Монгол Улсын Ерөнхий сайд Ж.Эрдэнэбат өнөөдөр аймаг, нийслэлийн Засаг дарга нартай хариуцлагын гэрээ байгуулж батламжид гарын үсэг зурлаа.
Батламжид дараах зарчмуудыг тусгажээ.Үүнд:
1. Засаг төрийн төлөөлөгчийн хувьд хүлээсэн үүргээ хэрэгжүүлэхдээ төрийн хууль ёсыг чандлан сахиж, Монгол Улсын Үндсэн хууль, бусад хуулийг удирдлага болгон ажиллана.
2. Монгол Улсын Засгийн газрын үйл ажиллагааны хөтөлбөрийг аймагтаа бүрэн хэрэгжүүлж ажиллана.
3. Нутгийн захиргааны байгууллагын цомхон чадварлаг, мэдлэг боловсролтой,туршлагатай, мэргэшсэн албан хаагчдаар бэхжүүлэн, аймагтаа төсвийн хэмнэлтийн бодлогыг тууштай хэрэгжүүлж, төрийн үйлчилгээг хүнд суртал, чирэгдлээс ангид байлган иргэдэд нээлттэй, ил тод, шударгаар үйлчилнэ.
4. Аймгийн эдийн засаг, санхүүгийн чадавхийг байнга сайжруулж, төсвийн сахилгыг чанд сахиж, хээл хахууль, авлигын эсрэг тууштай тэмцэнэ.
5. Аймгийн эдийн засгийн өсөлтийг хангахын зэрэгцээ, соёл, боловсрол, эрүүл мэндийн зэрэг нийгмийн салбарын хөгжлийг жигд хангах арга хэмжээг дэс дараатай хэрэгжүүлэн ажилгүйдэл, ядуурлын түвшинг бодитой бууруулж ажиллана.
6.Аймгийн хэмжээнд сахилга, хариуцлагыг эрс сайжрууланнутаг дэвсгэрийн байгууллага, сум, багт тогтмол ажиллаж, гадаад улсад албан томилолтоор ажиллах тухай бүр Засгийн газрын Хэрэг эрхлэх газарт мэдэгдэж, томилолтын удирдамжийг батлуулж байна.
7. Монгол Улсын Ерөнхий сайд, Засгийн газраас өгсөн үүрэг даалгаврыг биелүүлээгүй,албан үүргээ хангалтгүй биелүүлсэн, төсвийн хөрөнгийг үрэлгэн зарцуулсан, хууль зөрчижалбан тушаалаа хувийн зорилгодоо ашигласан, авлига, хээл хахууль авсан, ёс суртахууны доголдол гаргасан, архидан согтуурсан зэрэг тохиолдолдзохих хууль тогтоомжийн дагуу шийтгэл, хариуцлага хүлээнэ.
8. Энэхүү батламжаар хүлээсэн үүргийн биелэлтийг жил тутам Засгийн газрын Хэрэг эрхлэх газарт тайлагнана гэжээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Сэтгэгдэл0
aimgiin darga nar gej bugd l hulgai hiih gej uhelden zutgedeg suudal bolj dee hoorhii hariuzlaga mongo hoeriig ni bariad ehleheer ajil hiideg lalaruud baihgui bolno mon ch hezuu niigem toruulj dee ene ardchilsan hulgaich nar
Яам агентлаг төрийн өмчит компанийн сайд дарга захиралуудын ажлын тайланг сар бүр гаргуулан авч авсан цалинтай нь ард түмэнд мэдээлж байх хуулийг батлахыг МАН-с шаардаж байна.Ингэвэл төрийн өмчийг нууцаар идэж уух явдал арилна.Төрөөс сард 30-40 сая төгрөгийн цалин авдаг дарга нар олон болоод байна.
Яам агентлаг төрийн өмчит компанийн сайд дарга захиралуудын ажлын тайланг сар бүр гаргуулан авч авсан цалинтай нь ард түмэнд мэдээлж байх хуулийгбатлахыг МАН-с шаардаж байна.Ингэвэл төрийн өмчийг нууцаар идэж уух явдал арилна.Төрөөс сард 30-40 сая төгрөгийн цалин авдаг дарга нар олон болоод байна.