимпод оролцсон 38 тамирчин сэргээшийн шинжилгээнд унаад байна.
Г.Доржханд
Эх сурвалж: "Монцамэ" агентлаг
Сэтгэгдэл0
манайхан гайгүй байгаа. яагаад нэрий нь гаргахгүй байгаа юм бол .. нэг учир байна даа.. дандаа том гүрнийхэн биз дээ бодвол
Монцамэ-гуайн мангаа хэлийг яанадаа."Эерэг" гэдэг үг монгол хэлэндээ юмыг сайн хэлэхэд хэрэглэдэг үг юмсан. Гэтэл энэ Доржханд эсрэг утгаар нь, муу хэлэхэд хэрэглэсэн байх юм. Манай Монголын чухал агенлагийн хэл ер нь юу болж байна? Дэлхий дахины, олон улсын сэдвээр ингэж аваарьтай бичих тун осолтой шүү.
shinjilgeenii hariy eyereg surug gej garaad surug n sain shu de
Хүнд жоохон ойлгогдохоор юм бичээчээ.