Франц ОХУ-д сануулга өгчээ

Нийтэлсэн: 2017-02-17 12:23:00

Францын тал ОХУ болон бусад ямар ч улсын зүгээс энэ онд болох Ерөнхийлөгчийн сонгуульд хөндлөнгөөс нөлөөлөхийг тэвчихгүй хэмээн мэдэгджээ. Парис сонгуульд нөлөөлөх ямарваа нэгэн үйлдэл гарвал “хариу өгөх”-өө сануулсан байна.
 
Энэ тухай Францын Гадаад хэргийн сайд Жан-Марк Айро мэдэгдэв. Тэрээр АНУ-ын тусгай албаны мэдэгдэлтэй холбоотой мэдээлэл өгсөн юм.
 
АНУ-ын Тагнуулын төв газраас  Кремль Дональд Трамп Ерөн­хийлөгчийн сонгуульд яла­лт байгуулахад тус­лахын тулд олон нийтийн санаа бодолд манипуляци хийж, кибер довтолгоо хийсэн гэж мэдэгдсэн.
 
 
Хэд хоногийн өмнө Францын Ерөнхийлөгчийн сонгуульд нэр дэвшигч Эммануил Макроны туслахууд сонгуулийн кампанит ажлын штабын компьютер болон серверүүдэд кибер довтолгоонд Москваг буруутгасан аж. Кремлийн эрх баригчид уг асуудлыг “худал гүтгэлэг” гэжээ. ОХУ-ын тал түүнчлэн АНУ-ын Ерөнхийлөгчийн сонгуульд нөлөөлсөн гэдгийг ч үгүйсгэж байгаа.
 
Сүүлийн үеийн судалгаагаар хэт барууны үзэлтэй нэр дэвшигч Марин Ле Пен дөрөвдүгээр сарын 23-нд болох Францын Ерөнхийлөгчийн сонгуулийн эхний шатанд ялах магадлалтай гэнэ. Гэвч санал асуулгын дүнгээс харахад Францын Эдийн засгийн сайдын албыг хашиж явсан 39 настай Эммануил Макрон тавдугаар сард болох сонгуулийн хоёрдугаар шатанд Ле Пенээс илүү санал авч магадгүй.
 
Макроны нэр хүнд өсөх тусам ОХУ-ын төрийн хэвлэл мэдээллийн хэрэгслүүд болон Кремлийн бодлогыг дэмждэг цахим сайтууд Макроныг ихээр шүүмжилж муулаад байгаа аж.
 
Өнгөрсөн сард Францын Дотоод хэргийн сайд Жан-Ив Ле Дриан тус улсад сүүлийн гурван жилийн дотор кибер довтолгоо маш ихээр өсч, Ерөнхийлөгчийн сонгуульд аюул учруулж магадгүй хэмээн сануулсан.  
 
М.Хүслэн
Эх сурвалж: “Зууны мэдээ” сонин
СУРТАЛЧИЛГАА :

2 сэтгэгдэл харуулж байна        

  1. Балай юм донгосцгоох юм. Унасан бөхөд шалтаг мундахгүй гэх шиг орилцгоох юм. Унах бөх нь унахаасаа өмнө шалтаг тооцоод эхлэх юм.

    Зочин, 2017-02-17 15:48:27, 202.55.191.76Хариу бичих

  2. Таны нэр:

    Тайлбар:

  3. hudlaa syrjigneed jyjig tavilt hiih um. garaaraa toolohiig ni hen bai gev.

    unshigch, 2017-02-17 18:34:07, 85.7.20.155Хариу бичих

  4. Таны нэр:

    Тайлбар:

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: