sonin.mn
Сэтгэгдэл (0)
Байгаль орчин, хүнс, хөдөө аж ахуй болон Эдийн засгийн байнгын хороо өнөөдөр 10 цагаас хамтарсан хуралдаан хийнэ.
 
Хуралдаанаар Хүнс, ХАА, хөнгөн үйлдвэрийн сайдыг томилох эсэх асуудлыг хэлэлцэх юм. Үүний дараа Эдийн засгийн байнгын хороо дангаараа хуралдах ба Эрчим хүч, Барилга хот байгуулалтын сайдыг томилох тухай, УИХ-ын дэд хорооны бүрэлдэхүүнийг батлах тухай, Монголбанкны дэд Ерөнхийлөгчийг үүрэгт ажлаас чөлөөлөх болон томилох тухай, Монголбанкны тэргүүн дэд Ерөнхийлөгчийг томилох тухай, Санхүүгийн зохицуулах хорооны даргыг томилох тухай, Санхүүгийн зохицуулах хорооны орон тооны гишүүнийг томилох тухай, Үндэсний Статистикийн хорооны даргыг томилох тухай зэрэг асуудлыг хэлэлцэхээр товложээ.
 
Байгаль орчин, хүнс, хөдөө аж ахуйн байнгын хорооны хуралдаанаар УИХ-ын дэд хорооны бүрэлдэхүүнийг батлах эсэх асуудлыг хэлэлцэх бол Төрийн байгуулалтын байнгын хорооны хуралдаанаар Төрийн албаны зөвлөл гишүүнийг томилох тухай, УИХ-ын дэд хорооны бүрэлдэхүүнийг батлах тухай гэсэн асуудлыг хэлэлцэнэ.
 
Мөн Төсөв, Хууль зүй, Аюулгүй байдал, гадаад бодлого, Нийгмийн бодлого, боловсрол, соёл, шинжлэх ухааны байнгын хороо тус тус хуралдаж, дээрх асуудлыг хуваарийн дагуу хэлэлцэх аж.
 
Б.Туул
Эх сурвалж: "Монцамэ" агентлаг