Бид нэг намын гишүүд. Бие биенээ эртнээс танина. Энэ удаагийн сонгуулиар өөр өөр нэр дэвшигчийг дэмжих аж. Би Ц.Нямдоржийг олон түмэнд харш бодлогыг хамгаалж үзэлцээд байна гэж буруутгана. Тэрээр асуудлын агуулга, том эрх ашгийг бүрхэгдүүлж байна. Өнгөлөн далдалж байна. Ард түмэн хожих бус, хохирох гаргалгааг сурталдаад байна. Би үүнд нь эсрэгцээд байгаа хэрэг. Санал нэгдэхгүй байгаа хэрэг. Мөн чанарыг тунгаавал, ард түмнээ бодвол Монголд нүүрлэсэн үнэн, улс төрийн үнэн бодит төрхөөрөө ойлгогдоод л байна шүү дээ. Үүнийг тэрээр олж харахгүй, мэдрэхгүй, ухаж ухамсарлахгүй байна гэдэгт үл итгэнэ. Бид улс төрийн соёл, ёс зүйд дулдуйдах түвшний сэхээтнүүд. Бид сонгуулийн хар PR-т автаж, эмоцлох хүмүүс биш.
Ц.Нямдорж нь шударга үгтэй нэгэн гэсэн хүндлэлтэй. Үгээ хаана ч, хэнд ч хэлдэг эр зоригтой гэгддэг. Нам, төрийн том зүтгэлтэн. Гэвч Их Хурлын хамгийн шударга гишүүдийн нэгд тооцогддог тэрээр сонгуулийн энэ хоромд өөрийг нь хүлээн зөвшөөрдөг үнэлгээ, үнэлэмжийн хаагуур шургачихваа. Байгаагаараа байх сайхан зан төлөвийг яагаад үнэгүйдүүлнэ вэ. Өөрийнх нь шүүмжлээд, буруушаагаад, цухалдаад байдаг бусармаг самуурал, явдлыг арилгах, тэдгээрээс ангижрах цор ганц боломж, аргамжааг сонгуулиар л олж авдагийг мэдэхийн дээдээр мэдэх хүндээ, уг нь. Энэ л торгон цагт шударга ёсыг өмгөөлж тэмцдэг юм. Шударга ёсыг ард түмнийхээ сонголтоор хэр баталгаажуулна тэр чинээ олон түмний бухимдлыг тайлна. Хүсэл зоригийг хэрэгжүүлнэ. Нийгмээ эерэг голдиролд зална, хөгжүүлнэ. Зон олноороо сэтгэл тавиун, нуруу тэнэгэр амьдарна, дэвжинэ.
Ц.Нямдорж “Тулхтай улстөр” хэмээх нэвтрүүлгээр байр сууриа илэрхийлжээ. Тэр нь фэйсбүүк, цахим хуудсуудаар цацагдана. Иймд чухамхүү тулхтай улстөр түүнтэй товч мэтгэлцэх гээд байна, би. Тэрээр:
“Энэ сонгуулийн нэг онцлог байгаа. Юу гэхээр яг үнэндээ найман жилийн төрийг бүтэн самарчихлаа. Эдийн засгийг, улс төрийг, намуудыг, хууль, шүүхийг бүгдийг, цөмийг самарсан...Монголын төр дараачийн самралтыг даахгүй болчихоод байгаа.Яг одоогийн энэ шатанд. Тэгтлээ хэврэг болгосон...” гэжээ.
Яг үнэн. Ийм дүгнэлтийн эсрэг ам ангайх ч арга алга. Зуун хувь дэмжиж байна. Гэхдээ! Гэхдээ онио буруу барьж. Зориуд, зориуд бишийг таашгүй. Би Монголын хувь заяаг хөндөж байна. Тэр “татсан” найман жилд ч манай нам булзах гарцгүй төрд хамт л явсан. Энэ бол ярих л асуудал! Үүнийг түр орхиё. Эцсийн бүлэгт МАНАН гэсэн ард түмнээ шаналгасан, туйлдуулсан, сорон мөлжсөн, талцуулсан бүлэглэл амилаа биз дээ?! Тэр нь Н.Багабанди, С.Баяр, М.Энхболд, Ц.Элбэгдоржийн бүтээл, бүтээгдэхүүн. Үүн рүү Ц.Нямдорж өөрөө яагаад халдахгүй байна. Тэр Ц.Элбэгдорж, түүнд хамаатуулж энэ, тэр гэх ангич үзлээр давшлах нь ердөө бяцхан үйлдэл. Үзэгдлийг цогцоор нь, агуулгаар нь, бодит үнэнээр нь дэлгэ. Туйлдсан бизнес эрхлэгчид, цөхөрсөн сэхээтнүүд, ядарсан малчид, тариаланчид, хөлсний ажилчид, төрийн албан хаагчид, намын идэвхтнүүд бүгд л мэдэж байна. Тэд чинь ард түмний олонх, дийлэнх. Авторитар дэглэм тогтоогоод тотализм руу хальтрахыг тэд совингоороо гадарлаж байна.Тэд айдаст автсан, тэднийг айдаст автуулах бодлого хэрэгжүүлж буйг өөрөө бас мэднэ. Айдас хүйдэст барина гэдэг боолчлох дөнгө. Үүнийг өөгшүүлээд байх уу. Ард түмний зовлон шаналгааг төнх. Тэдний хэлтэрхий байя. Тэдний эрх ашгийг М.Энхболд бус, С.Ганбаатар илэрхийлж байна шүү дээ. Би өмнөх нийтлэлдээ С.Ганбаатарыг дэмжиж үзэл бодол, байр сууриа илэрхийлнэ гэдгээ бичсэн. Энэ удаад Х.Баттулгыг хөндсөнгүй. Ард түмэн ардчилсан намд хандлагаа харуулсан. Түүндээ ч МАНАН гэгчийн АН-ын төлөөллийг улс төрөөс ерөнхийдөө зайлуулсан. Ухаарлын шанаа, өөрийгөө хянаж, биеэ зөв сахих сургамж, хүмүүжлийг өгсөн. Улс төрийн байгууллагын хувьд шинээр төлөвших хугацаа олгоод явуулсан. Тэгвэл ард түмний намын замналтай манай нам яагаад муу муухайн үүр уурхай болж хоцрох гээд байна аа. Олон түмэн Ц.Элбэгдоржийн залгамжлагч гэх хүнийг өлгийдөн МАНАН-г шинэ дүр төрхөөр яагаад ужигруулах гээд байна аа. Нямдорж яаж ч “самуурсан” бүлэглэлийн тогоонд юу өрнөөд буйг ойлгохын дээдээр ойлгох хүн. Нямка, нөгөө шударга ёс? Ард түмний эрх ашиг? Багаар бодоход баян, хоосны ялгаа, ялгаварлалд цулбуурыг нь тавьж өгөх үү?! Томоор төсөөлбөл Монголыг төлөөний бүлэглэлтэй эдийн засгийн алуурчид, шинэ колончлогчдын гарт атгуулах уу. Гэрээ засвал зассан шиг зас л даа. Зүтгэ л дээ. Дэлхийн болон Монголын сэхээрэлд нэр нөлөөтөй хүмүүс амиа бодоод нийгмийнхээ хөгжилд хар толбо үлдээсэн түүх бишгүй байдаг. Монголын эрх ашиг бол эрх ашиг. Шугам бол шугам. Зарчим бол зарчим. Ёс зүй, ёс суртахуун л биднийг өндийлгөвөл өндийлгөх нь. Амьдралдаа л шударга байя. Хүн ёс, зангараг өөрийнхөөр зөвийг эрхэмлэдэг төөрөгтэй. Өөрийн өрнөлийн зүй тогтолтой. Энэ зүй тогтол үйлчлээд эхэллээ. Үүний өмнө буруу баримтлал тэсэхгүй. Ард түмний эрх ашгийг зольж буй үзэл, урсгалыг “хүний үг хэлэх эрх, эрх чөлөө” гээд орхих уу. Займчуулах уу. Монголын ард түмнийг ядуурал, хоосролд гагнаж, хууль, эрх зүйгээс дээгүүр гаарагчдыг давруулах уу. Нөгөө шударга ёс ??? Энэ удаад яаж ч мурисан ард түмний төлөө өөрөө зогссонгүй. Мунхаглаж, мугуйлдаж байна уу, мөхөс би.
С.Ганбаатарыг Гүндалайн хувилбар гэж. Арай ч дээ. Боль доо. Энэ хоёр тэс ангид үзэл бодол, байр суурь, хүсэл тэмүүлэлтэй эрхмүүд. Хүнийг хүнтэй адилтгана гэдэг сэхүүн, дээрэнгүй авир. Хэн ч хэнтэй адил биш. Хүн бүр өөр өөрийн ертөнци. Тэднийг адилтгаснаар ердөө л хар пиар, хүнийг, нэгнийгээ хэн ч биш болгох үзэл суртал ханхалж байна. Ингэж шалдаа бүү буу. Хүнийг бие хүн болгодог заяагдмал мөн чанарыг бүү үгүйсгэ. Хүнийг өөрийнхөөр нь, байгаагаар нь хүлээн зөвшөөрнө гэдэг амаргүй. Тэгэх тусмаа хамтран ажиллана гэдэг том ухаан шүү. Үндэсний эв нэгдэл, нийгмийн эвлэрэл ийм зүйлээс эхлэнэ.
“Тэр сургууль мургууль ямар юм байдгийг мэдэхгүй” гэжээ. Би үнэндээ энэ талаар С.Ганбаатарыг өөлөөд байдгийг ойшоодоггүй. Хоёрхон асуултын хариу өгч чадахгүй жулдрайнууд, оюун санааны тураалууд, чухамдаа, үзэл суртлын эрэг шургууд диплом хаана байна гээд томроод шүлсээ үсчүүлээд байх юм. Би боловсролыг хэзээ ч үгүйсгэхгүй. Түүнийг тэргүүлэгч ач холбогдлоор үнэлж хэмждэг нэгэн. Гэхдээ диплом өвөртлөчихөөр боловсорчихлоо гэдэгт итгэдэггүй.Энд асуудлаа ярихгүй хүн муулж, доош хийх новшрол өнгөлзөөд байна л даа. Үндсэн хуулиар 45 нас хүрсэн Монгол Улсын иргэн Ерөнхийлөгчид нэр дэвших шалгуур тавьсан. Өдий наслалтлаа боловсроод ир л гэж байгаа хэрэг шүү дээ. Амьдралын их сургууль төгсөөд ир гэж байгаа хэрэг.Тэгээд ч С.Ганбаатарыг шалгуур дааж байна гээд Сонгуулийн ерөнхий хороо өрсөлдүүлэхээр илгээж байхад араас нь явуургүй үг шидээд яах юм.Би Адам Смитийн “Үндэсний баялгийн мөн чанар, учир шалтгааны тухай судалгаа” гэх дэлхийн сонгодог бүтээлийг орчуулах гэж хэдэн жил зовлогоо барсан. Дашрамд, намайг орчуулна гэж итгэж, энэ хариуцлагыг тохоосон Б.Баабарт ямагт талархдаг. Уншигчдийн гарт энэ ондоо очих байх. Харин С.Ганбаатарыг энэ болон бусад аугаа зохиол, бүтээлүүдийг уншсан гэдгийг мэдээд түүгээр өөрийн эрхгүй бахархсан. Тэгтлээ боловсорсон хүн байна лээ шүү. Бараг өмнөөс нь ичмээр гэдэг дээ. Н.Энхбаяр зарим англи үгийн давхар санааг тодруулж С.Ганбаатартай санал солилцдог гэж олны өмнө үг хэлэхдээ дурдаж байна лээ. Энэ мэтийг М.Энхболдоос төнхөөч. Юм гарах уу. Бид М.Энхболдыгоо мэднэ дээ. Эзэмшсэн боловсролоо оюун санааны түүчээгээр биежүүлж, өөрийн гэгдэх мөр зурайлгасан юу байдаг билээ. Наанадаж хэлэх үгээ өөрөө бичдэг билүү. Сэтгэлгээ задарсан хүн л үгээ бичдэг юм.Энэ бол удирдагч хүний заавал эзэмшсэн байх эрдэм.
Төр, захиргааны ажлыг тэрээр мэднэ гэж өөрийн чинь хэлснийг үгүйсгэхгүй. Гээд ийм хэмжээний алба хашсан бүх хүн түүнээс дутахааргүй олон ажлыг “би хийсэн” гээд тоочиж чадна.
“Ганбаатар бол дандаа бужигнуулж явдаг” гэж зэмлэжээ. Үгүй юм аа. Тэр бол тэмцэгч. Тасалгаанд суучихаад тасалгаадах нь их л буурь суурь, тулхын шинж үү. Аймхай хүний төрх үү. Энэ чинь харьцангүй ойлголт. Тэмцлийн хэлбэрээ тэмцэгч өөрөө сонгодог. С.Ганбаатар онгироо, хөөрүү, дэвэргэн нөхөр биш. Тэрээр “бужигнууллаа” гээд олон түмнийг буруу юманд уриалж, буруу бурж, хууль зөрчсөн хэрэгт турхирч байсныг мэдэхгүй. Харин ч ухаарал, сэхээрлийн замыг зулж байв. Олон түмнийг шинэ үзэл санаа, өөрөө өөрийгөө үнэлэх үнэлэмжээр гэгээрүүлж байв. Дээдэст хамжааргатай байхыг ойлгуулж байна. Эх орныхоо төлөө яаж тэмцэхийг үлгэрлэж байна. Тэрээр Монголын төлөө, Монголын ард түмний төлөө өөрийгөө золигч. Цаг үеийн дуудлагыг илэрхийлэгч аж.
“Одоо дахиад самардаг хүн гарч ирээд дуусгачихвий гээд дотроо их болгоомжилж байгаа шүү дээ... Энэ нэр дэвшигч гурван хүний (Энхболдтой олон жил хамт явж байна. Нөгөө хоёртой нь Их Хурлын зааланд хамт байсан) араншинг мэднэ... Энэ гурван хүнийг харьцуулж хэлэхэд яг энэ цаг үед Энхболдын ноён нуруу хэрэг болох юм болов уу гэж бодоод байгаа. Нөгөө хоёр бол самарна. Үүнийг би мэдэж байна” гэжээ. С.Ганбаатарыг самарна гэж. Энэ дүгнэлт чинь сэрдхийлгэж байна. Хаягаа олсонгүй. Ер нь төлөгчлөх тэр бүр онодоггүй. Зөрөх, алдах нь их байдаг. МАНАН-ийн бүлэглэл харин самарсаар ирсэн юм биш үү? Юун С.Ганбаатар? Үгүйдээ, эвтэй Монгол, ээлтэй төрийг яагаад зурайлгасангүй, төлөвшүүлсэнгүй вэ? Өнөөдөр л ухаарав уу. Эсвэл, алдарт хуурамч амлалт уу. Тэгээд ч ард түмэн байгаа цагт улс орон дэвжиж л таараа. Үүнийг л хэр тосон авч дэмжиж ирсэн юм вэ. Нийгэм чинь үүрээ эвдүүлсэн шоргоолж лугаа л байна. Ард түмэн өнөөдрөөрөө хангалуун амьдармаар байна. Ирээдүйг ярьсан, ирээдүйг амласан цөм цөм урианууд “ коммунизм байгуулна” гэдэгтэй агаар нэг сонсогдоод байна. “Болгоно, хийнэ, бүтээнэ” гэсэн тэр лоозонгуудаа ирээдүйд тохож нялзаагаад хэрэггүй. Ер нь хариуцлага хүлээхгүй гэвэл гэгээлэг ирээдүй рүүгээ чихдэг нэгэн уран, башир арга байдаг юм шүү. С.Ганбаатарын өчиг нь амьд, прагматик юм. Ард олонд нийцтэй үр дагавартай юм. Тэгээд ч тэрээр хөгжлийн өөр гарц, төлөвлөгөөтэй аж. Тэрээр “самарна”. Юуг “самрах” вэ гэхээр МАНАН-г. Үүнийгээ ч нуухгүй байна. Монголын хувьд, ард түмний хувьд энэ л цаг хугацаанд энэ л зорилго, зорилт эн тэргүүнд тавигдаж байна. Тэрээр хариуцлагатай засаглалыг бий болгоно. Олигархиуд болон оффшорчдыг хазаарлаж, шударга ёсыг тогтооно. Ард түмний амин эрх ашгийг дээдэлнэ. Үндэсний эрх ашиг, эв нэгдлийг эрхэмлэнэ. Энэ л учир энэ сонгуулийг “...Үнэтэй сонгууль... Тэгэхлээр наад чинь том асуултад хариулт өгөх гээд буй сонгууль шүү” гэдэгтэй чинь санал хоёр зуун хувь нэгдэнэ, Нямка.
Олон улсын харилцааг хөндөхдөө өөрөө “... Харилцааны хувьд бид эмзэг, сонин байдалтай болсон... Хоёр талд цөмийн зэвсэгтэй дэлхийн хоёр супер гүрэн байна. Цаг нь болоогүй бөгөөд хэрэггүй юмаар оролдоод эхэлбэл хоёр талд хоёр аюул байна. Үүнийг л дотроо байнга тунгаан бодож энэ хоёр улстай харилцах ёстой.Бид энэ газар нутгийг онгоцонд ачаад Америк руу нисэхгүй нь ойлгомжтой шүү дээ. Энэ хоёртой эв зүйгээ олох явдал Төрийн тэргүүний анхаарах гол асуудлын нэг. Гадаад бодлого дээр Энхболд аваад явчихна аа. Үүн дээр айлт байхгүй” хэмээжээ. Айхгүй ч аягүй гэдэг дээ. Улс төр, дипломатийн нэг нюанс байна аа. Ер нь олон улсын тавцанд сүүлийн үед үүссэн нөхцөл байдал тун ээдрээтэй. Хүйтэн ч гэнэ үү, халуун ч гэнэ үү дайны уур амьсгал цухалзаад, өрнөөд байна. Айлуудаар тараасан М.Энхболдын сурталчилгааны сонинд “Дэлхий түүнийг мэднэ” гээд зургууд нийтлэжээ. Орос болон Хятадыг үзэн яддаг, элдэв хориг тавих, өнгөт хувьсгал дэгдээхийг идэвхийлэн гарддаг Америкийн нэгэн нөлөө бүхий зүтгэлтэнтэй тэрээр гар бариад зогсч байх юм. Ач холбогдол өгч зургийг ихэд хүндэтгэлтэй газар байрлуулж. Үүнийг юу гэж ойлгох вэ. Юутай ч хөрш хоёр их гүрэн ийм Ерөнхийлөгчтэй болбол түүнд итгэх итгэлцүүр ямар байх бол? Монголын ард түмнийг бодоод Монгол Улстай харилцаж л таараа. Гэхдээ Ерөнхийлөгчийн хувьд, хувь хүний хувьд түүнд яаж хандах бол. Өөрийн чинь:” ... дотроо байнга тунгаан бодож энэ хоёр улстай харилцах ёстой” гэсэн үнэлгээнд хүрсэнгүй дээ.
"Үнэн" сонины эрхлэгч асан, сэтгүүлч Ц.Ганбат
Сэтгэгдэл0
Албан тушаалын наймаачин бүдүүн илжиг тэргүүтэй МАН Монгол улсыг дампууруулсан.
Монголчууд монголоо хамгаалдаггуй
Маш зөв бичсэн Ганбатдаа баярлалаа
АНы тархины тураалаа илжиг гэдэг уг чинь АНы нэрэн дээр патент авсан уг юм ургэлж бусдаас будаа иднэ гэж ямар юм байдгийн наад илжирсэн тархи ажиллулах гээд уз болж юун магад АНы илжигээ
Эр бэлэг эрхтний хэмжээ сексдэх үед эмэгтэйд ач холбогдолтой байдаг уу? Эр бэлэг эрхтнийг томруулах боломжтой юу? Хэт хурдан дур тавилтыг хэрхэн зохицуулах вэ? Бэлгийн сулрал юунээс үүдэлтэй вэ? Түүнийг хэрхэн эм тангүйгээр эмчилж зохицуулах вэ? :
Эр бэлэг эрхтний хэмжээ сексдэх үед эмэгтэйд ач холбогдолтой байдаг уу? Эр бэлэг эрхтнийг томруулах боломжтой юу? Хэт хурдан дур тавилтыг хэрхэн зохицуулах вэ? Бэлгийн сулрал юунээс үүдэлтэй вэ? Түүнийг хэрхэн эм тангүйгээр эмчилж зохицуулах вэ? : www.iEmch.mn
Юу ч ойлгосонгүй
Дахин дахин унш!
Ийм энгийн зүйл ойлгохгүй бол хөдөө гарч хонь хариул.
тэнэг хүний шизо хөдөлсөн байрын бичвэнцэр
" Ухаантан гуай "! Уураг тархин дахь " Ухна " - аа зайлуулахыг бод! Тэр чинь ер нь их " Даварсан " шиг байнаа!
Эрдэнэтийн шахаачин энэ өгөр одоо тэтгэвртээ гараад зайлах ёстой.
Монгол улс өөдлөн дэвжиж байгаа. Самрах=баттулга ганбаатар нар хэрэггүй
Монгол улс өөдлөн дэвжиж байгаа. Самрах=баттулга ганбаатар нар хэрэггүй
Монгол улс өөдлөн дэвжиж байгаа. Самрах=баттулга*ганбаатар нар хэрэггүй
Харин тийм вьетнамыг бөмбөгдөх гэж нисээд оросуудын пуужинд оногдож баривчлагдаж байсан,оросуудыг үзэн ядагчтай авахуулсан сенатчтай авахуулсан зураг тавьдаг буруу даа. Мөнхийн хөрш Орос шүү
https://www.youtube.com/watch?v=9cClKbQXOhU
Үнэхээо зөв бичжэ. Нямдорж ёстой цагаан солиотой амьтан шүү дээ
Нямдорж шудрага, зарчимтай хүн, танар шиг бутны шээснүүд биш
Нямдорж байгаагуй бол чи гэр булээрээ ур удмаараа шалдан ганц бандагтайгаа л хоцрох байсан. Эрдэнэтэд шахаа хийсэнч ард тумэндээ огсон гавьяан хавьгуй их юм АНы тархины тураалаа. Чамшиг ардчилал хулгай хоероо ялгаж салгаж дийлэхгуй амьтан Нямдоржийн ард тумэндээ улдээсэн буянг Эрдэнэтийн 100 хувиас олон юм хуцалгуй хуртээд байж бай
Бас л нэг загварын тархи угаалт л юм даа.Нэг их санаа,оноо алга ердийн нэг байдаг л хэлдэг зүйл.
Нямдорж ямар үед гэнэт идэвхижээд байгааг сэхээлэг хүн анзаарч аргагүй хаашаа ч зайлахааргүй бичжээ. Ийм бичвэр ойлгоход эх орон ард түмнээ чин сэдхилээсээ хайрлах халуун дулаан зүрх хэрэгтэй!
doosh hiih gej ih l hicheej bichjee
Хятадын эрлийзийн хошного долоогч Эрдэнэтийн шахаачин энэ өгөр дөрвөд насаараа төрд гарч ууж идлээ.Энэ өгөр бол МАН гэмт хэрэгтнүүдийн хөшиг хошного нь байсан. МАН албан тушаалын панзчин гэмт бүлэглэлүүдийн мафийн нам болон хувирлаа..Одоо сайн дураараа зайлах хэрэгтэй.Эсгий хийх газар хуурамч хөшиг болсон зөнөг нохой хэрэггүй.
эрдэнэтэд энэ дөрвөд нэг удаа юм шахсанаа хэлсэн шүү дээ, гэтэл хэлэхгүй нуугаад шахаад яваад байдаг паразит олон байгаа шүү дээ, батэрдэн аврага юм шахсан ч гэдэг билээ, бас идэвхтэн, энэ бол наад захын юм, эднийнамд шахаагүй хүн байхгүй, бас ардчилсан намд
Нямдорж байгаагуй бол чи гэр булээрээ ур удмаараа шалдан ганц бандагтайгаа л хоцрох байсан. Эрдэнэтэд шахаа хийсэн ч ард тумэндээ огсон гавьяан хавьгуй их юм АНы тархины тураалаа. Чамшиг ардчилал хулгай хоероо ялгаж салгаж дийлэхгуй амьтан Нямдоржийн ард тумэндээ улдээсэн буянг Эрдэнэтийн 100 хувиас олон юм хуцалгуй хуртээд байж бай
unen
Nyamdorj guai ungun deeree neg ih tsetsen tselmeg surhii yum yarih hernee nam dotor n bugshsan idee beeriig shahaj chaddaggui,orolddog ch ugui l hun dee.
ene lalar chavgantstai yarih tsagiin garz ... helj bgaa vg ni galzuugiiin 3 r shat ... am al 2 ni neg 1 bolchihson iim lalar luuhaanuud mongoloor dvvren baina BVV HVNSHVVVL .. naadah chin hvn bish
АНы тархины тураал естой хуцваа харин хуний оорийн гэлгуй хэлдэг цоон хуний нэг нь шуу
Энэ хусмаа чамласан шалчигнуур шар юу гээд байна аа.Нам чинь чамд олигтой албан тушаал, бялууны хэлтэрхий амсуулсангүй юм уу даа.Ийм амьтан яаж "Үнэн" сонины эрхлэгч байсан юм болдоо.Арьяабал ум мааний бадми хум.
Нямдорж нэг талдаа шийдтэй гарсан нь дээр дээ.
Хятад шаахайн мөрөнд дургүй Даваасүрэн гишүүн юу хийж явна? Ажил албан тушаал гэхээр юу руу ч орж мэднэ шүү. Сангийн сайд мөрөөдөл нь биз дээ. Одоо ч чамайг тоох найз нөхөд ч алга болоо биз дээ. Тендер ав гэвэл л цуглах байх даа
Ганбаа ах бичээд байгаараа, энэ энхболд гэдэг дуракаас өөр танай намд хүн алга уу.Ард түмэн хүлээж авахгүй гээд байхад дайраад байх юм
ирээдүйн төрийн тэргүүн хүн
Нямка шудрага цариалдаг боловч үнэн хэрэгтээ тийм биш. Бид одоо ярьдаг биш, хийж бүтээдэг Ерөнхийлөгч хэрэгтэй байх юм.
ene nymdorj gej shahaachin . ervvgiin elemeted hezee ervv vvsgeh ve ?????? . yu yasan shudraga .
108.219... юмаа мэдэж чальч Нямдорж байгаагуй бол Эрдэнэтийн 49 Эбээ Хужаа Ганболд ХХБийн гарт орцон ТУЗ нь Эбэгийн гарт орцон байх байсан. Эбэгийн мафи 49 идээд АНы бусад бузарууд нь 100 хувийн шахаа хий байсан юм. Нямдоржийн ачаар сургууль цэцэрлэг эмлэг удахгуй нэмэгдэж баригдна
Ач гэв уу? Булэглэл хоорондын дайн
ганзагны сумтаи гэдэг шиг ПИНШҮҮ юү хийхэв дээ МОНГОЛОО онигоонд оруулж ЭДИЙН ЗАСАГТ тээг болж ӨӨРӨӨ Л ХӨЛЖИНӨ биз АРДАА ЗАСАГТАИ ПАРЛАМЕНТТАИ МАН бодлогоо явуулаг үр дүн нь одооч мэдрэгдээд эхэллээ ЭНХБАЯР-г дэвшүүлсэн бол өөрөөр сэтгэж болох л баив
Ene Hyamdorjiig ene Mongol ylsad yu hiij bvteesen hvn beee haryylaach hob yarihaas oor yu ch bgvi ebtei Mongol geed baihiin ebgvi bsan yumyy haashaa yum hvmvvsiin amidral ylam l dordood bn shvvdee deer bgaa tomchyyd l tsadaad bayajaad dyyslaa Mongol oron hogjohgvi bn shvvdee neteer baahan yls tor yarisan hvmvvs oor yu bnaa yarihaas
zov
Irgred Ganbaatart am saitai bgaa shuu
Mongolchuud hudalch huuramch hulgaich ardchilagchidad zohih hariugii ni ogch toroos zailuulsan Odoo MAN Tuunii nert hulgaich mafiin manan bulgiin tolgoilogchdiin neg me enhbold gedeg buzariig zailuulah ARD tumnii songolt boloh gej baina bid yalna .bid Ganbaagaa songono uragshaa ahan duusee
МАН ард түмнийг шоронд хатаах дуртай гэж боддог хүмүүст тийм биш гэдгээ харуулах хэрэгтэй. ардын нам юм бол ард түмэндээ ээлтэй байх ёстой. тэгж чадахгүй бол арчуулна шүү. хахир хатуу, зүрх сэтгэлгүй хуулийнхантай хариуцлага тооц
Zob bichsen Gabaad Bayar hurgie. Nyamdorj jookhon uhaarah tsag bolson
Энэ хэсэгт айхтар хэлжээ: "Энэ мэтийг М.Энхболдоос төнхөөч. Юм гарах уу. Бид М.Энхболдыгоо мэднэ дээ. Эзэмшсэн боловсролоо оюун санааны түүчээгээр биежүүлж, өөрийн гэгдэх мөр зурайлгасан юу байдаг билээ. Наанадаж хэлэх үгээ өөрөө бичдэг билүү. Сэтгэлгээ задарсан хүн л үгээ бичдэг юм.Энэ бол удирдагч хүний заавал эзэмшсэн байх эрдэм..."
Enkhbold-d bi l lav itgehgui!!!
Нямдорж гуай бол мундаг хүн л дээ.Даанч намынхаан булхай луйврыг мэддэг хэрнээ юү ч дуугардаггүй л хүн дээ.
Zuv dygnesen bna Nyamka bol zalitai hudalch nuhur duu
nymdorj emee