sonin.mn
Манай улс эдийн засгийн хямралаас гарахын тулд ОУВС-гийн “Өргөтгөсөн санхүүжилтийн хөтөлбөр”-т хамрагдаж байгаа билээ.
 
Өнгөрсөн хавраас хэрэгжиж эхэлсэн хөтөлбөрийн эхний шатыг амжилттай хэрэгжүүлснийг валютын сангийн төлөөлөгчид дүгнээд явсан. Тэгвэл ОУВС-гийн ажлын хэсэг ирэх долоо хоногоос манай улсад ирэх гэнэ.
 
Ингэхдээ энэ сарын сүүлээр хөтөлбөрөө дүгнээд, дараагийн шат руу орох эсэхийг шийдвэрлэх юм байна. Тодруулбал, энэ долоо хоногт АНУ-ын Вашингтон хотод болж буй Дэлхийн банкны уулзалтын үеэр манай улсад хэрэгжиж буй ОУВС-гийн эхний шатны хөтөлбөрийг эцэслэн дүгнэхээр тохиролцоонд хүрсэн талаар албаны хүн хэллээ.
 
“Өргөтгөсөн санхүүжилтийн хөтөлбөр”-ийн хүрээнд валютын сангаас 440 сая ам.доллар, гишүүн орнуудаас 5.5 тэрбум ам.долларын санхүүжилт хийгдэж байгаа юм.
 
С.Уянга
Эх сурвалж: "Зууны мэдээ" сонин