Манай Улсад АСЕМ-ын Дээд түвшний 11 дүгээр уулзалт эхлэхэд сар гаруйн хугацаа үлдээд байна. Уулзалтын бэлтгэл ажлын талаар “МОНЦАМЭ” агентлагийн Мэдээллийн төвд Гадаад хэргийн сайд Л.Пүрэвсүрэн тэргүүтэй албаныхан мэдээлэл хийлээ.
АСЕМ-ын дээд түвшний уулзалтын бэлтгэл ажлын хүрээнд дагалдах 9 хурал болох юм. Үүний 2 хурлыг Монгол Улс амжилттай зохион байгуулсан бөгөөд ирэх зургадугаар сарын 9,10-нд болох Сангийн сайд нарын хуралдаанд бэлтгэж эхэлжээ. АСЕМ-ын Дээд түвшний 11 дүгээр уулзалтаар нийт 5000 зочин хүлээн авахаас 40 гаруй орны төрийн тэргүүн, ерөнхий сайд, 1000 орчим хэвлэл мэдээллийнхэн ирэхээр бүртгүүлээд буй аж.
Энэ үеэр Гадаад хэргийн сайд Л.Пүрэвсүрэнгээс дараах асуултад хариулт авснаа хүргэе.
-АСЕМ-ын дээд түвшний уулзалтад оролцох төрийн тэргүүн нарын байрлах хотхон болон зам барилгын ажлын явц хэдэн хувьтай байна вэ?
-АСЕМ-ын Дээд түвшний уулзалтад оролцох төр, засгийн тэргүүнүүд байрлах “АСЕМ вилла” хотхоны барилга, тохижилтын ажил дууссан бөгөөд ногоон байгууламж, цэцэгжүүлэлтийн ажил болон уулзалт хийх “Монгол хотхон”-ы бэлтгэл ажил ид өрнөж байна.
Түүнчлэн Их Монгол Улсын гудамж, Олимпийн гудамж, Гандигийн гудамжны уулзвараас урагш “Их тэнгэр”-ийн ам хүртэлх авто замыг ашиглахаар засвар шинэчлэлтийн ажлыг хийж байна. Энэ ажил 7 дугаар сарын 1 гэхэд дуусгана. Мөн АСЕМ-ын энэ удаагийн уулзалт 20 жилийн ойтой давхцаж буй тул Улаанбаатар хотын Захирагчийн ажлын алба нийслэлд АСЕМ-ын 20 жилийн ойн дурсгалт хөшөө босгох юм.
-Зочид буудлын тоо багассан гэх мэдээлэл байна. Энэ зээл олгохтой холбоотой юу?
-Саналаараа дөрөв нь татгалзсанаар 40 зочид буудал нь төлөөлөгчдийг хүлээн авах бэлтгэлээ ханган захиалгаа авч эхэлсэн. Энэ хүрээнд захиалгийн нэгдсэн систем бүхий “i-Нotel” цахим хуудас ажиллаж байгаа. Засгийн газрын хөнгөлөлттэй зээлд хамрагдсан АСЕМ-ын түнш зочид буудлуудаас 20 нь санхүүжилтээ аваад байна.
- Үйлчилгээнд ажиллах хүмүүс бэлэн үү?
-Хөдөлмөрийн яамтай хамтран 377 ажилгүй иргэнийг мэргэшүүлэн АСЕМ-ын үйлчилгээнд ажиллуулахаар ажиллаж байна. Зочид буудлын чиглэлээр 1800 ажилтныг мэргэшүүлэхээс 700 нь “Чадамжийн гэрчилгээ”-гээ авсан. Үлдсэн 800 ажилтан хуваарийн дагуу сургалтад хамрагдаж байна.
-АСЕМ-ын хөтөлбөр бэлэн болсон уу. Зочдод юу үзүүлэхээр төлөвлөөд байна?
- Нийслэлээс “Найрсаг Улаанбаатар” цогц арга хэмжээг зохион байгуулахаар ажиллаж байна. Энэ хүрээнд бэсрэг наадмаа өргөжүүлэн нүүдлийн соёлыг харуулах “Нүүдэлчдийн наадам”-ыг зохион байгуулна. Мөн Хамгаалалтын бүс дэх камержуулалт, гэрэлтүүлгийг сайжруулах, зочдод зориулсан нүүдэлчдийн наадам арга хэмжээг зохиох “Чингисийн хүрээ” жуулчны бааз хүртэлх 3.4 км авто зам болон 400 машины багтаамжтай автомашины зогсоол байгуулна.
-АСЕМ-д оролцох төлөөлөгчид Монголын эдийн засагт хичнээн төгрөг оруулах талаар судалгаа гаргасан уу?
-Эл хурлын бэлтгэл ажил, аюулгүй байдалд хяналт тавихаар 60 гаруй төлөөлөгч Монгол Улсад ирээд буцсан. Бэлтгэл ажлын хүрээнд хичнээн төгрөг Монгол Улсад орж буй талаарх судалгааг хийж эхэлсэн. Хурлын дараа гадны олон нийтийн ажилтнууд болон хэвлэл мэдээллийнхэн манай улсад аялах сонирхолтой байгаагаа илэрхийлсэн. Ерөнхий тойм мэдээллээр 8-10 сая ам. доллар манай эдийн засагт орох төлөв байна.
-Дээд түвшний 11 дүгээр уулзалтыг 800-1000 сурвалжлагч сурвалжилна гэсэн. Хэвлэл мэдээллийн төвүүдийн бэлтгэлийг хэр базаав?
-Дээд түвшний уулзалт болох “Шангри-Ла” цогцолборт Хэвлэлийн төв байгуулах ажил үргэлжилж байна. Европын өргөн нэвтрүүлгийн холбоо /EBU/-тэй хамтран Дээд түвшний уулзалтыг олон улсад шууд дамжуулах, сэтгүүлчдэд шаардлагатай дүрс, зураг түгээх зэрэг ажлыг хариуцан ажиллахаар бэлтгэл ажлыг хангаж байна.
Б.Заяа
Эх сурвалж: “Монцамэ” агентлаг
Сэтгэгдэл0
болиоч ээ
Хойд солонгос шиг хөшөө чулуугаар л амьсгалчих юм аа. Мөнгө идэх боломж л байх даа
Soliotyyd bolioch ee!!!!yygeer ydag baina aa!!!nohodyyd aa!!!
Ёстой нэг чацга царайлах юм байна даа. Үгүй тэр хөшөөгөөр одоо яадаг байнаа. Хэнд юунд хэрэгтэй юм бэ. Ядарч байхад юун хөшөө мөшөө вэ. Нгөө лам нарын зарим бизнемщенүүдийн браьда хэнд ч хэрэггүй сувраг шиг юм болно. Энүүхэндээ гэхэд ард түмэн нийтээрээ мэдэхгүй ямарч замаар юм төрийн өндөр алба зүгээр нэг хашиж байсан хүмүүс тэр ч бүү хэл луйварчин хүнд ч гэсэн үхсэнийх нь дараа хөшөө барих болж. Том алба хашиж байгаад үхсэн хүн бүрд хөшөө бариад байвал хөшөө улс болох юм байна л даа. Энэ янзаараа байвал Завханд П Очирбатын, Н Багабандийн, тэгээд хаа ч юм Н. Энхбаярын, Жасрайн, С. Баярын, Ц. Элбэгдоржийн тэр чбүү хэл их хурлын гишүүдийн Ц.Оюунгэрлийн, Арвины, . . . гэх мэтхөшөөнүүд бий болох нь