Жагсагчдыг зодсон Хонконгийн цагдаа нарт 2 жилийн ялаар шийтгэжээ

Нийтэлсэн: 2017-02-17 16:25:00

ХОНКОНГ./TASS/. 2014 оны намар болсон эсэргүүцлийн жагсаалын үеэр сөрөг хүчний нэгэн гишүүнийг зодсон долоон цагдаад Хонконгийн шүүх тус бүрт нь 2 жилийн ял оноолоо. Энэ тухай RTHK радио өргөн нэвтрүүлгийн корпораци мэдээллээ.
 
Эдгээр цагдаа нар зүй бус авир гаргаснаараа “цагдаагийн хүчний нэр хүндийг унагаад зогсохгүй Хонконгийн олон улсын нэр хүндэд хохирол учруулсан” гэж шүүгч онцлон тэмдэглэжээ.
 
Энэ хэрэг 2014 оны 10 дугаар сарын 15-нд шилжих шөнө Засгийн газрын ордны дэргэд цагдаагийнхан жагсагчидтай мөргөлдөх үед гарсан байна. Жагсаалд оролцогчдын нэг болох Кен Цангийг цагдаа нар барьж аваад, чирч гулдран байшингийн булан тойруулж авчраад олуулаа нийлэн нүүр нүдгүй өшиглөсөн байна. Энэ үед Кен Цанг гавтай байжээ.
 
Үүнийг харсан хүмүүс дүрс бичлэг хийсэн ба улмаар уг бичлэг олон нийтэд ил болсноор цагдаа нар ширүүн шүүмжлэлд өртжээ. “Хэдийгээр Цанг хууль зөрчсөн, мөн хууль сахиулагчид маш их бухимдалтай нөхцөлд ажиллаж байсан ч гэсэн хүнийг ингэж харгисаар зодсоныг зөвтгөх аргагүй” гэж шүүгч хэлсэн байна.
 
2014 оны намар Хонконгт сонгуулийн тогтолцоог ардчилсан болгохыг шаардсан олныг хамарсан оюутны эсэргүүцлийн жагсаал болсон юм. Уг жагсаал 79 хоногийн турш үргэлжилсэн бөгөөд хотын гол гудамжуудад тээврийн хэрэгслийн хөдөлгөөн зогсч байжээ.
 
О.Барс
 
Эх сурвалж: “Монцамэ”агентлаг
СУРТАЛЧИЛГАА :

4 сэтгэгдэл харуулж байна        

  1. жагсагчдыг зодсон цагдаа нарт 2 жилийн ял өгчээ аль эсвэл цагдаа нарыг 2 жилийн ялаар шийтгэжээ. зөв бичиж сураа монгол хэлийг мөхөөх үйл хэрэгт хувь нэмрээ бүү оруулаач барсаа.

    Зочин, 2017-02-17 18:25:05, 202.126.89.143Хариу бичих

  2. Таны нэр:

    Тайлбар:

  3. Манай 7 сарын 1-нд цагдаа хүн зодсон уу?

    Зочин, 2017-02-18 10:16:11, 202.55.191.76Хариу бичих

  4. Таны нэр:

    Тайлбар:

  5. Зодох битгий хэл мереерее хедеенеес амралтаараа харьж явсан хунийг хуртэл нохой шиг буудаж алсан. Тухайн уед тушаал егсен терийн ендерлегуудийг одоо хуртэл шийтгээгуй байгааг тумэн олон мэднэ.

    Иргэн, 2017-02-19 18:31:57, 81.241.54.10Хариу бичих

  6. Таны нэр:

    Тайлбар:

  7. МАНАЙХ ХАРИН ЭСРЭГЭЭРЭЭ.МОНГОЛ УЛС КОММУНИСТ МАФИЙН ДЭГЛЭМТЭЙ УЛС ЮМ БАЙНА. ЖАГСАГЧДЫГ БУУДАЖ АЛСАН ЯРГАЧИН УЛСУУДЫГ САЙДЫН СУУДЛААР ШАГНАЖ ГАДААД ДОТООД ЯВУУЛААД Л.

    Зочин, 2017-02-19 22:14:54, 202.9.42.166Хариу бичих

  8. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: