sonin.mn
Сэтгэгдэл (0)

"Эрдэнэт үйлдвэр” ХХК орон нутгийн хамтын ажиллагааны хүрээнд 2,3,6 дугаар хорооллын орон сууцыг будаж байна. Энэ нь Эрдэнэт хотын 40 жилийн ойг угтаж хийж байгаа ажлын нэг юм.

Уг ажил наймдугаар сарын 20-нд эхэлсэн бөгөөд гүйцэтгэл 74 хувьтай байна. Будгийн ажлыг “Эрдэнэт үйлдвэр” ХХК-ийн РСЦ компани 887 сая төгрөгөөр хийж 58 туслан гүйцэтгэгч компани, иргэнтэй хамтран ажиллаж байна. Аймгийн төвийн хорооллуудыг өөр, өөр өнгөөр будаж байгаа нь иргэдэд ихэд таалагдаж байна. Будгийн ажил энэ сарын дөрвөнд дуусах ёстой ч цаг агаарын байдлаас болж ийнхүү хугацаа алдаж байна гэж гүйцэтгэгч компанийн төлөөлөл хэллээ. Гэхдээ арванд ажлаа хүлээлгэж өгнө гэсэн юм. Дашрамд дурдахад, Эрдэнэт хотын 30 жилийн ойгоор орон сууцны хорооллын гадна фасадыг ийнхүү будаж байсан юм.

Эх сурвалж: "Монцамэ" агентлаг