Хоёр сагсан бөмбөгийн холбоо хагаралтай хэвээр л байна. Гэвч тэд Монголын сагсан бөмбөгийн холбооны ээлжит чуулганаар нэгдэхээр шийдсэн ч мөн л нэгдэж чадсангүй. Энэ талаар Монголын үндэсний сагсан бөмбөгийн холбооны ерөнхий нарийн бичгийн дарга С. Тулгаас ямар байр суурьтай байгааг нь сонирхлоо.
-Монголын сагсан бөмбөгийн холбоо ээлжит чуулганаа хийсэн ч та бүхний дунд үл ойлголцол үүсээд байна. Яагаад нэгдэж чадсангүй вэ?
-Монголын сагсан бөмбөгийн холбоо манай ууган холбоодын нэг. Гэсэн ч энэ холбоо 20 гаруй жил хурлаа хийгээгүй Монголын төрийн бус байгууллагуудын маш олон хуулийг зөрчиж ирсэн. Дээр нь юм хийе гэсэн залуучуудаа дэмжих биш дардаг. Тиймээс яалт ч үгүй Монголын үндэсний сагсан бөмбөгийн холбоо байгуулагдах шаардлага гарсан.
Энэ хоёр жилийн хугацаанд бид Монголд болж байгаа бүхий л уралдаан тэмцээнийг зохион байгуулж ирлээ. Монголын сагсан бөмбөгийн холбооны хувьд удирдлага, зохион байгуулалт бүтцийнхээ тал дээр олон хэцүү асуудлуудтай. Саяхан болсон ээлжит чуулганаараа манай үндэсний сагсан бөмбөгийн удирдлагуудыг хамтрая нэгдэе, нийлье гэж урьсан.
Гэсэн хэдий ч энэ хурал анхнаасаа л төрийн бус байгууллагын тухай хуулийг зөрчсөн. Огцорсон удирдлага нь ерөнхийлөгчөө авч хаяад, тэгээд бүх хүмүүс нь эргээд Удирдах зөвлөлдөө орчихсон.
Хоёрт, тэднийх гишүүнчлэлгүй төрийн бус байгууллага. Тэгсэн хэрнээ танил тал, хамаатан садан гээд сагсан бөмбөгт ямар ч хамаагүй хүмүүсийг гишүүн болгоод тэдэндээ мандат өгөөд өөрсдийгөө сонгоод гараад ирсэн. Энэ мэтээр олон асуудал байсан ч бид үүнийг ойшоогоогүй.
Тэд С.Тулга ерөнхий нарийн бичгийн дарга биш бол, өрсөлдөөд яах юм бэ, та байхгүй бол болж байна. ХАХНХ-ын сайд С.Эрдэнийг ерөнхийлөгчөөр томилъё, тэгээд нэгдээд сагсан бөмбөгөө хөгжүүлье гэсэн. Тэгвэл болж байна гээд тухайн Удирдах зөвлөл болон Ерөнхийлөгч Ч.Ганхуягтай тохиролцоод бид хуралд оролцсон.
Эрдэнэ сайдыг би өөрийн биеэр авч очсон. Гэтэл энэ хурал эхнээсээ дуустал хууль бус болсон. Бид Иргэдийн шударга шүүхийн Бат-Ялалтыг оруулахын тулд хоёр мандат өгөхөд мөн л түүнийг оруулахгүй хөөж гаргасан. Энэ хүн бол сагсан бөмбөгийн талаар нэлээн мэдлэгтэй, бас сонирхдог.
Түүнчлэн сагсан бөмбөгийг луйвардсан хэсэг бүлэг хүмүүсийн зохион байгуулалттай гэмт хэрэг гэхээс өөр юу гэхэв. Үүнийг манай ахмадын холбоо, эмэгтэйчүүдийн сагсан бөмбөгийн холбоо, сагсан бөмбөг сонирхогчид хүлээн зөвшөөрөхгүй байгаа.
Манай үндэсний сагсан бөмбөгийн холбоо тасралтгүй үйл ажиллагаагаа явуулж байгаа. Гэсэн ч тэдний энэ удаагийн хурал сагсан бөмбөгийн хөгжилд саад болох хэсэг бүлэг хүмүүсийн гэмт хэргийн шинж чанартай үйлдэл болсон.
-Цаашид ямар зорилго тавьж байна вэ?
-Бид сагсан бөмбөгийг үндэсний хэмжээнд хөгжүүлнэ гэсэн гол зорилготой. Сүүлийн үед хойч үе ирээдүй болсон сагсан бөмбөгчдөдөө маш их анхаарч байгаа. Мөн Азидаа томоохон хэмжээний амжилт үзүүлнэ гэж бодож байгаа.
Нөгөөтэйгүүр орхигдоод байсан эмэгтэй сагсан бөмбөгчид рүүгээ хандана гэх мэтээр бүх талын анхаарлаа төвлөрүүлж ажиллана гэсэн үг. Бид өсвөр үеийн 13,15,18 насны шигшээ багуудаа байгуулсан. Энэ нь Азийн дэлхийн настай уялдаж байгаа юм.
-Одоо ямар тэмцээн зохион байгуулах вэ?
-Спрайт лиг эмэгтэйчүүдийн хамгийн том тэмцээн ч гэсэн сүүлийн үед орхигдоод байгаа. Манай бэлтгэлийн бааз тавдугаар сарын 15-нд Хандгайтад ашиглалтад орох байх. Тэгвэл Инчоны Азийн наадам, Тайванийн оюутны универсиад, мөн долдугаар сард хүүхдүүдээ авч явж Америкийн тэмцээнд оролцох юм.
Эдгээр тэмцээндээ бэлтгэж эхэлнэ. Мөн сагсан бөмбөгийн шигшээ багтай болох зорилго тавин ажиллаж байгаа. Одоогоор албан ёсны бус шигшээ баг байгуулсан. Тэгээд ирэх оноос төсөвт суулгаад бүтэн жилийн бэлтгэл, бүтэн жилийн цалин хангамжтай баг байгуулахаар зорьж ажиллаж байгаа.
-Сагсан бөмбөгийн тамирчдын цалин хангамж ямар байдаг бол?
-Тамирчдын цалин нэг үеэ бодвол маш сайн болсон. Бүр тодруулбал, тамирчдад байр, автомашин авч өгөх хэмжээнд хүрсэн байгаа. Лигийн тамирчид хамгийн бага нь 500 мянга, хамгийн дээд тал нь хоёр сая 300 мянган төгрөгийн цалин авч байгаа. Гэхдээ тэмцээн үргэлжилж байгаа үед цалингаа авдаг.
Харин томоохон клубуудтай гэрээ хийсэн тамирчид бүтэн жилийн цалин хангамжтай явж байгаа. Хандгайт Улаанбаатарын хамгийн өндөр цэг учраас энд бэлтгэл хийх үр дүнтэй байдаг юм.
-Танайх өмнө нь гаднын томоохон тоглогч, шүүгчдийг урьж авчирч байсан. Цаашдаа ч гэсэн гадаад харилцаагаа улам өргөжүүлнэ биз дээ?
-Үндэсний суперлигийн 20 тоглогч, хоёр шүүгч анх удаа ирж ажилласан. Энэ бол дэвшилттэй зүйл болсон. Манай шүүгчид ч гэсэн олон улсын өндөр зэрэглэлийн шүүгч нартай сургалт явуулахад маш их зүйлийг сурсан.
Мөн Америкийн томоохон спортын байгууллагатай хамтран ажиллаж энэ хүрээндээ дасгалжуулагч багш нарыг урьж сургалт семинар явуулна. Түүнээс гадна Германд сагсан бөмбөгөөр төрөлжиж мастер зэрэг хамгаалсан Монголын сайн боловсон хүчнүүд бэлтгэгдэж байгаа.
Д.Нэргүй
Эх сурвалж:
Сэтгэгдэл0
erdene ta 2 l gemt heregten bhdaa kkkk
Minii duu chi bolon MYSBH zugeer l bolildoo,2holboogoo niiluuleed hamtraad sagsaa högjuul l dee, S.Erdeniin aav zugeer l sagschin bsan, jaahan zalitai, odoo Erdeneer yah geed bgaa jum be? Ene hun högjuuleh bsan bol zöndöö hugtsaa öngörlöö,shiniig erelhiileye.zaluuchuudaa demj.ta nariig hundetgesen eks Sagschin
ed nariin henii ch tanihgui gehdee ene zaluu yalt ugui sain ajilj baigaa.Urid ni huuchin holboonii lig yamar boldog bailaa toglogchid ni shuugchidee barij zoddog,dandaa heruul bolj baidag baisan shu dee .Eniig humuus sanaj l baigaa
Shine holboo n arai gaigui ajillaj baigaa n unen. Zaaval negdeh shaardlagagui. 2 holboo orsoldood yavahad ayandaa sain m shalgaraad idne. Ene orsoldoonoos mongoliin sagsan bombog l hojno
Tiimee 2 holboog negtgej heregguiee tusdaa baisan ni deer
Сайн байцгаана уу? "нэгдэх" гэхээр учраа ололцохгүй буй байгаа юм бол заавал нэгдэх гэснээсээ тус тусдаа хийдгээ хийгээд явж байтал явдлын дунд Үндэсний/Улс Орны/ Сагсан Бөмбөгийн Холбоо байх нь гарцаагүй хэрэгцээ шаардагааар гараад л ирэх болно. Тэгэхийн цагт сагсан бөмбөгийн тамирчид нь хэн хэн хэрхэн хөдөлмөрлөж ажиллаж ирсэн холбоо болохыг харж үзээд л явж буйгаасаа үүдээд сонголтоо хийчих юм бишүү. Санаваас, аль аль холбоо нь улсаас ч, бусад улс хоорондын ижил төрлийн байгууллаагаас ч мөнгө санхүү, болон аливаа өөр хэлбэр бүхий дэм тус авах гэснээс үүдээд "нэгдэж" чадахгүй байгаа болвуудаа л, тэрнээс сагсаа хөгжүүлье гэсэн үнэн сэтгэл давамгайлж байгаа бол нүд ирмэхийн зуурт л шийд гарчих юм шигэ бодогдох.
шаардлагаар, байгууллагаас ч, шигээ
Тамирчиддаа ялгаваргүй хандаад нэг холбоо нь хавар, нөгөө холбоо нь намар лиги зохион байгуулж байх хэрэгтэй. Жилд хоёр удаа. Биендээ харин саад болж гай болохгүй байх хэрэгтэй. Цэвэр өрсөлдөөн хийвэл хий. Тэгэхгүй бохир юм хийгээд, Тулга гэхэд л Наранбаатартай хуйвалдаж нөгөө холбоондоо ордоны заал гаргаж өгүүлэхгүй байх гэх мэтийн авгай ажил хийгээд сагс хөгжих үү дээ, ккк
Нэгдэх гээд хэрэгүй ээ, монголын үндэсний сагсан бөмбөгийн холбоонд нь гадаадтай харьцах эрхийг нь л өгчих, ер нь МСБХ нь мафийн шинжтэй тэнэг байлайнуудын цугларсан юу ч юм дээ, холбоо гэхээр хийж байгаа ажил нь харагдахгүй, үгүй гэхээр хэдэн сагс тоглож байгсан хүмүүс нүдний буланд харагдаа ч байх шиг, юу ч хийдэгүй хэрүүлч МСБХ-оор яах юм, хэн ч бтш юу ч бишнүүдээр.
спортын яам нь тэр адистачлалаа хурдан явуулаад шийдээд өгөөч дээ, өдөр шөнө шиг л ялгаатай 2 холбоо үйл ажилланааны хувьд байна ш дээ,зовлонтой юм, МСБХ-ны хэрүүл жатгыг сонсохоос ой гутах юм, урьд ч юу хийж байсан, одоо л холбоо, ер холбоог тэргүүлэх нь яг юунд л болдог юм бол?