90 км үргэлжлэх нүүрсний тээвэрлэлтийн дараалал цагаан хадыг хааснаар шийдэхгүй гэв

Нийтэлсэн: 2017-08-22 16:39:25

Улаанбаатар /МОНЦАМЭ/.  “Цагаан хад хөгжлийн гарц” Төрийн бус байгууллага /ТББ/-аас Засгийн газрын шийдвэрийг эсэргүүцэж буйгаа мэдэгдэж, хэвлэлийн бага хурал хийв.
 
Засгийн газрын өнгөрсөн пүрэв гарагийн хуралдаанаар Өмнөговь аймгийн Ханбогд сумын “Цагаан хад”  гаалийн хяналтын бүсийг татан буулгах шийдвэрийг гаргасан. Тодруулбал, богино рейсийн тээвэрлэлт хийж буй тээврийн хэрэгслүүд хөдөлгөөний эрчимд саад болох, мөн хил, гаалиар хориотой бараа тээвэрлэх боломж бүрдэж байгаа тул  Өмнөговь аймгийн Ханбогд сумын нутагт байрлах Цагаан хадны гаалийн хяналтын талбайн үйл ажиллагааг бүрмөсөн зогсоох болсон юм.
 
Өмнөговь аймгийн нутгаас нийт 104 аж ахуйн нэгжийн 6331 тээврийн хэрэгсэл нүүрс тээвэрлэх тусгай зөвшөөрөлтэй. Энэ хүчин чадлаар 2017 онд 24.2 сая тонн нүүрс экспортлохоор төлөвлөснөөс энэ оны долдугаар сарын байдлаар 50.3 хувийг нь тээвэрлээд байна. Хэрвээ төлөвлөсөн 24.2 сая тонн нүүрсээ бүрэн экспортолно гэвэл үлдэж буй хугацаанд хоногт 1600-гаас доошгүй тээврийн хэрэгслээр тээвэр гүйцэтгүүлэх шаардлагатай. Гэвч сүүлийн үед нүүрсний тээвэрлэлтэд зарим хүндрэл үүсээд байгааг Засгийн газрын хуралдаанаар хэлэлцэж дээрх шийдвэрийг гаргасан юм.
 
Харин энэ тогтоолыг эсэргүүцэж “Цагаан хад хөгжлийн гарц” төрийн бус байгууллагаас өнөөдөр мэдээлэл хийв. Гаалийн ерөнхий газраас “Цагаан хад”-д гаалийн хяналтын бүсийн үйл ажиллагаа явуулах зөвшөөрлийг авсан есөн хувийн компани, орон нутгийн “Тавантолгой” компани, тухайн хяналтын бүсийг хүрээлэн үйл ажиллагаа явуулдаг хувийн аж ахуйн нэгж, нүүрсний тээврийн компаниудын  төлөөлөл  нэгдэж, энэхүү ТББ-ыг байгуулсан аж. 
 
Засгийн газар урьдчилан мэдэгдэлгүй, орон нутгийн иргэд компани аж ахуйн нэгжийн саналыг сонсолгүйгээр үйл ажиллагааг нь зогсоох, татан буулгах шийдвэр гаргасан нь илт хууль бус, үндэслэл тооцоололгүй шийдвэр боллоо гэж үзэж буйгаа хэлж байв. Мөн одоо 90 км үргэлжлэх нүүрсний тээвэрлэлтэд үүссэн урт дарааллыг Цагаан хадыг хааснаар шийдэхгүй. Харин эсрэгээрээ хилийн боомт дээр ачааллыг төвлөрүүлж, тэнд гардаг гэмт хэрэг, авто тээврийн осол аваарыг нэмэгдүүлэх магадлалтай гэлээ. 
 
Н.Туяа
Гэрэл зургийг Н.Батбаяр
Эх сурвалж: Монцамэ агентлаг
СУРТАЛЧИЛГАА :

2 сэтгэгдэл харуулж байна        

  1. Ugui bur duraaraa durgih n shivdee..Neg turiin bus baiguullaga shuiddeg bilohnuu..Yostoi neg etseggui ailiin erh huuhduudnshig yim bolohnee..Es nar meddeg baisan bol zasag gej baih herehgui bizdee

    Зочин, 2017-08-22 17:49:57, 66.181.187.214Хариу бичих

  2. dotoodiin ulstord ezenii hoshuu ruu ochood bgaan bish u, yamar ch shaltgaaangui nuursnii ocher uusgeed bn, erdenebat manuuhui ochij uulzaach ee naad hoshuuniihaa heden hujaag argalchij chadahgui yu?

    Зочин, 2017-08-22 19:44:22, 202.179.18.61

    Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: