Лхагва - 04 сарын 24,
2024
100 буудалт даамын өсвөрийн ДАШТ-ийн 8-10 насанд Б.Өнөржаргал таван өргийн дараах байдлаар тэргүүн байр эзэлж байна.
Өнгөрсөн ням гарагт Эстонийн нийслэл Таллин хотноо эхэлсэн тус тэмцээнд 14 орны 128 өсвөрийн даамчид оролцож байгаа бөгөөд манай улсаас 12 тамирчин өрсөлдөж байна. 8-10, 11-13 насны ангиллаар явагдаж байгаа уг тэмцээний аваргууд ирэх бямба гарагт тодрох юм.
Охидын 8-10 насанд Б.Өнөржаргал 8 оноотой 4 хожил, 1 хожигдолтой тэргүүлж байна. Энэ насанд нийт 28 даамчин өрсөлдөж байгаагаас Б.Мишээл, Б.Мөнжин 12, 15 дугаар байр эзлэж явна. Харин охидын 11-13 насанд С.Энхтүвшин 4 өргийн дараах байдлаар 6 оноотой 5 дугаар байр, Г.Дүүрэнбилэг, Э.Маргад нар 8, 11-р байрт жагсаж байна.
Хөвгүүдийн 8-10 насанд 28 тамирчин өрсөлдөж байгаагаас манай даамчин Э.Үйлстөгөлдөр 6 оноогоор 9 дүгээр байр, Б.Баярмагнай, Б.Сүхбат нар 5 оноогоор 11, 13-р байрт жагсаж байна. Мөн хөвгүүдийн 11-13 насанд 36 тамирчин өрсөлдөж байгаагаас Ц.Чинзориг 6 оноогоор 10 дугаар байрт, С.Мөнх-Оргил 5 оноогоор 19 дүгээр байрт, М.Лувсандорж 3 оноогоор 30 дугаарт тус тус бичигдээд байна.
Д.Өлзий
Эх сурвалж:
Сэтгэгдэл0
Хэ хэ. 100 буудалт даам гэхээр нэг л жол сонсогдох юм. Зуун айлын зах, автобусны буудал, пионерийн зуслан дээр тоголдог даам л санаанд орох юм байн шүү дээ. Уг нь Англи ч юмуу ориг нь ч юмуу бүү мэд Draught билүү нэг иймэрхүү үг энэ спортыг төлөөлөөд пивоны лаазан дээр харагдаж байсан шүү. Даам гэдэг үгнээс арай өөрөөр орчуулбал наад спорт чинь арай өөр бяртай, оюунлаг сонсогдох юм биз ээ. Батэрдэнэээ.
xuurxun daaganuud maani magnaidaa toosgyi irex boltugai!