sonin.mn
Сэтгэгдэл (0)
НҮБ./TASS/. Хэдхэн хоногийн өмнө зуурдаар нас барсан Виталий Чуркины 1 дүгээр орлогчоор ажиллаж байсан Петр Ильичев НҮБ-д суугаа ОХУ-ын Байнгын төлөөлөгчийн үүрэг гүйцэтгэгчээр томилогдлоо. Энэ тухай пүрэв гарагт Байнгын төлөөлөгчийн газрын хэвлэлийн алба мэдээлсэн байна.
 
НҮБ дахь ОХУ-ын Байнгын төлөөлөгчөөр 2006 оны 4 дүгээр сарын 8-наас эхлэн ажиллаж байсан Виталий Чуркин 2 дугаар сарын 20-нд 65 насандаа зуурдаар нас барсан билээ. ОХУ-ын Гадаад хэргийн яамны мэдээлснээр, Байнгын төлөөлөгч ажлын байрандаа нас баржээ. ОХУ-ын Ерөнхийлөгч Владимир Путин мягмар гарагт Чуркиныг "Эр зоригийн одон"-гоор нэхэн шагнасан байна.
 
2 дугаар сарын 22-нд НҮБ дахь ОХУ-ын Байнгын төлөөлөгчийн газарт Виталий Чуркинтай салах ёс гүйцэтгэсэн бол 2 дугаар сарын 23-нд түүний цогцсыг эх оронд нь авчирчээ. Талийгаачийг Троекуровын оршуулгын газарт оршуулна.
 
О.Барс
Эх сурвалж: “Монцамэ”агентлаг