Казах сурагч “ухаалаг тоорцог" бүтээжээ

Нийтэлсэн: 2017-02-17 12:45:00

АСТАНА./TASS/.Казахстаны Актау хотын Назарбаевын нэрэмжит гоц авьяастны сургуулийн 12 дугаар ангийн сурагч Саттигали Жолдасбай хараагүй болон хараа муутай хүмүүст зориулан SMART тоорцгийг бүтээжээ.
 
“Уг тоорцог нь хөдөлгөөн мэдрэгчтэй ба уг мэдрэгч нь ердийн гар утасны чичиргээ үүсгэгч моторт дохио өгдөг байна. Хүн явж байх үед саад урд нь гарч ирсэн тохиолдолд тоорцогны мэдрэгч нь "саад байна шүү" гэж сануулан чичиргээ өгч эхэлдэг” гэж зохион бүтээгч “Казинформ” агентлагт өгсөн ярилцлагадаа тайлбарлажээ.
Сурагчийн ярьснаар, уг төхөөрөмжийн тусламжтайгаар хараа муутай хүн хөдөлгөөнөө өөрчлөх буюу хажуу тийшээ эргэх эсвэл зогсох боломжтой.
 
“Уг бүтээл нь Ардуино /автоматикийн энгийн систем байгуулахад зориулагдсан хэрэгсэл/ бичил хавтан дээр суурилдаг. Миний энэ бүтээл хараагүй болон хараа муутай хүмүүст тус болно гэж найдаж байна” гэж Жолдасбай ярьжээ.
 
Тэрбээр өнгөрсөн оны зун Малайзад хоёр долоо хоногийн тусгай сургалтанд хамрагдсан байна. Залуу зохион бүтээгч Астана хотод болох эрдэм шинжилгээний бүтээлийн үзэсгэлэнд оролцож, өөрийн бүтээлээ дэлгэн үзүүлэх аж. Уг үзэсгэлэнд дээр дурдсан тусгай сургуулийн сурагчдын хийсэн бүтээлүүд болох “ухаалаг гэр”, тасалгааны ургамлыг услах автомат систем зэрэг зүйлс тавигдах юм.
 
Назарбаевын нэрэмжит гоц авьяастны сургууль нь 2009 оны 1 дүгээр сард Астана хотод байгуулагдаж байсан бол өдгөө Казахстан улс даяар ийм төрлийн 18 сургууль үйл ажиллагаа явуулж байна.
 
О.Барс
 
Эх сурвалж: “Монцамэ”агентлаг
СУРТАЛЧИЛГАА :

2 сэтгэгдэл харуулж байна        

  1. маш сайн байна, даанч чи казах юм даа гэж.

    Зочин, 2017-02-18 17:21:32, 202.9.41.182Хариу бичих

  2. Таны нэр:

    Тайлбар:

  3. Harvaas jinhene mongol tsaraitai yum

    Зочин, 2017-02-20 09:58:31, 103.10.20.34Хариу бичих

  4. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: