А.Меркель 4 дэх удаагаа Германы канцлераар ажиилах нь тодорхой боллоо

Нийтэлсэн: 2017-09-25 09:16:36

БЕРЛИН. /Ройтерс/. Ням гарагт болсон парламентын сонгуульд ялах нь үндсэндээ тодорхой болнсоо Германы Канцлер Ангела Меркель зарласныг “Ройтерс” агентлаг уламжилжээ.
 
Дахин сонгогдож, Германы канцлераар дөрөв дэх удаагаа ажиллана гэдэгтээ би итгэлтэй байна гэж өчигдөр орой санал авах байр хаалгаа барьсны дараахан А.Меркель мэдэгдэл хийхдээ хэлж байсан аж.
 
Тэрбээр хэлэхдээ “Манай нам ирэх дөрвөн жилд парламентад хамгийн том хүчин болж, ард иргэд надад дахин канцлераар ажиллах боломж олгоно гэдэгт би итгэлтэй байна” гэжээ.
 
Орон нутгийн цагаар ням гарагийн оройн 06:00 цагт санал авах байрууд хаалгаа барьснаар саналын хуудсуудыг шууд тоолж эхэлсэн байна.
 
Үндэсний аюулгүй байдлыг хангах арга хэмжээ авах болон дүрвэгчдийн асуудал нь энэ сонгуулийн гол сэдэв байлаа.
 
Германы нэгэн телевизийн мэдэгдсэнээр, А.Меркелийн Христийн ардчилсан холбоо нам 33.5 хувийн саналаар энэ сонгуульд тэргүүлсэн бол зүүний төвч үзэлт Социал-демократ нам 21 хувийн саналаар хоёрдугаарт оржээ.
 
Социал-демократ намын дарга Мартин Шульц эрх баригч эвсэлд нэгдэх бодолгүй байгаагаа илэрхийлсэн байна.
 
Социал-демократ нам нь өмнө нь эвслийн засгийн газрын бүрэлдэхүүнд багтаж байсан юм. М.Шульц өчигдөр орой мэдэгдэл хийхдээ “Манай нам хамгийн том сөрөг хүчин болно” гэжээ.
 
Ингэснээр А.Меркель жижиг намуудтай эвсэл байгуулахаар болж байна.
 
Сонгуулийн дүнг орон нутгийн цагаар даваа гарагийн өглөө албан ёсоор зарлах ажээ.
 
Г.Доржханд
Эх сурвалж: Монцамэ агентлаг
СУРТАЛЧИЛГАА :

1 сэтгэгдэл харуулж байна        

  1. Меркель гадаадын байгууллага утсыг чагнаж байхад тайван байдаг хүлцэнгүй эмэгтэй байгаа юм.

    Хүлцэнгүй эмэгтэй., 2017-09-25 16:10:54, 86.163.177.116Хариу бичих

  2. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: