Азийн эрэгтэй чөлөөт бөхийн ХХҮII, эмэгтэй чөлөөт бөхийн ХҮII дахь аварга шалгаруулах тэмцээн Казахстан улсын нийслэл Астана хотын “Даулет” спорт цогцолборт өчигдөр эхэллээ.
Тэмцээний эрэгтэйчүүдийн 57 кг-ын жинд ОУХМ Д.Цогтбаатар, 65 кг-д спортын мастер Б.Батмагнай, 86 кг-д ОУХМ О.Үйтүмэн, 125 кг-д ОУХМ Н.Золбоо хүч үзнэ. Эмэгтэй бөхчүүдээс 58 кг-ын жинд Э.Нарангэрэл барилдах юм.
БНАСАУ, БНХАУ, Вьетнам, Иран, Казахстан, Киргиз, Монгол, Тажик, Тайвань, Тайланд, Туркмен, Узбек, Шри-Ланк, Энэтхэг, Японы бөхчүүд Азийн аварга шалгаруулах тэмцээнд хүч үзэж байна. Тэмцээнд ФИЛА- гийн техникийн төлөөлөгчөөр тус холбооны товчооны гишүүн, узбекийн иргэн Ахролжан Рузиев оролцож байгаа аж.
Тэмцээнд эзэн орон шилдэг бөхчүүддээ сойж байгаагийн дотор азийн аварга Татьяна Аманжол, ДАШТ-ий мөнгө, хүрэл медальт Жулдыз Эшимова, ДАШТ-ий хүрэл медальт Екатерина Ларионова, олимпийн хүрэл, азийн гурван удаагийн аварга Гузель Манюрова, ДАШТ-ий хүрэл медальт Даулет Ниязбеков, азийн аварга Даурен Жумагазиев, олимпийн наадмын хүрэл медальт Акжурек Танатаров нар байна.
Б. Номуун
Эх сурвалж:
Сэтгэгдэл0
nomuun mini uuruu setguulch ukhaantay yum bol uil yawliig ni tsag ued ni medeelji bai. aziin awargyn temtseen chini duuschikhsan . mongolyn eregtei bag 2-r bairt orson. mongolyn bag 1 awargatai 10 -aad myadali khurtsen
Dasgaljyylagch hen be yagaad bagsn dasgaljyylagchiig ni nerledeggvi yum bichdeg yum be tenervvdee