Мягмар - 04 сарын 23,
2024
Нийтийн тээврийн том оврын автобустай холбоотой 11 гомдол ЗЦГ-т ирсэн байна. Үүнээс зам тээврийн осолд холбогдон, автомашинтай шүргэлцсэн 5, хий хөлдсөн 3, хийгүй, шатахуунгүй болоод унтарсан 2, тосолгоо тургисан 1 зөрчил тус тус бүртгэгдсэн байна.
Нийтийн тээврийн үйлчилгээнд явж буй тээврийн хэрэгслийн эвдрэл гэмтэл, зам тээврийн осол гаргаж буй зэргээс шалтгаалан замын хөдөлгөөнд оролцогч нарт саад учруулан, зохиомол түгжрэл саатлыг үүсгэж, иргэдийг ихээхэн бухимдуулсаар байгаа.
Иймд нийтийн тээврийн үйл ажиллагаа явуулдаг аж ахуй нэгж, байгууллагууд үйлчилгээнд явуулж буй тээврийн хэрэгслийн техникийн бүрэн бүтэн байдлыг сайтар шалгаж замын хөдөлгөөнд оролцуулах, тогтмол хяналт тавих, техникийн саатлаар зогссон нөхцөлд түргэн шуурхай эвдрэл, гэмтлийг засах, зам чөлөөлөх арга хэмжээ авч байх, жолооч нарын ур чадварыг дээшлүүлэх тал дээр анхаарах шаардлагатай байна.Монгол улсын Замын хөдөлгөөний дүрмийн 3 дугаар хавсралтын 3 дугаарт “Стандартын шаардлага хангаагүй буюу замын хөдөлгөөний дүрмийн 2 дугаар хавсралтад заасан техникийн гэмтэлтэй, тогтоосон журмын дагуу улсын үзлэг тооллогод ороогүй, улсын дугааргүй, бүрэн бус тээврийн хэрэгслийг хөдөлгөөнд оролцуулахгүй байх үүрэгтэй" гэж заасан байдаг. Тиймээс ЗЦГ энэ дагуу гомдлыг хүлээн авдаг болсон юм.
Ж.Батсайхан
Эх сурвалж: “Монцамэ” агентлаг
Сэтгэгдэл0
Автобус баазын удирдлагууд энэ хэдэн жолооч нараа анхааралдаа авахгүй бол зочигчдоос бэлнээр мөнгө хураагаад баазад орох орлогоос чинь хулгайлаад байгаа шүү. Тэгээд гар дээрээ баахан мөнгө хурааж цадаж, санаа нь амарчихаад оройн 7 цагаас хойш явахгүй эцсийн буудал дээрээ эрт оччихоод буух цагаа хүлээж зогсоод хүмүүст үйлчлэхгүй байна. Эсвэл хоорондоо секундын зайгүй ар араасаа гурав дөрвөөрөө яваад нэг талдаа гараад байна. Орой хэдэн цаг хүртэл явах ёстой нь рд түмэнд мэдэгдэхгүй байна. Одоо хүйтний эрч чангарахаар яах болж байнаа.