“Монгол цэрэг-бүтээн байгуулалтад” хөтөлбөр
Монгол улсын баруун бүсийн хөгжлийн төв гэж болохуйц Ховд аймагт бүтээн байгуулалт өрнөсөөр байна. Саяхан Ховд аймаг дахь Цэргийн гавьяаны улаан тугийн одонт Хатанбаатар С.Магсаржавын нэрэмжит Зэвсэгт хүчний 0123 дугаар ангид “Соёл, спортын цогцолбор” төвийн барилгын шав тавих арга хэмжээ боллоо.
Зэвсэгт хүчний алба хаагчдад төдийгүй нутгийн ард олонд урлаг соёлын үйлчилгээ үзүүлэхээс гадна хүүхэд залуучуудыг эрүүл чийрэг бие бялдартай иргэн болон төлөвшихөд нь дорвитой нэмэр болох энэхүү томоохон цогцолборын шав тавих ажиллагаанд Батлан хамгаалахын дэд сайд А.Баттөр, ЗХЖШ-ын хангалт үйлчилгээний газрын дарга, бригадын генерал Д.Даваа, БХЯ-ны Барилга захиалагчийн албаны дарга, дэд хурандаа О.Заяамандах нар болон Ховд аймгийн Засаг дарга Д.Цэвээнравдан, орон нутгийн иргэд оролцлоо.
Энэхүү “Соёл, спортын цогцолбор” төв байгуулагдсанаар Батлан хамгаалах, Зэвсэгт хүчний бүтээн байгуулалтын ажлын нэг зорилт болох “Баруун бүсийн сургалтын нэгдсэн төв” бий болгох ажил өрнөх юм. Цогцолбор төвийн ажлыг Зэвсэгт хүчний барилгын цэргийн 339 дүгээр анги энэ оны 11 дүгээр сард ашиглалтад өгөхөөр ажлаа эхлүүлээд байна.
Дашрамд дурдахад, Ховд аймагт өмнө нь Барилга инженерийн тусгай батальон буюу Зэвсэгт хүчний 340-р ангийн хамт олон стратегийн чухал ач холбогдол бүхий Асгатын мөнгөний орд хүртэлх 72,8 метр урт төмөр бетонон гүүр бүхий 7,3 км хайрган хучилттай авто замын ажлыг амжилттай гүйцэтгэж ашиглалтад хүлээлгэн өгснөөр монголчууд энэ ордоо ашиглаж, эдийн засгийн эргэлтэд оруулах болсон билээ.
Батлан хамгаалах яамны шинэчлэлийн бодлогын хүрээнд хэрэгжүүлж буй “Монгол цэрэг-бүтээн байгуулалтад” хөтөлбөрийн хүрээнд аймаг, нийслэлд бүтээн байгуулалтууд хурдацтай өрнөж, цэргийн албан хаагчид ч эх орноо хамгаалахын зэрэгцээ мэргэжилтэй, ажилтай, орлоготой болж байна.
Сэтгэгдэл0
Монгол улсын бүрэн БҮТЭН байдлыг хангадаг байгууллага нь баялаг зөөх зам тавиад л. Болж байгаа юм уу. Бүтэн байдлаас чинь эмтрэх юм биш биз????
O.Zayamandah gej gar tseregt alba haasan yum uu? Battoriig dagaad l yavj baidag neg alialagch bus uu? Hezee ded hurandaa boldog bainaa?
Нэг жорлон барьчихвал бас бүтээн байгуулалт
nag tsetserleg barihgui deee
Asgatin ord ni Hovd bish Bayan-Olgiid baidag biz dee. Ene setguulch shig yum yugaa meddeg yum be