sonin.mn
Сэтгэгдэл (0)

ЛОНДОН. /assetfinanceinternational/. Аж үйлдвэрийн тоног төхөөрөмжийн дотоодын эрэлт өсөж буйтай холбогдуулан тоног төхөөрөмжийн түрээсийн үйлчилгээг нэмж байгаагаа Монголын “Голомт санхүүгийн групп” мэдээллээ.

Энэ онд багтаан "Санхүүгийн түрээсийн үйлчилгээ"-ний хэсэг байгуулахаар төлөвлөж байна гэж гүйцэтгэх ерөнхий захирал Л.Болормаа хэллээ.

Нүүрс, зэс, төмрийн хүдэр, ураны баялаг ордтой Монгол Улсын уул уурхайн салбар хөгжихийн хирээр жижиг болон дунд хэмжээний аж ахуйн нэгжүүд уул уурхайн машин механизм түрээслэх сонирхолтой байгаа учир "Голомт санхүүгийн групп" ийм алхам хийжээ.

Барилга, аж ахуй, аж үйлдвэр болон эмчилгээний тоног төхөөрөмжийн түрээсийн үйлчилгээг Голомт мөн нэмэх магадлалтай бөгөөд гадаадын үйлдвэрлэгчидтэй хэлэлцээ хийж буй юм. “Уул уурхай, эмчилгээний Японд үйлдвэрлэгдсэн тоног төхөөрөмжийг түрээслэх талаар бодож үзэж байна” гэж Болормаа хэлсэн байна.

2014 оны эцсээр улсын нийт хөрөнгийн 4.53 триллион төгрөгийг барьж байсан, Монголын худалдааны гурван том банкны нэг болох Голомт банк “Голомт санхүүгийн групп”-д багтдаг.  Голомт банк дотооддоо 99 салбартай байна.

Х.Амина

Эх сурвалж: "Монцамэ" агентлаг