Улаанбаатар /МОНЦАМЭ/. Монгол Улсын Ерөнхийлөгч Ц.Элбэгдорж энэ 4 дүгээр сарын 24-25-ны өдрүүдэд Дорнод аймагт ажиллаж байна. Энэ үеэр Монгол Улсын Ерөнхийлөгчийн 2009-2017 оны бодлого, үйл ажиллагааны хөтөлбөрийн биелэлтийг Дорнод аймгийн иргэдэд танилцуулах уулзалт болно.
Ерөнхийлөгчийн Гадаад бодлогын зөвлөх Л.Пүрэвсүрэн, Хүний хөгжил, нийгмийн бодлогын зөвлөх Р.Болд, Хүний эрх, хуулийн бодлогын зөвлөх Ч.Өнөрбаяр нар Монгол Улсын Ерөнхийлөгч Ц.Элбэгдоржийн өнгөрсөн найман жилийн хугацаанд хийж хэрэгжүүлсэн ажлыг салбар тус бүрээр танилцуулах юм.
Уулзалтын дараа Дорнод аймгийг Төрийн дээд Сүхбаатарын одонгоор шагнах ёслол болно.
Ц.Элбэгдорж Дорнод аймагт ажиллах үеэрээ зүүн болон говийн бүсийн аймгуудын телевиз, сонины сэтгүүлчидтэй мөн уулзалт, ярилцлага хийх юм.
Эх сурвалж : Монцамэ агентлаг
Сэтгэгдэл0
С Зориг аавын нутаг байхаа С Зоригын аллагад холбоотой гээд хөөгөөд явуулж чадах л ард түмэн шүү
Эба худлаа дүр эсгэж доншуучилж төсвийн мөнгө зарахаа болиоч жаахан ч гэсэн дараагийн Ерөнхийлөгчид очиж ажил хийхэд нь тус болог.АНамынхан дандаа гадны нүдээрх харахад улсаа ер бодохгүй хувиа бодсон алхамууд хийгээд байдаг нь тун харамсалтай. Тэр нь дараагийн эрх барих намд хүндрэл учруулаад зогсохгүй иргэд бидний нуруун дээр ирээд асар их дарамт болоод байна шүү дээ.Та нөхдийн энэ чинь их таалагдахгүй байгаа юм.Их хорлонтой,хор хохиролтой,би болж байвал маргааш эд нар яах нь надад хамаагүй гэсэн шүү л юм хийгдээд байх юм.Олон жил ажиглаад байхад.Үүнийгээ л нэг больчихмоор байх юм.Битгий тэгээ ч гэж гуймаар л санагдах юм.