Пакистанд амиа золиослогч этгээд 70 гаруй хүний аминд хүрлээ

Нийтэлсэн: 2017-02-17 09:31:00

ИСЛАМАБАД. /Xinhua/. Пакистаны өмнөд нутгийн нэгэн сүмд амиа золиослогч этгээд дэлбэрэлт үйлдсэний улмаас 72 хүн амь үрэгдэж, 150 гаруй хүн шархаджээ. Уг халдлагыг үйлдсэн хариуцлагыг “Лалын улс” бүлэглэл өөртөө хүлээсэн байна.
 
Цагдаа нарын мэдэгдсэнээр, өчигдөр тус улсын Синдх мужид лалын шашны суфи урсгалын сүмд  тэсрэх төхөөрөг бүхий хантааз өмссөн этгээд амиа золиосолжээ.
Өнгөрсөн оны 11 дүгээр сард Пакистанд мөн суфи урсгалын нэгэн сүмд террорист этгээд амиа золиосолсны улмаас 40 гаруй хүн амь үрэгдэж байв. Уг халдлагыг мөн л “Лалын улс” үйлджээ.
 
“Лалын улс” бүлэглэл нь Пакистаны хөрш Афганистанд түшиц газартай юм.
Тус бүлэглэлийн босогчид улс орон руу нь нэвтэрч, халдлага үйлдэх нь улам олширч болзошгүй гэж пакистанчууд сэтгэл түгшиж байна.
 
 
Г.Доржханд
 
Эх сурвалж: “Монцамэ”агентлаг
СУРТАЛЧИЛГАА :

0 сэтгэгдэл харуулж байна        

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: