Монгол Улсын Ерөнхийлөгч Х.Баттулга зарлиг гаргаж Гаалийн ерөнхий газрыг Монгол Улсад гаалийн алба үүсч хөгжсөний 105 жилийн ойг тохиолдуулан Алтан гадас одонгоор шагнав.
Шагналыг Монгол Улсын Ерөнхийлөгчийн Тамгын газрын дэд дарга Б.Саруул өнөөдөр гардуулан өгөв.
Тус байгууллагыг шагнах тухай Ерөнхийлөгчийн зарлигт “Монгол Улсын тусгаар тогтнол, бүрэн эрхт байдал, эдийн засгийн аюулгүй байдлыг ханган хамгаалах, бататган бэхжүүлэхэд оруулсан тус байгууллагын үе үеийн ажилтан, албан хаагчдын хичээл зүтгэл, амжилт олотлыг өндрөөр үнэлж Гаалийн ерөнхий газрыг Алтан гадас одонгоор шагнасугай” гэсэн байна.
Монгол Улсын Ерөнхийлөгчийн Тамгын газрын дэд дарга Б.Саруул шагнал гардуулах үеэр хэлсэн үгэндээ “Гаалийн салбарт хөдөлмөр бүтээл, хичээл зүтгэлээ зориулсан эрхэм хүндэт Та бүхэнд Монгол Улсад гаалийн алба үүсч хөгжсөний түүхт 105 жилийн ойн баярын мэндийг өргөн дэвшүүлье.
Монгол Улсын Ерөнхийлөгч Халтмаагийн Баттулга зарлиг гаргаж, Гаалийн Ерөнхий газрыг Монгол Улсын Төрийн дээд шагнал - Алтан гадас одонгоор шагнасныг гардуулан өгч байгаадаа туйлын баяртай байна.
Монгол Улс үндэсний эрх чөлөө, тусгаар тогтнолоо сэргээн мандуулахтай зэрэгцэн гаалийн албыг үүсгэж, Богд хаан бээр улаан бэхээр онцгойлон цохож айлдсанчлан “Гааль бол олон улсад тогтсон хэв хууль мөн билээ” гэж дурдсан байдаг билээ. Төр оршихуй дор татвар, тусгаар улс оршихуй дор гааль оршино. Улсын хил халдашгүй дархан байх ёстойн адил хил гааль нь ариун дагшин хийгээд чанд хатуу хуультай, гаалийн байгууллага нь хууль дүрмээ ягштал мөрддөг байх учиртай.
Монгол Улсын тусгаар тогтнол, эдийн засгийн аюулгүй байдлыг хангахын төлөө үнэнчээр зүтгэж, гаалийн хяналт, бүрдүүлэлт хийхдээ хууль, шударга ёсыг дээдлэн, гаалийн улсын байцаагчийн ёс зүйн хэм хэмжээг чанд сахиж, хэний ч нөлөөнд үл автахаа баталдаг тангарагтай албыг нэр төртэйгээр хашиж, түүхэн гавьяа, амжилт ололтоо төр засгаараа үнэлүүлж байгаа Та бүхнээр бахархаж байгаагаа дуулгахад таатай байна.
Та бүхэнд ажлын өндөр амжилт хүсье. Баярлалаа” гэлээ.
Сэтгэгдэл0
Yxcэн бaac
Гааль гай тарих нь их байсан болохоос гавьяа нь одонд хүрэхгүй шүү дээ. Энэ их хар тамхи, алт гадагшаа урсалт, хилээр бүртгэлгүй үнэт чулуу, нүүрс гаогалт зэрэг нь гаальгүй улс болсны нотолгоо. Буга, тарвага устаж, самар ховордож байгаа нь гаалийн бүдүүн дарга нартай шууд холбоотой. Ерөнхийлөгч яалаа гэж одон өгч байгаа юм бэ. Гааль бузарыг оруулж, буяныг их гаргасан даа.
Suuliin ued er ni yu bolood baiguullaguudiig tumur odongoor shagnaad ehlevee? Bur erchimtei shuu. Odongiin nuuts ni duusahgui zovoogood baigaa yum bolov uu.....
Гавьяа байгуулсан юм байхгvй болохоор нь vнэ хvндээ алдсан ганцхан ширхэг Алтан гадсаар амыг нь таглав бололтой!! Захын нэг сумын ойгоор наад зах нь нэг тор дvvрэн Алтан гадас оногддог юм даа.
шинэ ерөнхийлөгч баттулга гаалийн байгууллагаа шинэлэг байдлаар жаахан ажиллуулж байгаад шагнахгүй дээ.тэр тэгш ой яаахав ээ,муу муухай хулгай хуйвалдаан бүхэн оршдог газар гэдэг.мөн авилгалын гажуудлаараа 30 жил тэргүүний сонгомол ударникаар шалгарч байв. аль ч үеийн ерөнхийлөгч нар,өндөр түвшиний удирдагч нар тойрон хүрээлэгчдээсээ болж л унадаг,нэр төр нь баастдаг гэдэг бичигдээгүй хууль гууль байдаг даа.хажуу хавирга бөөрөндөө ерөнхийлөгч маань сайн л хүмүүсийг ажиллуулдаг биз гэхдээ бодож явахад илүүдэхгүй нь лавтай.сайханбилэг бил үү нэг ерөнхий сайд алтанмуяг ерөнхий сайдыгаа яалаа даа...гэсэн саяханы жишээ байгаа.энэ хүмүүсийн нэр усыг атгаг зорилгоор дурьдсангүй ийм зүйл,үзэгдэл, процесс саяхан болсон шүү л гэх гэлээ. мөнх Хөх тэнгэр минь энэ ерөнхийлөгчийг ивээг.
Odon taraaj baihaar huuli shuuh avilgaltai temtseh gazriin darga naraa uurchluuchee yagaad tag suugaad bainaa songuuliin muriin hutulburtuu hamgiin turuun hiih ajil geed baisan yasan be?