Олон улсын хөлбөмбөгийн холбооноос Монголын хөлбөмбөгийн холбооны ерөнхийлөгч Б.Ганболдыг эх орондоо төдийгүй гадаадын аль ч улсад хөлбөмбөгийн ямар нэг үйл ажиллагаанд оролцуулахгүй байхыг анхааруулж, мэдэгдэл ирүүлээд байгаа билээ.
Өөрөөр хэлбэл, тус холбооны ерөнхийлөгч Б.Ганболдын албан тушаал, эрх мэдлээ ашиглан хувьдаа идэж уусан, авлига авсан нь тогтоогдож, эл асуудал дэлхий нийтийн анхаарлыг татаад байгаа юм.
Тодруулбал, өнгөрсөн долоо хоногт Олон улсын хөлбөмбөгийн холбооноос “Монголын хөлбөмбөгийн холбооны ерөнхийлөгч Б.Ганболдыг таван жилийн хугацаанд хөлбөмбөгийн ямар ч үйл ажиллагаанд оролцуулахгүй.
Б.Ганболд нь 2009 онд Азийн хөлбөмбөгийн холбооны конгрессийн үеэр, 2011 оны ОУХХ-ны ерөнхийлөгчийн сонгууль, гүйцэтгэх зөвлөлийн сонгуульт ажлын үеэр Мухаммед Бин Хаммамаас авлига авсныг тогтоолоо” гэх утгатай мэдэгдэл ирүүлснээр энэхүү үйл явдал монголчуудад ил болсон.
Харин үүсээд буй нөхцөл байдал, дээрх асуудалтай холбогдуулан Монголын хөлбөмбөгийн холбооны үе үеийн тамирчин, дасгалжуулагчид болон спорт сонирхогчид өчигдөр холбооныхоо гадна цулаж, өөрсдийн үзэл бодлоо илэрхийлэв. Ингээд олон зүйл нуршилгүйгээр тэдний байр суурь, сэтгэгдлийг нь хүргэе.
Жаргалтөгс: ОУХХ-ноос манайхыг гишүүнчлэлээсээ хасах гэж байгаа сураг дуулдсан
Манайд жил бүр Олон улсын хөлбөмбөгийн холбооноос 250 мянган ам.доллар орж ирдэг. Энэ их мөнгө хаана байна вэ, мань эр өөрөө л иддэг байсан байх нь. Ямар сайндаа Олон улсын хөлбөмбөгийн холбооноос Б.Ганболдын гадаад болон дотоодын аливаа тэмцээнд оролцох эрхийг таван жилээр хассан байх вэ дээ.
Энэ тухайгаа ч манай хөлбөмбөгийн холбоонд мэдэгдэл ирүүлсэн байна. Бидний зүгээс Их хурлыг яаралтай хуралдуулах, түр хороог байгуулах, хамгийн гол нь Монголын хөлбөмбөгийн холбооны үйл ажиллагааг тасралтгүй явуулахыг хүссэндээ энд цугласан.
Үнэнийг хэлэхэд, Олон улсын хөлбөмбөгийн холбооноос ирүүлсэн мэдэгдлийн хариуг өгөхгүй бол тэд холбооныхоо гишүүн орноос хасах хүртэлх арга хэмжээ авах сураг дуулдлаа.
Үнэхээр Монголын хөлбөмбөгийн холбооны ерөнхийлөгч Б.Ганболд гэж нөхөр монголынхоо нэр хүндийг дэлхий дахинд унагааж, гутаалаа үйл явдал болж байна. Үүнд нь бид их харамсаж байна. Энэ нөхөр Монголынхоо ард түмнээс, тэр дундаа хөлбөмбөгчдөөс уучлалт гуйх ёстой.
Г.Мөнхчулуун: Б.Ганболдыг өмнө нь хууль хяналтынханд шалгуулах хүсэлт гаргаж байсан
Монголын хөлбөмөгийн холбооны ерөнхийлөгчтэй холбоотой асуудал нэлээн эрт яригдаж байсан. Зарим нэг нь хууль, хяналтынханд шалгуулах хүсэлт хүртэл гаргаж л явсан. Тэр болгонд энэ нөхөр ямар ч гэм зэмгүй, зүгээр л гарч ирдэг.
Хамгийн гол нь, одоогоор холбоо маань яаж, ямар аргаар үйл ажиллагаа явуулах нь бүрхэг байна. Тиймээс бид холбооныхоо дүрэм, ОУХХ болон Азийн хөлбөмбөгийн холбоонд заасан журмын дагуу үйл ажиллагаагаа нэн яаралтай, хэвийн явуулах хэрэгтэй гэж үзэж байгаа. Хэрэв ингэж чадахгүй бол холбооны үйл ажиллагаа зогсож, хаалгаа барих дээрээ тулна.
Түүнчлэн сануулахад, холбооны ерөнхийлөгчөөр ямар ч хүн томилогдсон улстөрч эрхмүүдийн гар хөл байж болохгүй. Төр засаг ч нөлөөлөх ёсгүй.
Ийм ч дүрэмтэй. Хэрэв бид үүнийг зөрчих л юм бол Олон Улсын хөлбөмбөгийн холбооноос шат шатныхаа арга хэмжээг аваад явдаг. Тиймээс Б.Ганболд даргатай хариуцлага тооцож, Их хурлаа хуралдуулж, улмаар холбооныхоо үйл ажиллагааг хэвийн үргэлжүүлэх хэрэгтэй байна.
И.Отгонбаяр: Холбооны дэд ерөнхийлөгчийг хууль бусаар томилсон
Бид Монголын хөлбөмбөгийн холбоог тойрсон асуудлаас шалтгаалж хэд хэдэн зүйлийг зайлшгүй шийдэх шаардлагатай болоод байна. Үүний нэг нь холбооны дэд ерөнхийлөгчийг хууль бус томилсон явдал юм.
Өнөөдөр Монголын хөлбөмбөгийн холбоонд дэд ерөнхийлөгчийн орон тоо байхгүй. Гэтэл Монгол Улсын Ерөнхийлөгчийн Олон нийтийн харилцааны бодлогын зөвлөх А.Ганбаатарыг томилоод хоёр жил болж байна.
Уг нь холбооны дүрмийн дагуу аливаа албан тушаалтанг Их хурлаас сонгоно гэж заасан байдаг. Хамгийн гол нь, Олон улсын хөлбөмбөгийн холбооны журамд улстөрийн өндөр албан тушаалтан, ажилтанг хөлбөмбөгийн холбооны удирдлага, бүтцэд оруулж болохгүй гэж заасан байдаг юм. Гэтэл Б.Ганболд ерөнхийлөгч үүнийг илт зөрчсөн.
Тиймээс А.Ганбаатарыг холбооны дэд ерөнхийлөгчийн суудалд хууль бус аргаар томилсон гэж үзэж байна. Иймээс нэн яаралтай Их хурлаа хуралдуулж, зарим нэг асуудлыг тодорхой болгох шаардлагатай. Холбооныхоо үйл ажиллагааг ч гэсэн хуулийн дагуу явуулах хэрэгтэй байна.
Жил бүр ОУХХ-ноос манайд 250 мянган ам.доллар өгдөг байжээ
Манай улсын хөлбөмбөгийн холбооны дансанд Олон улсын хөлбөмбөгийн холбооноос жил бүр 250 мянган ам.доллар орж ирдэг байна. Түүнээс гадна бусад урсгал зардалд зориулж хүртэл тодорхой хэмжээний мөнгөн тусламж олгодог аж.
Ингэхдээ тус холбооноос тэрхүү мөнгийг юунд, хэрхэн зарцуулах тухайг нь хүртэл хууль, журмандаа тодорхой заажээ. Гэтэл Монголын хөлбөмбөгийн холбооны ерөнхийлөгч Б.Ганболд тэрхүү мөнгийг хувьдаа зориулж, Эрээн хотоос тамирчдынхаа хувцсыг авч ирдэг талаар үе үеийн тамирчид, дасгалжуулагчид гомдоллож байв.
Хэдийгээр эл асуудал одоогоос 10-аад жилийн өмнөөс яригдаж эхэлсэн ч Монголын хөлбөмбөгийн холбооны ерөнхийлөгч Б.Ганболдыг бусдын үгийг сонсдоггүй, боловсрол нимгэн, зөвхөн эрх мэдэл, эд хөрөнгөд улайрдаг нэгэн тул өнөөдрийг хүртэл даамжирч, эцэстээ Монголчуудын нэр төр дэлхийд сэвтэх хэмжээнд хүрсэн нь энэ аж.
Б.Төрбат
Эх сурвалж:
Сэтгэгдэл0
Onigootoi har p...a ve!!!
Ugiin ene Ganbold chini niisleliin hogiin garuudyn neg baisan,baigaachig.Deer uees hun amitan zodoh,deerelheh hotyn hogiin shaar,criminaluudtai niilj yavdag budduuleg turhiin novsh shuudee.Ta nar harj l baigaarai, alban tushaalaa uguhgui,hucheer l avahgui bol. Ter hun yaaj haritsdag,yag l ter argaar ni albyg ni avah heregtei.Mash hurdan avilagatai temtseh gazar,tatvaryn alba,tsagdaagiin baiguulaga bolon huuli bus uil ajillagaag ni meddeg humuusiin hamtyn ajillagaa ih chuhal baihdaa. Ganbaatargua,ta shivshigee tarij,Ardchilsan jinhen erunhiilegchiin bolon turiin alban haagchyn neriig gutaahaa nen darui zogsoo.Hurdan ter hurlyg ni huralduulahad arga hemjee av,tanid ch Mongol ulsyn ner hundedch heregtei shuudee.Sain oilgoj av,tertei tergui ter hun bolon ta soligdono shuu dee.Ner hundee boddoggui bol,boddog bol.Uunees bolj Mongolyn ner hund dahin heden ulsaas doosh orno shuu
Энэ нүдний булай болсон Ганболдын үйлдэл нь Монголын авилгачдын нүүр царай, цагаандаа гарсан мөнгөний төлөө нүдээ ухахаас буцахаа байсны нэг илрэл, илэрч байгаа нь нь энэ. эхнээс нь сайн арга хэмжээ ав. Монголын ард түмнээс уучлалт гуйгаад авсан мөнгөө буцааж өг үмхий мал царайлсан авилгач
Даана ч сүүлийн үед нэг том том машин унасан нэг их дээгүүр харсан матар яваад байсан юм тэгж л таараа ичдэггүй хар үхэр
Энэ балай юм чинь хэдийдээ ч тэнд очсон юм 80-аад оны дундуур архивын газар ажилладаг нэг хачин юм л байсан ш тээ угаасаа юм үзээгүй хулхины гарууд мөнгөний үнэр авахаараа тэгж адгууслаг зан л давамгайлдаг юм