sonin.mn

 

ЛОНДОН. /BBC/. 2015 оны дэлхийн дундаж температур нь одоогоор тэмдэглэгдсэн хамгийн дулаан хэм болох төлөвтэй байна гэж Дэлхийн цаг уурын байгууллагаас мэдээлэв.

2011-2015 хүртэлх  таван жил мөн хамгийн дулаан байна гэж судлаачид хэлжээ.

2015 оны дэлхийн гадаргуугийн дундаж температур 1961-1990 оны дунджаас 0.73 хувь өндөр байгааг 1 дүгээр сараас 10 дугаар сар хүртэлх урьдчилсан мэдээлэлд тулгуурлан Дэлхийн цаг уурын байгууллага тооцоолсон байна.

Дээд амжилт эвдсэн 2015 оны температурыг дэлхийн өөр өөр нутагт мэдэрчээ. 1 дүгээр сараас 10 дугаар сард Хятадын цаг агаар хамгийн дулаан байжээ. Африк тивд дулааны хэмжээгээр 2015 он хоёрт бичигджээ.

Дэлхийн олон хэсэгт дулааны долгион нөлөөлсөн бөгөөд Энэтхэгийн зарим нутагт хамгийн өндөр дундаж температур Цельсийн 45 гаруй хэм хүрэв. Европ, Хойд Африк, Ойрхи Дорнод болон бусад газарт маш халуун үе байсан байна.

Өнгөрсөн 5 жилд болсон, ялангуяа өндөр температуртай холбоотой цаг агаарын онц ноцтой үйл явдлуудын магадлал нь хүний үйл ажиллагаанаас үүдэлтэй уур амьсгалын өөрчлөлтийн уршгаар ихээхэн нэмэгдсэн гэж Дэлхийн цаг уурын байгууллага үзэв.

Х.Аминаа

Эх сурвалж: “Монцамэ” агентлаг