Ерөнхийлөгч Х.Баттулга Арабын Нэгдсэн Эмират Улсын Ерөнхийлөгчийн зөвлөх Шейх Султан Бин Халифа Аль-Нахъяаныг хүлээн авч уулзлаа

Нийтэлсэн: 2017-10-12 15:01:27

Монгол Улсын Ерөнхийлөгч Х.Баттулга Арабын Нэгдсэн Эмират Улсын Ерөнхийлөгчийн зөвлөх Шейх Султан Бин Халифа Аль-Нахъяаныг өнөөдөр хүлээн авч уулзлаа.
 
Уулзалтын эхэнд Арабын Нэгдсэн Эмират Улсын Ерөнхийлөгчийн зөвлөх Шейх Султан Бин Халифа Аль-Нахъяан тус улсын Ерөнхийлөгч, Ерөнхий сайд нарын чин сэтгэлийн мэндчилгээг Монгол Улсын Ерөнхийлөгч Х.Баттулгад уламжлав. Шейх Султан Бин Халифа Аль-Нахъяан нь тус улсын Ерөнхийлөгчийн хүү юм.
 
Монгол Улсын Ерөнхийлөгч Х.Баттулга хариу талархал илэрхийлээд Арабын орнуудын говь цөлд хот барьдаг, цөлжилтийн эсрэг баянбүрдүүд байгуулдаг туршлагаас хуваалцаж хамтран ажиллах саналтай байдгаа илэрхийлэв. Мөн Монгол Улс бол мал аж ахуйн орон. Хөдөө аж ахуйн чиглэлд ч хамтран ажиллах саналтай байна гэлээ.
 
Монгол Улсын Ерөнхийлөгч Х.Баттулга “Монгол орон байгалийн баялаг ихтэй. Үүнийгээ оновчтой зөв ашиглаж чадвал богино хугацаанд хөгжих боломжтой улс” хэмээсэн юм.
 
Шейх Султан Бин Халифа Аль-Нахъяан “Монголын зарим хэсэгт усгүйгээс болж ан амьтан үхсэн тохиолдол гарсныг үзэж сонсож байсан. Үүнээс сэргийлж худаг гаргаж, усаар хангах тал дээр туслах боломж байна. Давхар татварын асуудлыг шийдвэл Монгол Улсад хөрөнгө оруулах талаар тодорхой гэрээ байгуулах, хөрөнгө оруулах боломжтой.
 
Арабын Нэгдсэн Эмират Улс Монгол Улсад байнгын үйл ажиллагаатай ЭСЯ-аа нээн ажиллуулж байна. Монгол Улс Арабын Нэгдсэн Эмират Улсад ЭСЯ-аа нээхийг урьж байна” гэлээ.
 
Монгол Улсын Ерөнхийлөгч Х.Баттулга “Хоёр орны харилцааг эдийн засагжуулах, харилцан ашигтай хамтын ажиллагааг хөгжүүлэх төслүүд рүү чиглүүлэх тал дээр анхаарч ажиллана” гэдгийг уулзалтын үеэр онцлон тэмдэглэж байлаа.
 
Шейх Султан Бин Халифа Аль-Нахъяан Монгол Улсын Ерөнхийлөгчийн саналыг бүрэн дэмжихэд бэлэн гэдгээ илэрхийлэв.
СУРТАЛЧИЛГАА :

2 сэтгэгдэл харуулж байна        

  1. Зөв санал бна

    Зочин, 2017-10-12 18:09:46, 66.181.176.30Хариу бичих

  2. Таны нэр:

    Тайлбар:

  3. Естойл нэг Монголын дагалдан жишээ авч явах улсуудын N1 бол яах аргагуй Арабын Эмират Улс.20-р зууны 60-д оны эхээр загас барьж голоо зогоодог ядуухан тосгонууд байгаад гэнэтхэн нефтийн орд газар нээж тэрнээсээ Олсон монгоо маш зов ашиглан оноодор Эмират улс нефть олборлохоосоо илуу уйлдвэр,барилга,худалдаа хогжсон ондор хогжилтэй орон болон хувирсаныг бид маш сайн судалж энэ замаар явах хэрэгтэй!Энэ замд бол ардчилал мардчилал ердоо байгаагуй!Нэг гэр булийн хатуу захиргаа,унэнч шудрага хандлага их нолоолсон!Манайхан шиг галзуу нохойнууд тал тал тийшнь урж иднэ гэсэн заваан хандлага байгаагуй,их сайн зохион байгуулалттай товлорсон хогжилтийг узуулсэн айхтар улсууд!

    Зочин, 2017-10-12 18:20:01, 37.190.91.208Хариу бичих

  4. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: